Алијансата на Албанците – Kurir.mk

Села по средбата со Мицкоски: На добар пат сме да победиме секаде каде настапуваме со заеднички кандидати

Ивана Ефремовски — Mon, 11 Oct 2021 12:58:03 +0000

Лидерот на Алијансата на Албанците, Зијадин Села денеска истакна дека опозицијата во државата е на добар пат да оствари позитивни резултати насекаде каде настапува со заеднички кандидати. Села од Охрид каде имаше работна средба со лидерот на ВМРО-ДПМНЕ, Христијан Мицкоски, истакна дека соработката со ВМРО-ДПМНЕ е добра. По однос очекувањата од престојните избори Села истакна дека независно што се работи за составот на идната локална власт во општините нивната важност произлегува оттаму што токму од резултатите на овие избори ќе произлезат услови за промени на централно ниво. -Од исходот на Локалните избори ќе произлезат важни работи на централно ниво. Оваа наша соработка има за цел спречување на продолжениот раст на стапката на корупција. За жал стануваме најкорумпирана држава во регионот, па и во светски размери. Затоа треба да смогнеме сили да соработуваме за да ја промениме оваа власт која дојде со многу ветувања, а од друга страна, за жал, не успеа ништо да реализира од ветувањата, рече Села.

Алијанса на Албанците: Државата не е подготвена за легализација на марихуаната, веруваме дека ќе има и злоупотреба

Ивана Ефремовски — Tue, 12 Jan 2021 13:35:59 +0000

Додека Владата предводена од СДСМ смета дека треба да се започне со процесот на легализација на канабисот за рекреативни цели, Фалкрон Беџети, од Алијанса на Албанците, во изјава за „Слободен печат“, тврди дека е рано да се зборува за такво нешто. -Во принцип ние сме имале изјави на оваа тема и претходно и не сме за легализаија на марихуаната. Како главна причина за тоа е фактот што сметаме дека се уште не сме подготвени за такво нешто како општество. Ова се случува во тие поразвиените демократии, а ние имаме уште повеќе да направиме за нашите граѓани, бидејќи сега за сега тој процес нема да ѝ донесе добро на државата, вели Беџети. Тој изразува сомнеж и во економските придобивки кои во овој момент би можеле да ги имаме како држава од легализацијата на канабисот. -Ние сме првично за функционирање на правниот систем, па потоа да профункционираат и таквите закони. Се сомневаме дека во оваа ситуација тоа ќе функционира, веруваме дека ќе има и злоупотреба и не веруваме дека сега за сега легализацијата ќе донесе и некој позначаен економски придонес, заклучува Беџети.

Села: Многу информации од теренот не одговараат на резултатите објавени од ДИК

Ивана Ефремовски — Thu, 16 Jul 2020 17:37:33 +0000

Претседателот на Алијансата на Албанците, Зиадин Села, изразува длабока загриженост и негодување за, како што вели, игрите што се играат со необјавување на резултатите од изборите. Во својот последен пост на фејсбук, Села им се заблагодарува на аквиситите на Алијанса на Албанците и Алтернатива за дадената подршката, но истакнува дека преголемите доцнења предизвикуваат сомневања за можна манипулација со изборниот процес и конечниот резултат. – Има многу информации од теренот кои не одговараат на резултатите објавени од Државната изборна комисија до раните часови утринава. Има многу сомнителни резултати на многу избирачки места. Имаше сериозни обиди, но и активности насочени кон отуѓување на волјата на граѓаните. Нашиот заеднички штаб пријави десетици вакви случаи до релевантни тела, но и до релевантни меѓународни институции, пишува Села. Воедно тој апелира да се објават резултатите од спроведените избори на 13, 14 и 15 јули и да се отстрани секој сомнеж. Истовремено тој најави дека Изборниот штаб на коалицијата „Сега е време”, по официјалните резултати ќе поднесе приговори, поткрпени со, како што вели, факти и докази за конкретни изборни нерегуралности. (МИА)