Алијансата за Албанците – Kurir.mk

Аднан Незири е нов координатор на пратеничката група на Алијанса за Албанците

Ивана Ефремовски — Mon, 20 Mar 2023 15:51:45 +0000

Пратеничката група на Алијансата за Албанците денеска го избрала пратеникот Аднан Незири за координатор. Изборот на Незири за координатор доаѓа по назначувањето на претходниот координатор Сурија Рашиди за директор во А.Д. МЕПСО. -Незири ќе ја претставува нашата пратеничка група на координативните состаноци и сите други процеси во Собранието. Пратеничката група на Алијансата за Албанците ќе продолжи да биде гласот на гласачите на АА и воопшто на Албанците, во Собранието на Република Северна Македонија, соопшти Алијансата за Албанците преку социјалните мрежи.

Таравари: Да се повлече указот за Фрчкоски за амбасадор во ОН

Ивана Ефремовски — Thu, 03 Mar 2022 13:06:45 +0000

Генералниот секретар на Алијансата за Албанците (АА), Арбен Таравари, денеска на прес- конференција во Гостивар, се осврна на именувањето на Љубомир Фрчкоски за амбасадор на Македонија во ОН во Њујорк и побара од претседателот државата Стево Пендаровски да го повлече указот. -Овој указ низ мрак на претседателот Пендаровски е невиден дипломатски скандал и навреда за повеќето граѓани, од повеќе причини. Првата се однесува на политичкиот ангажман и длабоко антиалбанскиот пристап на Фрчкоски, оцени Таравари. - Затоа го повикуваме претседателот Пендаровски, ако по секоја цена сакаат да го направат Фрчкоски амбасадор, единственото место каде што овој поединец би бил прифатлив е Путиновата Москва, но во никој случај престолнините на нашите западни сојузници, рече Таравари.

Таравари: Опозицијата работи на создавање ново парламентарно мнозинство

Ивана Ефремовски — Fri, 22 Oct 2021 17:58:14 +0000

Генералниот секретар на Алијансата за Албанците, Арбен Таравари, изјави дека опозициските партии работат на создавање ново парламентарно мнозинство, но без да даде повеќе детали за оваа тема. Таравари во изјава за весникот ЛАЈМ рече дека соработката со „Алтернатива“ функционира без проблеми, додека за евентуална поддршка на Билал Касами во Тетово најави дека ќе се одлучува по средбата Села-Гаши.

Села: Не ни требаат експерти од странство за да видaт дека во модуларната болница имало луѓе кои не требало да бидат таму

Ивана Ефремовски — Thu, 23 Sep 2021 13:11:53 +0000

Претседателот на Алијансата за Албанците, Зијадин Села прашан за став околу барањето за анкетна комисија за трагедијата во тетовската модуларна болница, истакна дека стојат зад секаква комисија која ќе работи за да излезе вистината на виделина и да има одговорност. -Треба да има законска одговорност за сите тие кои беа одговорни. За жал, откога се случија овие многу тешки немили настани, јас не гледам дека обвинителството работи да повика некого на одговорност. Не треба некои експерти од странство да ни дојдат за да се гледа дека таму биле луѓе кои не требало со закон да бидат присутни. Според тоа, обвинителството за тоа треба да се занимава со директорот на болницата и низа други пропусти кои се случија. Како на пример 11 години господинот Бесими бил вршител на должност. Не знам какви други докази им требаат за да почне одговорност за овој човек, а да продолжи и со министерот и така натаму, рече Села на денешната прес-конференција пред состанокот со претставници на Стопанската комора на северозападна Македонија (СКСЗМ).

Села е за избори во август

Дарко Андоновски — Tue, 05 May 2020 20:46:40 +0000

На прашањето: Кога според вас е најдобро да се одржат изборите, лидерот на Алијансата за Албанците Зијадин Села одговори: -Изборите треба да се одржат во време кога ќе има услови Меѓународната мисија за набљудување ОБСЕ-ОДИХР да биде присутна, во време кога опасноста од вирусот е помала, значи изборите треба да се одржат кон крајот на јули или почетокот на август, и во моментот кога ќе се создадат услови за секој граѓанин со право на глас, кој сака да дојде и да гласа, а тоа ја вклучува и дијаспората. И со други зборови, изборите треба да се одржат кога ќе се отворат границите, одговори Села.

Таравари: Откако Беса потпиша договор со СДСМ, нивните гласови доаѓаат кај Алијансата за Албанците

Ивана Ефремовски — Wed, 04 Mar 2020 15:07:16 +0000

Алијансата за Албанците на Централно собрание на 11 март ќе ги претстави сите имиња од кандидатските листи за предвремените парламентарни избори. Едно е сигурно дека во „шестата изборна единица Зијадин Села ќе го победи Али Ахмети“, изјави денеска генералниот секретар и шеф на Централниот изборен штаб на Алијансата за Албанците, Арбен Таравари, одговарајќи на новинарско прашање за финализирањето на листите на пратеници. Таравари рече дека очекува да имаме фер и достоинствена кампања без навреди и уцени, како и без злоупотреба на власта. Според него, сите места во изборните едници, кои претходно и припаѓаа на Беса, сега „под дифолт“ и припаѓаат на Алијансата за Албанците, откако Движењето Беса потпиша договор за коалиција со СДСМ. Нелогично е, вели, една коалиција да има двајца членови на избирачки одбор. Тој информираше дека доставиле барање до ДИК во однос на пополнувањето на изборните комисии со партиски членови и оти се надеваат дека ќе добијат одговор денеска или утре.

Алијансата за Албанците и Алтернатива во коалиција одат на избори

Ивана Ефремовски — Thu, 06 Feb 2020 15:55:22 +0000

Алијансата за Албанците и Алтернатива заедничко ќе настапат на предвремените парламентарни избори закажани за 12-ти април. Преку едно јавно обраќање лидерот на Алијансата за Албанците, Зијадин Села, потврди дека од страна Африм Гаши, претседател на политичката партија Алтернатива, добиле писмена согласност за предизборна коалиција за изборите на 12 април. -За жал одговор од другите партии немаме. Од овој момент ние имаме предсогласност за коалиција за 12 април. Враќање назад веќе нема. Како претседател на Алијансата за Албанците, Ве информирам дека ние со Алтернатива ќе имаме коалиција. Во меѓувреме ние остануваме отворени за сите други странки кои се заинтересирани за да го засилат и соединат албанскиот глас и да ја максмимализират албанската понуда во изборите на 12 април, но и во период после 12 април, изјави Села.

Алијанса за Албанците им нуди коалиција на Беса и Алтернатива

Ивана Ефремовски — Mon, 03 Feb 2020 20:48:34 +0000

Алијанса за Албанците ќе прати писмена понуда до партиите Беса и Алтернатива со цел да ги повика на предизборна коалиција, најави вечерва по завршуавњето на Централното претседателтво, партискиот лидер Зијадин Села. Тој истакна дека оваа понуда е всушност стар договор. -Ова е став кој датира од вториот круг на локалните избори кога сме пружиле рака и сме се договориле дека кога и да има нови изборите влегуваме заедно во коалиција со таа политичка партија со која тогаш коалициравме, а за жал сега е поделна на две партии. За нас дадениот збор е важен поради конзинстентноста и сериозноста и пред граѓантие, не е за лични потребни туку за јавен интерес. Да донесеме демократија во албанското општество во Македонија , бидејќи тоа ни фали веќе 18 години со оглед дека живееме во политички монизам, изјави Села. Алијансата за Албанците ќе чека 48 часа на одговор на писмената понуда. (МИА)

Села: Нема да дозволиме ДУИ да гласа за други, албанските гласови треба да одат кај кандидат Албанец

Ивана Ефремовски — Fri, 01 Feb 2019 20:15:30 +0000

Политичката состојба во земјата и дебати за претседателските и евентуалните предвремени парламентарните избори. Ова беа темите на вечерашната седница на Централното претседателство на Алијансата за Албанците што се одржа во партиското седиште во Тетово, информираше претседателот на оваа партија Зијадин Села. За претседателските избори Алијансата ќе истакне свој кандидат, а останува и отворена за соработка и можеби заеднички кандидат со другите опозициски партии од албанскиот политички блок, најави Села. -Цениме дека е многу важно албанските гласови да се дадат за кандидат за претседател Албанец и од друга страна мислиме дека ќе го искористиме овој процес за нешто да промениме во начинот како се избира претседателот на државата и тој во иднина да ги претставува сите граѓани, а не посебни етнички заедници изјави Села. Тој отфрли можност за било каква соработка со ДУИ. -Алијансата за Албанците нема да дозволи ДУИ да се однесува како досега да гласаат за други кандидати за функции, а да не подржуваа Албанци како во неколку наврати. И со претседателските избори до пред три дена бараа консензуален кандидат само да биде предлог од СДСМ што и би го прифатиле. Сега за нивни политички поентирања, што најверојатно се работи за да прикријат уште еден криминал или криминалец во нивните редови како што е случајот во ПИОМ и други работи што треба да се разјаснат, бараат спас под покривот на големата куќа на Албанците тука во Македонија. Но, ние нема да го дозволиме тоа бидејќи тие излегоа од нашата куќа и нема да ги прифатиме повеќе, рече Села.