алиментација – Kurir.mk

Пејачот е несовесен татко: Не плаќа алиментација, а вози луксузни автомобили – чудо е што е жив по неговите сообраќајки

Ивана Ефремовски — Wed, 02 Nov 2022 11:16:10 +0000

Хрватскиот пејач Младен Грдовиќ (64) ја тужел својата ќерка (19) за алиментација. Смета дека и се доволни 130 евра месечно бидејќи земал пензија која изнесува нешто повеќе од 400 евра. Тој не сака да плаќа алиментација, а истовремено вози скапи автомобили, додека неговата ќерка работи како келнерка. Имено, како што пренесуваат хрватските медиуми, пејачот сака скапи автомобили, пиење, но и брзо возење, па досега направил сообраќајки со Мерцедес, Јагуар, Ферари... Првата несреќа Младен Грдовиќ (64) ја доживеал во 2004 година. Потоа го смачка своето Ферари 360. Во крвта имал 2,7 промили алкохол, а притоа си го повредил вратниот пршлен. Три години подоцна излетал од патот со Мерцедес 500 ЦЛ вреден нешто повеќе од 130.000 евра. Поради несоодветна брзина изгубил контрола над автомобилот, се движел на левата страна од коловозот и удрил во бетонски ѕид. Во таа прилика тој одбил алкотест. Грдовиќ имал и Порше, кое исто така го уништил во сообраќајка. -Можев да купам стан, но претпочитав Порше. И тој заврши во старо железо. Имам јагуар со години и никогаш нема да го продадам, изјави тогаш Грдовиќ.

View this post on Instagram

A post shared by Mladen Grdović (@mladen_grdovic)

Во 2009 година пејачот се опијанил во Задар. Тој честел во угостителски објект, а потоа седнал зад воланот на својот Јагуар и ги „собрал“ столовите на терасата од кафулето кои му биле на патот. Во 2013 година Грдовиќ и неговата сега поранешна сопруга Бранкица доживеаја сообраќајна несреќа во Арбанаши кога излетаа со Мерцедес. Удрил во бетонскиот ѕид од куќата, а потоа и во светилката. Во несреќата е повредена Бранкица, а полицијата во крвта му измерила 2,7 промили алкохол. Во 2015 година со истиот Мерцедес излетал од патот, оштетил друг автомобил и застанал откако удрил во знак. Грдовиќ потоа го напуштил местото на несреќата, а полицијата го пронашла само четири дена подоцна. Во 2016 година Грдовиќ со својот Јагуар удрил во бетонскиот ѕид од куќата. Во болница му измериле алкохол во крвта 3,61. Да потсетиме, Грдовиќ пред судот тврдеше дека немал настапи поради коронавирусот, а здравјето му е нарушено. Поради разводот со поранешната сопруга Бранкица рече дека останал без добар дел од имотот што го стекнал со пеење повеќе од 40 години. Задарскиот суд ги прифати доказите на Грдовиќ дека повеќе нема пари за издржување на ќерката, иако од октомври годинава има над 20 настапи.

Дарко Лазиќ е должен пари на сопствената ќерка: „Ако тој не чувствува морална обврска, законот не простува“

Ивана Ефремовски — Thu, 05 May 2022 08:10:17 +0000

Пејачката Ана Севиќ кон крајот на март го доби своето трето дете, додека првата ќерка Лорена ја има од бракот со Дарко Лазиќ. Неодамна во медиумите се појавија информации дека нејзиниот поранешен сопруг Дарко Лазиќ и должи алиментација и дека извршители дошле во семејната куќа во Брестач поради долгот. Ана за „Блиц“ става крај на споменатите наводи. -Дарко не беше должен да плаќа алиментација на мене, туку на своето дете, а ако некој не чувствува морална обврска, тогаш има закон што не простува такви работи. Законот предвидува дека таткото учествува во издржувањето на детето. Едноставно и лесно, истакнува Ана која сега ужива во вториот брак. Ќерката Сена, која ја доби со Даниел, наполни само една година, а пејачката пред два месеци го роди синот Симеон. -Понекогаш се форсирам бидејќи не сум некој што знае да одмори. Секако, се уморувам, бидејќи не можам да станам и да ја повлечам раката или да легнам и да одморам. Лорена оди на училиште. Сена е енергична девојка која го истражува и го запознава светот околу себе, но нивните насмевки прават сè полесно, вели Ана и признава дека Лорена и помага со помалата ќерка.

За да не плаќа алиментација, нарачал убиство на сопругата – детали за грозоморниот случај

Ивана Ефремовски — Tue, 08 Feb 2022 08:46:24 +0000

Џејсон Стар од Алабама е обвинет дека го нарачал убиството на неговата поранешна сопруга, мајка на нивните четири деца, а на овој одвратен чекор се одлучил затоа што не сакал да и плаќа алиментација од 2.550 долари месечно по разводот. Џејсон наводно му платил пари и му дал мотор на својот брат Дарин Стар за да ја убие Сара Стар во ноември 2017-та година пред нивната куќа во Каунти Кафе. Џејсон Стар бил уапсен на 7-ми декември минатата година во голема операција на ФБИ за наводно нарачување на убиството, додека неговиот брат Дарин беше само јавно идентификуван како второсомничен оваа недела. ФБИ во соопштение за печатот соопшти дека на 2-ри декември бил издаден федерален налог за Дарин Стар (53), но осомничениот е во бегство два месеци. Тој беше ставен на листата на најбарани на ФБИ, а беше понудена награда до 20.000 долари за информации што ќе доведат до негово апсење. Сара Стар била убиена на пат на работа на 27-ми ноември 2017 година. Работела како наставничка во локално основно училиште. Колегите од училиштето алармирале кога таа не се појавила на работа, а нејзиното тело подоцна било пронајдено недалеку од нејзината куќа. Нејзиниот сопруг беше главен осомничен од самиот почеток бидејќи нивната парница за развод била премногу тешка. Меѓутоа, тој имал алиби дека во моментот на убиството ручал во ресторан, што го потврдиле и очевидци. При апсењето тој се изјасни за невин по обвиненијата за нарачано убиство, а е во домашен притвор додека го чека судењето.

Навивач не смее да оди на натпревар додека не плати алиментација

Ивона Петрова — Wed, 04 Dec 2019 08:10:11 +0000

Судија од пoкраината Салта во северозападна Аргентина му забрани на еден навивач на Бока Јуниорс да оди на натпревари на неговиот омилен клуб сè додека не ги плати заостанатите алиментации на неговата поранешна сопруга. „Обвинетиот, г. Хуго Федерико Суарез, …Не смее да присуствува на натпреварите на Бока Јуниорс, сè дури тој не ја плати целата сума на заостанатите долгови“, се вели во официјалното соопштение од судот, објавено и од Аргентинската фудбалска федерација. Обвинетиот не плаќал алиментација цела измината година, што ја натера неговата поранешна сопруга да покрене тужба, изјави Силвина Карер, адвокатка вклучена во спорот. – Ова е прва ваква мерка за човек, еден од мнозината коишто не се ни свесни дека децата треба да им бидат пред сè друго, додаде таа

Одредена алиментацијата која Раста ќе ја плаќа за ќерката по разводот со Ана Николиќ

Ивона Петрова — Tue, 13 Nov 2018 07:40:18 +0000

Поп пејачката Ана Николиќ и раперот Стефан Раста одлучиле да стават крај на бракот, па посетиле адвокат за да се договорат околу разводот, пишува „Свет“. Како што пренесува порталот, парот претходната недела ја посетила адвокатската канцеларија на Боривој Боровиќ и се договориле околу деталите за разводот. -Успеа да се договорат за разводот, така што на Ана ќе и биде препишано целото старателство над ќерката Тара, вели извор за „Свет“ и додава: -Иако се шпекулираше дека ќе имаат проблеми околу имтот, сепак тие успеа да се договорат куќата која ја изградија заедно да и припадне на Тара кога ќе порасне. Ана не сакаше пари од Рата, само алиментација. Таа сакаше самиот Раста да одлучи колку пари ќе може да дава. Кога тој предложи да дава 2000 евра месечно, Ана не се противеше. Раста само бараше да ја гледа Тара кога ќе посака, а Николиќ не се спротивстави на тоа, открива изворот. Како главна причина за нивниот развод се наведува тоа што Ана дознала дека Раста има стан на Врачара во кој моментално живее, а од друга страна, на раперот му здосадило постојано да го фотографираат папараци во друштво на Ана. Таа ја стопираше кариерата поради Раста, но сега повторно се враќа на снимање песни, но и на свое реалити шоу.

Поранешната сопруга покрена тужба против него за „финансиско запоставување“, а тој ѝ исплати вака

Катерина Бојаџиева — Fri, 24 Aug 2018 21:02:10 +0000

Индонежанецот Дви Сусиларто го исплати заостанатиот долг за алиментацијата во висина од 14.520 долари во монети, а за да ги донесе 14-те вреќи тешки 890 килограми беше потребно да организира вистински логистички потфат. Судот во мај му одреди на Сусиларто да плати 178 милиони рупии за заостанати алиментации на поранешната сопруга, која покрена тужба за „финансиско запоставување“. За таа цел Сусиларто успеал за три месеци да собере 155 милиони рупии во монети, а останаатиот дел од долгот го исплатил во готово со банкноти. Тој вреќите со кованици во Судот ги донесе со помош на двајца пријатели.

Анџелина Џоли со ново обвинување за Бред Пит

Ивона Петрова — Wed, 08 Aug 2018 17:12:49 +0000

Анџелина Џоли и Бред Пит се разведени веќе две години, но сé уште не можат да се договорат за старателството над шесте заеднички деца. Иако и двајцата тврдат дека децата им се најголемото богатство и најважниот фактор во постигнувањето на разводот, две години не можат да се договорат и да потпишат документи за развод на брак. Во судските документи предадени на судот во Лос Анџелес, адвокатката на Џоли наведе дека Пит веќе една и пол година не платил „никаква значајна” алиментација. Актерката, наводно, заостанатите алиментации ќе ги побара по судски пат. Сепак, неименуван извор, кој е запознаен со ситуацијата, рече дека обвиненијата не се на место. Според наводите на тој извор, Пит од почетокот беше финансиски одговорен за децата и ги исполни сите обврски. Инаку, богатството на Џоли беше проценето на околу 150 милиони долари, а на Пит околу 245 милиони долари. Заедно тие имаат шест деца – Медокс (17), Пакс (14), Захара (13), Шајло (12) и десетгодишните близнаци Вивиен и Нокс. Тие и натаму се успешни и барани актери.

Ги оставил сопругата и децата пред 25 години, па живеел како покојник: Сега го стигна милионска казна! (ВИДЕО)

Ивана Ефремовски — Wed, 06 Jun 2018 11:48:35 +0000

Пред 25 години Ричард Хогланд ја остави сопругата Линда и двете деца. Потрагата по него не вроди со плод, па е прогласен за мртов во 2003 година. Тој меѓутоа започнал нов живот под името Тери Симански и повторно се оженил и добил дете. Го зел името на еден рибар кој починал во 1991 година. Меѓутоа, Ричард неодамна се појави на сослушувањето поради алиментација. Сумата која му ја одреди судијата изнесува 1,86 милиони долари. Приказната за него стигна на насловните страници 2016 година кога е уапсен во Зеферлис каде живеел со новата сопруга. Ричард бил осуден поради кражба на идентитет во мај 2017 година, а потоа се вратил во Индијана. Наредниот месец повторно завршил на суд кога Линда побарала да се исплатат парите за алиментација која не ја плаќал од денот кога ги напуштил синовите, Метју и Далас, кои тогаш имале 6 и 9 години. За да се извлече, тамошните медиуми наведуваат дека се појавил прилично скромно облечен, но таа тактика не му успеала. Но, дали оштетата ќе биде платена останува да се види, зошто целиот негов имот е даден како влог и за разводот од новата сопруга на Флорида.

Судот и ја одзема алиментацијата: Кога ќе дознаете колкава сума месечно добивала екс сопругата на Берлускони ќе ви се заврти во умот

Дарко Андоновски — Thu, 18 Jan 2018 16:53:10 +0000

Поранешната сопруга на поранешниот италијански премиер Силвио Берлускони, Вероника Ларио поднесе жалба до судот. Таа се жали поради укинатата алиментација во месечен износ од 1,4 милиони евра. Вероника се жали на пресудата на основниот суд, со која таа има обврска да врати 50 милиони евра , што од разводот во 2014 како алиментација ја добивала од Берлускони. Судот минатиот месец донесе одлука според која лицата кои се разведуваат немаат право да останат исто толку богати какви што биле во бракот и може да бараат алиментација само доколку не се економски независни. 61 – годишната поранешна актерка Вероника Ларио се венчала со Берлускони во 1990 година и со него има три деца родени од 1984 и 1988 година. Го напушта поранешниот премиер , кога изби аферата за Берлускони со забави со 18 – годишни девојки . Наредните пет години тие живееја разделени, а Вероника месечно добиваше по 2 милиона евра. Судот не ги зема во предвид овие средства, туку само милионите по разводот. 81 – годишниот Берлускони сега живее со 49 години помладата Франческа Паскале.