Вашингтон пост: Љубовницатa на Путин следна цел на санкциите на САД

Тале Кристо — Wed, 27 Apr 2022 19:43:35 +0000

Алина Кабаева, позната руска гимнастичарка и наводно романтичен партнер на рускиот претседател Владимир Путин, е можна цел на следните санкции, соопшти денеска Вашингтон пост. Рускиот претседател во 2013 година соопшти дека се разведува по 30 години брак со Људмила, тогашната прва дама на Русија. Од почетокот на руската инвазија на Украина, САД го санкционираа Путин (69) и повеќемина блиски соработници, па и двете негови ќерки. Шпекулациите за тоа зошто Кабаева (39) не е исто така санкционирана, се појавија по извештај од Волстрит журнал во кој се тврди дека високи службеници одлучиле да го исфрлат нејзиното име од листата. -Тоа се случило во последен момент бидејќи мерките против неа би биле личен удар врз Путин со што уште повеќе би ескалирале тензиите меѓу Русија и САД, тврди весникот, повикувајќи се на искази од официјални лица. Се наведува дека Министерството за финансии подготвило пакет санкции за Кабаева, што потоа бил ставен во мирување од членовите на Националниот совет за безбедност (НСА) „за да не се испровоцира Путин“. Санкции против неговите ќерки Катерина Тихонова и Марија Воронцова беа наметнати по доказите за она што САД и другите нации го опишаа како воени злосторства извршени од руските сили во околината на Киев, каде беа најдени искасапени тела и отсечени глави, биле извршени измачувања врз цивили и се правеле неселективни егзекуции. Цел на западните санкции се блиските соработници на Путин и нивните семејства бидејќи „Путин и многу од неговите послушници и олигарси го кријат нивното богатство, ја кријат нивната сопственост кај членови од семејствата“, изјави неодамна официјално лице од Белата куќа, пренесува Вашингтон пост. Постојат докази дека Кабаева поседува луксузен стан во Монако, додека нејзината мајка е сопственичка на луксузен апартман на крајбрежјето на Нева во Санкт Петербург. Од Кремљ демантираат дека Путин е во врска со Кабаева. Весник од Москва во 2008 година беше затворен кога за првпат објави дека познатата гимнастичарка со добиени низа медаљи и спортски награди, меѓу кои и два олимписки, е љубовница на рускиот претседател, кој тогаш беше во брак. Оттогаш таа ја завршува својат успешна спортска кариетра и станува пратеник во Државната дума од партијата Обединета Русија, и го носеше факелот на церемонијата на отворањето на ЗОИ во Сочи во 2014 година. Кабаева за првпат по многу време беше забележана во јавноста минатата недела на гимнастичарскиот фестивал „Алина“, именуван според неа, каде одржа говор стоејќи пред огромен постер со симболот Z.

Љубовницата на Путин остана мистерија: Му роди близнаци, а две години никој не ја видел?!

Ивана Ефремовски — Fri, 09 Oct 2020 07:40:58 +0000

Алина Кабаева, поранешна руска гимнастичарка, за која се шпекулираше дека има близнаци со претседателот Владимир Путин, не е видена од 2018 година, пренесуваат странските медиуми. Според гласините, Кабаева, освојувачот на златниот олимписки медал, е долгорочен партнер на Путин. Наводно, тие ги добиле близнаците во мај 2019 година, како што тврди една руска страница, сепак, тој напис е избришан во меѓувреме. Иако имало многу непроверени приказни за породувањето, сепак се верува дека Кабаева родила два сина во московска клиника. Поранешната гимнастичарка не се појавува често во јавноста и живее многу затскриен живот, така што мистеријата дополнително се продлабочи. -Ќерките од Путин живеат со лажни имиња со години. Дури и денес не ги спомнува често, па дури и ако ги споменува, не ги спомнува нивните имиња. Ако Алина ги родила своите деца, нејзиното исчезнување од јавниот живот е до сега најголемиот успех на Путин, кога станува збор за зачувување на приватноста, изјави извор од Москва за британски Сан. Со години во Русија кружат гласини дека претседателот е во врска со Кабаева, 30-годишна помлада спортистка. Да потсетиме, според руските медиуми, минатата година бил уреден целиот четврти кат на Истражувачкиот центар за акушерство, гинекологија и перинататологија со цел да се смести поранешната гимнастичарка и пратеничка во партијата на Путин. Еден од водечките весници во Москва ја објави оваа сторија на својот портал, која подоцна ја избриша. Сергеј Канев, истражувачки новинар, близок до руските разузнавачки служби, истакнува дека Алина родила близнаци. Тој бил информиран дека биле ангажирани голем број службеници за безбедност, кои извршиле преглед на секој агол од породилната болница пред нејзиното пристигнување. „Половина од медицинскиот персонал е протеран од ова одделение“, рече тој, повикувајќи се на свој извор.

Алина Кабаева – Kurir.mk

Вашингтон пост: Љубовницатa на Путин следна цел на санкциите на САД

Љубовницата на Путин остана мистерија: Му роди близнаци, а две години никој не ја видел?!