алисон бекер – Kurir.mk

Голманот на Бразил, Алисон, како да е дојден во Катар на одмор, а не да брани на Мундијал

Ристе Здравков — Mon, 28 Nov 2022 21:40:12 +0000

Првиот голман на репрзентацијата на Бразил, Алисон, е еден од ретките чувари на мрежата кој немаше потреба да интервенира во првите два натпревари на Светското првенство во Катар. Бразил во првите две кола играше против Србија и Швајцарија и во двата меча славеше со 2:0, односно 1:0, а дефанзивците на Кариоките одлично си ја завршија работата и не им дозволија на противниците да упатат ниту еден шут во рамките на голот на Алисон. Бразил денеска ја совлада Швајцарија со 1:0 која упати вкупно четири шута, но ниту еден не заврши во рамките на голот. Во првото коло во рамки на групата Г, Кариоките ја совладаа Србија и исто така му дозволија да противникот да упати само четири шута, додека тие упатија дури 24. Но, ниту еден од шутевите на српските фудбалери, исто така не заврши во рамките на голот на Алисон.

Алисон е првиот голман во историјата на Ливерпул кој постигнал гол на официјален натпревар

Тале Кристо — Mon, 17 May 2021 07:29:18 +0000

Голманот на Ливерпул, Алисон Бекер стана првиот голман во клупската историја кој постигнал гол на официјален натпревар. Ливерпул го совлада Вест Бромвич со 2:1 благодарение на голот на Алисон во петтата минута од судиското надополнување и ги зачува шансите за пласман во Лигата на шампионите. Овој гол Бразилецот му го посвети на својот починат татко Хозе Бекер кој почина во февруари 2021 година на 57-годишна возраст. Тој се удави во езеро во близина на неговата викендичка во јужен Бразил.

Голманот на Ливерпул поминува низ уште поголема болка- откако неговиот татко се удави во езеро, сега следуваше нов шок за Бекер

Дарко Андоновски — Fri, 26 Feb 2021 12:01:12 +0000

По трагедијата која буквално го сруши на земја голманот на Ливерпул Алисон Бекер, сега тој се соочува со уште поголем и тежок проблем. Имено тој вчера дозна дека неговиот татко се удавил во езеро додека ловел риби, а во меѓувреме голманот преживува вистинска драма со фактот дека нема да може да присуствува на погребот на својот татко. Неговиот татко Хозе Агостињо Бекер (57) се удави во средата попладнето во езеро на ранчот на семејството во близина на градот Лаврас до Сул кој се наоѓа во јужниот дел на Бразил. И додека неговиот брат кој исто така е голман пристигнал во домот за да биде блиску до својата мајка и семејството, Бекер поради строгите мерки кои ги воведе Бразил нема да може да присуствува на погребот на својот татко. -Бекер правеше се што може за да најде начин да одлета за родното место, очајно гледаше во летовите и начините на кои може да ги надмине забраните за летови од Велика Британија кон Бразил, но тоа не се случи, вели извор близок до голманот. Во меѓувреме Алисон преку својот Инстаграм им се заблагодари на сите фанови за големата поддршка која му ја дадоа во изминатиот ден. Инаку со ваков проблем се соочи и Јирген Клоп кој не можеше да биде присутен на погребот на својата мајка во Германија поради строгите мерки на двете земји.

Алисон може да се врати на теренот на крајот на октомври

Магдалена Андонова — Mon, 19 Oct 2020 13:15:56 +0000

Голманот на Ливерпул, Алисон, може да се врати на терените кон крајот на октомври, објави „Liverpool Echo“. Според изворот, Бразилецот веќе започнал индивидуален тренинг. Алисон го повреди рамото на 5 октомври. Се очекуваше да пропушти околу 6 недели. (МИА)

Алисон: Плачев како дете кога си заминав од Рома

Ристе Здравков — Tue, 02 Oct 2018 09:35:06 +0000

Бразилскиот голман Алисон Бекер се врати во Италија за прв пат по неговото заминување од Рома. Алисон кој утревечер со Ливерпул ќе му гостува на Наполи, на тамошните новинари им кажа дека многу тешко го поднел заминувањето од Рома. - Плачев како мало дете кога го напуштив Рим, тоа беше тежок момент за мене. Рома ми даде многу, а во тој град ја најдов мојата жена, се роди моето дете, стекнав многу пријатели. Одлуката да си заминам беше чисто од спортска природа, рече Алисон. Бразилскиот чувар на мрежата смета дека со трансферот во Англија напредувал во кариерата. - Преселбата во Ливерпул е чекор напред во мојата кариера и мило ми е што Рома од мојата продажба заработи многу пари. Алисон Бекер се пресели во Ливерпул за 63,5 милиони евра лето, што тогаш беше рекорд за голмански трансфер.

Кариус ли е, Алисон ли е: Неверојатен кикс на голманот на Ливерпул денеска со Лестер (ВИДЕО)

Матеја Петровски — Sat, 01 Sep 2018 16:17:28 +0000

Во првиот натпревар од третото коло на Премиер лигата, фудбалерите на Ливерпул во Лестер ја совладаа домашната екипа со 2:1. Иако Црвените водеа со 2:0 со головите на Садио Мане и Роберто Фирмино, нивниот голам Алисон и неговиот кикс ги чинеа уживање во мирен крај фановите на Ливерпул, затоа што со неверојатниот кикс им даде можност на Лисиците да се врат во игра. Ливерпул во наредното коло игра со Тотенхем, додека Лестер оди на мегдан со Бурнмаут.

Алисон има страшна самодоверба: Погледнете како голманот на Ливерпул си поигрува со противничките играчи (ВИДЕО)

Матеја Петровски — Wed, 29 Aug 2018 09:54:12 +0000

Многумина го критикуваа Јирген Клоп кога реши да исплати 62 и пол милиони евра за Алисон Бекер, велејќи дека тоа е премногу за еден голман, но од ден во ден, од натпревар во натпревар, самиот Алисон покажува дека Клоп и тоа како бил во право. Ладнокрвност, сигурнос, самодоверба и уште многу тоа што Ливерпул досега го немаше на голманската позиција го доби со Бразилецот. Дека се работи за вистинско богатство на голот Алисон покажува во секој натпревар, покрај одличните одбрани кои се и негова работа, тој покажува и сигурност кога топката е во неговите нозе. Тоа уште една го покажа на последниот натпревар против Брајтон, кога баш може да се каже дека си поигра со противничкиот фудбалер.

Ливерпул го доби она што одамна го немаше: Ваков голман на Енфилд немало долги години- дали конечно се спремни за титула? (ВИДЕО)

Матеја Петровски — Tue, 21 Aug 2018 08:50:34 +0000

Ладнокрвност, сигурност, самодоверба и уште многу работи кои Ливерпул ги немаше на голот уште од најдобрите денови на Пепе Реина на Енфилд. Се чини дека се тоа го добија со доведувањето на Алисон Бекер, кој беше еден од клучните фактори за важната победа против Кристал Палас вчера вечер на Селхарст Парк. Многумина го критикуваа Јирген Клоп за потрошените 62 и пол милиони евра. Најмногу од нив изгледа не ги следеа ланските настапи на одличниот Бразилец во дресот на Рома. Алисон во тешките мигови од вчерашниот натпревар донесе мир во тимот. Ливерпул имаше голман кој не паничи на ниту една повратна топка, за што сведочи и податокот дека на вчерашниот натпревар имаше 21 точен пас од упатени 23. Податок на кој може со доза на љубомора да гледа и Пеп Гвардиола, кој Едерсон од Бенфика го донесе баш поради добрата игра со нозете и сигурниот пас. Сепак, се чини дека на Енфилд доведоа уште подобар од него. Но не е само таа игра со нозете клучен квалитет на Алисон Бекер. Одличниот чувар на мрежата имаше неколку одлични парада, а пред се онаа кога спаси може да се каже совршен удар на Лука Миливојевиќ од слободен удар, со што покажа дека за него практично не постои неодбранлив удар. -Каков голман! Вау! Тоа беа одлични одбрани, многу сум среќен поради тоа. Одигра одличен меч и многу ни помогна, изјави Јирген клоп, кој во текот на вчерашниот меч со стиснати тупаници и во свој стил реагираше на секоја интервенција на својот бисер на голот. Колку значи стабилен чувар на мрежата јасно се виде и по реакциите на целата последна линија на Ливерпул. Јасно е дека Алисон на сите им донесе доза на самодоверба која ја немаа досега. -Тој е фантастичен. Гледате колку сконцентриран, стабилен и присутен во играта. Многу сме среќни што го имаме во тимот, тој има одличен карактер, изјави Вирџил Ван Дајк. Во Ливерпул се склони на влегување во еуфорична состојба. Шест бода на стартот на сезоната делуваат доста ветувачки, но јасно е дека пред тимот на Клоп има уште многу работа. Засилувања како што се Алисон и Наби Кеита, веќе донесоа дополнителен квалитет на овој тим, а начинот на кој е совладан Кристал Палас мора да биде применет во т.н. мали натпревари оваа сезона. Натпреварите со Манчестер Сити и останатите великани на англискиот фудбал, најверојатно ќе бидат и полесната задача на овој полетен тим на Јирген Клоп.

Секси докторката го запали островот: Сопругата на најскапиот голман во светот ќе ви го помати паметот во бикини (ФОТО)

Дарко Андоновски — Mon, 23 Jul 2018 19:35:18 +0000

Ливерпул пред некој ден го урна светскиот рекорд за голмани и го купи Алисон Бекер од Рома, а со него во Англиај пристигна и секси сопругата Наталија Бекер.

1 ano de casados! Que possamos viver a cada dia o amor que Deus sonhou para nós, meu marido! És meu presente! Te amo! ✨ "O amor é paciente, o amor é bondoso. Não inveja, não se vangloria, não se orgulha. Não maltrata, não procura seus interesses, não se ira facilmente, não guarda rancor. O amor não se alegra com a injustiça, mas se alegra com a verdade. Tudo sofre, tudo crê, tudo espera, tudo suporta." ‭‭1 Coríntios‬ ‭13:4-7‬ ✨❤ #bodasdepapel #casamentoAeN #obrigadaDeus #celebrandooamor #everlastinglove

A post shared by Natália Loewe Becker (@natalialbecker) on Jun 22, 2016 at 9:19am PDT

Англиските медиуми веднаш ја истражија и соопштија дека Наталија е докторка, а навивачите се воодушевени со нејзиниот изглед.

Aproveitando a folga do papai ❤

A post shared by Natália Loewe Becker (@natalialbecker) on Jun 28, 2018 at 11:15am PDT

Тие двајца се запознале додека Алисон играл во Интернасионал, а не сакала да ја напушти татковината и да замине со него во Рим бидејќи студирала.

Comemorando com o melhor do mundo!!!! Nada é impossível ao que crê!! Glória a Deus por tudo até aqui!! ❤ #forzaRoma

A post shared by Natália Loewe Becker (@natalialbecker) on Apr 10, 2018 at 4:21pm PDT

?

A post shared by Natália Loewe Becker (@natalialbecker) on Jul 14, 2018 at 1:00pm PDT

Во моментов не работи, па не би чудело доколку добие некоја работа на „Енфилд“.

Há um ano estávamos em lua de mel! Saudade dessa viagem! #tb ❤

A post shared by Natália Loewe Becker (@natalialbecker) on Dec 19, 2016 at 5:45am PST

Алисон го сруши рекордот: Еве кои се топ 15 најскапи чувари на мрежата во историјата (ФОТО ГАЛЕРИЈА)

Матеја Петровски — Fri, 20 Jul 2018 16:15:17 +0000

Ливерпул последниов период малку и нетипично за тој клуб, почна да троши големи средства на играчи, во клубот од градот на Битлси во овој момент се најскапиот голман и најскапиот дефанзивец. Во јануари оваа година за сума од 75 милиони фунти во Ливерпул од Саутепмтон пристигна Вирџил Ван Дајк, овој трансфер него го направи најскапиот дефанзивец во историјата на фудбалот. А за уште еден фудбалер да биде најскап на својата позиција се потруди повторно Ливерпул, тие платија неверојатни 66.8 милиони фунти за Алисон Бекер, кој до вчера беше голман на Рома. Алисон го сруши рекордот кој од ланското лето го држеше голманот на Манчестер Сити, Едерсон, а еве кои се најскапите 15 голмани во историјата на фудбалот. 15.Иван Пелицоли- од Аталанта во Рома за 10.6 милиони фунти- 2001 година 14.Јан Облак- од Бенфина во Атлетико Мадрид за 12.6 милиони фунти- 2014 година 13.Себастијан Греј- од Интер во Парма за 12.8 милиони фунти- 2001 година 12.Анџело Перуци- од Интер во Лацио за 12.8 милиони фунти 2000 година 11.Самир Хандановиќ- од Удинезе во Интер за 15.8 милиони фунти- 2012 година 10.Клаудио Браво- од Барселона во Манчестер Сити за 17 милиони фунти- 2016 година 9.Франческо Толдо- од Фиорентина во Интер за 17.75 милиони фунти- 2001 година 8.Давид Де Геа- од Атлетико Мадрид во Манчестер Јунајтед за 18 милиони фунти- 2011 година 7.Мануел Нојер- од Шалке 04 во Баерн Минхен за 18 милиони фунти- 2011 година 6.Бернд Лено- од Баер Леверкузен во Арсенал за 19.2 милиони фунти- 2018 година 5.Алекс Мерет- од Удинезе во Наполи за 19.6 милиони фунти- 2018 година 4.Џордан Пикфорд- од Сандерленд во Евертон за 25 милиони фунти- 2017 година 3.Џанлуиџи Буфон- од Парма во Јувентус за 33 милиони фунти- 2001 година 2.Едерсон- од Бенфика во Манчестер Сити за 35 милиони фунти- 2017 година 1.Алисон Бекер- од Рома во Ливерпул- 66.8 милиони фунти