Со мемоарите им предизвикала душевна болка на најблиските: Сестрата на Мараја ја тужи пејачката – бара цело богатство

Ивана Ефремовски — Fri, 05 Feb 2021 08:25:12 +0000

Мемоарите на Мараја Кери, „The Meaning of Mariah Carey“, објавени во септември минатата година, ѝ предизвикале душевна болка на нејзината сестра Алисон, за што ја тужи својата славна сестра за отштета. Алисон Кери поднесе тужба во понеделникот пред Врховниот суд во Њујорк, барајќи 1,25 милиони долари за душевна болка предизвикана од мемоарите на поп-ѕвездата, особено поглавјето со наслов „Dandelion Tea“. Во тужбата се тврди дека во книгата, Мараја Кери упатила бројни обвинувања против Алисон Кери без докази, вклучувајќи ги и наводите дека Алисон ја малтретирала, фрлала зовриена вода кон неа, ѝ давала валиум и дека постојано се обидувала да ја измами. За нејзиниот брат Морган, Мараја Кери во книгата тврди дека покажувал деструктивност и во детството и во позрелите години, изјавувајќи дека кога нејзиниот брат бил во близина, не било невообичаено да се прават дупки во ѕидовите или да летаат предмети низ куќата. Во тужбата, Алисон исто така тврди дека Мараја, иако знаела дека нејзината сестра е повредена и скршена од овие трауматски настани од минатото, го искористила својот статус да ја нападне нејзината сестра која не е толку моќна финансиски, за дополнителен успех.

Сестрата на Мараја Кери ја тужи нивната мајка за наводна с*ксуална злоупотреба

Ивана Ефремовски — Sat, 08 Aug 2020 13:39:01 +0000

Алисон Кери (57), постарата сестра на пејачката Мараја Кери, ја обвини својата мајка Патриша дека ја принудувала на сексуален акт со непознати лица на возраст од 10 години, а во четвртокот поднела тужба во Врховниот суд на државата Њујорк, објави британски „Сан“. Весникот открива дека во тужбата е наведено: „Обвинетата, која е мајка на тужителот, дозволила и охрабрила машки лица, чии идентитети во моментот се непознати, да вршат сексуален акт или сексуално задоволување, како што е дефинирано во казнениот закон во Њујорк, поточно присилно допирање и сексуален напад од прв степен додека тужителот бил на возраст од 10-ина години. Алисон (57), која претходно била проститутка и е ХИВ-позитивна, во документите тврди дека ѝ е дијагностицирано посттрауматско нарушување и депресија како резултат на наводната злоупотреба. Алисон беше уапсена во 2016 година поради проституција, Таа тогаш сними видео за „Дејли мелл“, во кое апелира до нејзината славна сестра за помош.

Алисон Кери – Kurir.mk

Со мемоарите им предизвикала душевна болка на најблиските: Сестрата на Мараја ја тужи пејачката – бара цело богатство

Сестрата на Мараја Кери ја тужи нивната мајка за наводна с*ксуална злоупотреба