алисон – Kurir.mk

Клоп за грешките на Алисон: Секој знае колку е добар, ретко прави грешки

Тале Кристо — Fri, 12 Feb 2021 13:47:44 +0000

Главниот тренер на Ливерпул, Јирген Клоп проговори за грешки на голманот Алисон на мечот со Манчестер сити (1:4). – Секако дека разговаравме со него. Тој не беше среќен за тоа што се случи, но во такви моменти е многу важно да се разбере дека голманите прават грешки во текот на нивната долга кариера. За голман на ова ниво, Алисон ретко прави вакви грешки, а на тој меч погреши двапати. Поминаа неколку дена од натпреварот со Сити и немаше апсолутно никаква вистинска критика од играчите затоа што секој знае колку е добар Алисон. Тој е многу мирна личност. Се приближува нов натпревар, што е добро, бидејќи тој ќе може да игра повторно на своето вообичаено ниво и сè ќе биде добро, изјави Клоп. Ливерпул утре од 13:30 часот му гостува на Лестер во 24. коло од Премиер лигата.

Клоп ја оправда сумата за Алисон со недостиг на пазарот

Даниел Василев — Fri, 27 Jul 2018 12:19:39 +0000

Менаџерот на Ливерпул, Јирген Клоп е убеден дека неговиот избор да го привлече Алисон од Рома бил оправдан, независно од рекордната за голман цена - 75 милиони евра. Во зима, пак, финалистот во Лигата на шампионите направија и од Вирџил ван Дајк најскап дефанзивец, што е во спротивност со мислењето на Германецот пред некое време дека никогаш нема даде толку многу пари за трансфер. - Сите мислат дека тоа се многу пари. Во право се, тоа се многу пари. Но, сепак, пример клаузулата на Јан Облак е 100 милиони евра, па ... многу убаво. И зборуваме за годината во која речиси ништо не се случува во однос на зделки со голмани, објасни Клоп пред „ЕСПН“. Тој додаде дека дел од неговата работа е да се обиде да ги привлече најдобрите можни играчи. - Пазарот на играчи за овој пост е различен, бидејќи нема многу опции секоја година, заврши тренерот на „црвените“ на темата. МИА

Кариус за трансферот на Алисон: Никој не разговарал со мене

Даниел Василев — Tue, 24 Jul 2018 11:14:14 +0000

Лорис Кариус е едно од најчесто дискутираните имиња во фудбалот во последните два месеца. И причините не се многу пријатни за голманот. Откако направи груби грешки во финалето на Лигата на шампионите, Германецот е критикуван од фановите на фудбалот, а најновиот удар за него беше привлекувањето на Алисон, што значи дека Кариус ќе биде резерва за Ливерпул во новата сезона. - За мене логично тоа не е оптимална ситуација. Никој не разговараше со мене, изјави Кариус по повод трансферот на Бразилецот. На прашањето дали ќе остане во Ливерпул, Кариус одговори: „Не знам. Не можам да кажам што ќе правам. Има уште малку време. Фокусот е врз овие натпревари (од подготовките), да тренирам добро и да влезам во најдобра форма. Секојдневно работам напорно“. MИА

Ливерпул пропуштил да го земе Алисон за многу помалку пари во 2015 година

Ивона Петрова — Mon, 23 Jul 2018 10:09:14 +0000

Вицешампионот на Европа, англиски Ливерпул даде 67 милиони фунти за привлекување на голманот Алисон, и логично, навивачите на „црвените“ се многу ентузијастички настроени поради неговото пристигнување. Но, тие нема да бидат толку среќни кога ќе дознаат дека клубот можел да го привлече Алисон за само четири милиони фунти. Тоа било можно во јули 2015 година кога Ливерпул имал можност да го земе Бразилецот за само 3,1 милион фунти и дополнителни исплати од 900.000 од британската валута. Тогаш агентот на играчот, Зе Марија Нејш, испратил детални информации за неговиот клиент во Ливерпул и неколку други тимови во Премиер лигата и Чемпионшип првенството. Во тоа време Алисон веќе остави впечаток со настапите за младинските тимови на Бразил, но се уште немаше покажано што знае во Европа, поради што од Ливерпул се одлучиле да не ризикуваат со неговото привлекување.

Рома ја одреди цената за Алисон

Дарко Андоновски — Wed, 30 May 2018 08:43:44 +0000

Рома е подготвена да го продаде својот голман Алисон доколку се најде заинтересиран клуб кој би платил оштета во висина од 90 милиони евра. Ова е реакција на калчолигашот по големиот интерес пројавен од страна на Ливерпул и шпекулациите дека бразилскиот голман ќе го засили премиерлигашот. Пред неколку дена во англиските медиуми беше објавено дека Јирген Клоп сака да го ангажира еден од најдобрите голмани во сезоната што заврши. Останува да се види одговорот на Ливерпул кој е подготвени да потрошат рекорден износ за купување на голманот, но официјален предлог се уште не е даден. Голманското место на Ливерпул се актуелизира по финалето во Лигата на шампионите минатиот викенд кога чуварот на мрежата на „црвените“ Лорис Кариус направи два големи кикса што неговата екипа ја чинеа пораз од Реал.