алкохолизам – Kurir.mk

Бајага се огласи по веста дека завршил на клиника за одвикнување од алкохолизам

Ивона Петрова — Tue, 04 Jul 2023 19:41:21 +0000

Бајага ги негираше сите наводи и истакна дека се чувствува одлично, откако денеска во српските медиуми одекна веста дека музичарот наводно завршил на лекување од алкохолизам во приватна клиника во Земун. - Супер сум, се чувствувам одлично, никогаш подобро! Ова не е точно тоа за лекувањето. Немам проблеми, се чувствувам добро, благодарам за грижата, рекол Бајага. Познатиот музичар по 33 години брак се разведе од сопругата Емилија. По медиумскиот молк на социјалната мрежа Фејсбук, тој самиот откри дека ставил точка на бракот. - Иако не сум приврзаник на јавното мислење и дека во жолтиот печат протекуваат работи од приватниот живот... иако веројатно веќе знаете... Па да се изјаснам. Официјално разведен! – откри тогаш на Фејсбук.

Кејт Мидлтон со порака до оние кои се борат со алкохолизам

Ивона Петрова — Mon, 31 Oct 2022 07:09:15 +0000

Војвотката од Велс, Кетрин – Кејт Мидлтон сподели трогателна порака до луѓето кои се борат со алкохолизам, нудејќи им ја својата поддршка. – Зависноста е сериозна состојба на менталното здравје што може да му се случи секому, без разлика на возраста, полот, расата или националноста, рече британската принцеза на видео на Јутуб. Како покровителка на здружението за поддршка и рехабилитација од алкохгол, „Forward Trust“, таа запознала многу луѓе кои страдале од оваа зависност. – Ставовите кон зависноста се менуваат. Но, сè уште не сме таму каде што и треба да бидеме. Сепак, срамот од зависноста ги спречува луѓето и семејствата да побараат помош и луѓето сè уште трагично ги губат своите животи. Ние како општество треба да признаеме дека единствениот начин да им помогнеме на оние кои страдаат е да се обидеме да разбереме што ги навело до зависноста, да сочувствуваме со нив и да бидеме сочувствителни за нивните борби… Никој не избира да стане зависник. Сакам да знаете дека ова е сериозна здравствена состојба. Ве молам, не дозволувајте срамот да ве спречи да ја добиете помошта што очајно ви е потребна!, додаде таа. Кејт беше прогласена за покровителка на здружението минатата година.

Проектот поддржан од Шилегов ќе го поттикне алкохолизмот, сметаат социолозите

Ивана Ефремовски — Thu, 24 May 2018 16:31:07 +0000

Лицата во алкохолизирана состојба ќе добиваат гратис такси до дома. Ова е проект кој што е инициран од Ресторани.мк. Според иницијаторите идејата е рестораните да бидат поодговорни кон своите гости. Проектот е поддржан и од Град Скопје. Од таму велат дека со ова, ќе се намали бројот на алкохолизирани граѓани во градот. Но, според социологот Илија Ацески оваа мерка уште повеќе ќе го поттикне алкохолизмот. Тој вели дека се изнасмеал кога ја слушнал информацијата и мислел дека станува збор за шега. Ацески вели дека Македонија е во групата држави во која голем дел од популацијата консумираат алкохол. Тој додаде и дека алкохолизмот е најраспространет меѓу младите. Инаку, ваучерот за такси кој ќе им се доделува на алкохолизираните гости ќе изнесува 100 денари. Извор: ТВ21