алкохолни пијалаци – Kurir.mk

ГОЛЕМА ЗАБРАНА НА ОВОЈ ПРОИЗВОД ВО КИЕВ – од утре во земјата НЕ СМЕЕ да се продава додека трае војната!

Дарко Андоновски — Mon, 28 Feb 2022 18:57:55 +0000

Ситуацијата во главниот град на Украина – Киев останува тешка и тензична, а полицискиот час ќе започне во 20 часот. Од утре, 1 март, во Киев стапува на сила и забрана за продажба на алкохолни пијалоци, објави денеска градоначалникот на Киев Виталиј Кличко. – Од утре во главниот град е строго забранета продажбата на алкохолни пијалоци. Апсолутно. Посебно внимание посветувам на сопствениците на продавници и синџири на аптеки. Покачувањето на цените на храната, основните продукти и лековите, за време на војна не е ништо подобро од грабеж, изјави Кличко. Јавниот транспорт во Киев ќе престане со работа во 19 часот и ќе продолжи да сообраќа наутро во 8 часот. Кличко, нагласи дека цивилите кои ќе се движат низ градот за време на полицискиот час без посебна пропусница ќе се сметаат за членови на непријателски диверзантски групи и дека може да ја напуштат куќата за време на полициски час во случај на воздушен аларм за да отидат до најблиското засолниште.

Најмалку 44 лица умреле за неколку дена од труење со алкохол во Турција

Дарко Андоновски — Tue, 13 Oct 2020 13:27:47 +0000

Најмалку 44 лица умреа во рок од неколку дена во Турција поради труење поврзано со токсични алкохолни пијалоци, при што полицијата извршила неколку апсења и конфискувала тони шишиња алкохол, ја пренесе ДПА државнатаа телевизија ТРТ. Од 9 октомври најмалку 30 лица низ цела Турција се примени во болница поради труење со метанол. Цената на алкохолните пијалоци во земјата постојано расте откако властите на неколку пати го зголемија данокот на алкохолните пијалоци, додава агенцијата. Во рациите низ целата земја, од минатата недела до денеска полицијата приведе 22 осомничени и заплени речиси 20 тони алкохол и алкохолни пијалоци, јави државната агенција Анадолија. Во Турција од ден на ден се зголемува потрошувачката на домашен или дестилиран алкохол произведен во нехигиенски услови, јавуваат локалните медиуми. Податоците на Евростат покажуваат дека Турција во август имала највисока цена на алкохол споредено со сите земји на ЕУ и Европската асоцијација за слободна трговија, додава ДПА.

Келнерите откриваат кои 3 пијалаци никогаш не би ги нарачале

Катерина Бојаџиева — Fri, 24 Jan 2020 12:44:11 +0000

Порталот Н1 направи анкета меѓу келнерите, околу тоа- кои пијалаци скоро никогаш не би ги нарачале? Следат трите најчести одговори… 1.Мимоза Иако овој коктел има две состојки, тој е прилично популарен. Но, оригиналниот рецепт налага мешавина од сок од портокал и шампањско, така што „на многу места, ќе добиете евтино пенливо вино без вистинскиот вкус“, коментираат познавачите. 2.Пијалаците коишто завршуваат на „-тини“, а не се мартини Кога нарачувате мартини, добивате совршен спој на џин и вермут со маслинка. Меѓутоа, кога ќе нарачате, на пр. аплтини, ќе ви налеат вотка со сок од јаболко. Овие видови „мартинија“ со овошја се доста популарни, но немаат никаква врска со оригиналниот коктел. 3.Рум-кола Рум-кола е речиси класика која се пие со десетлетија… Но, румот е алкохол со високо ниво на шеќер, што кога се меша со засладени газирани напивки како Кока-колата, станува премногу благ и тотално нездрав. За оние што сакаат да експериментираат, познавачите препорачуваат Дарк енд Сторми – комбинација од темен рум и пиво од ѓумбир.

Во Кисела Вода физички нападнал вработен во продавница и одзел алкохолни пијалаци

Дарко Андоновски — Tue, 22 Oct 2019 14:34:04 +0000

На 21.10.2019 околу 07.45 часот во СВР Скопје било пријавено дека во продажен објект на ул.„Христо Татарчев“ едно лице одзело алкохолни пијалаци и физички го нападнало вработениот. Се преземаат мерки за расчистување на случајот, информираат од МВР.