алмакос – Kurir.mk

„Алмакос“: Албанската опозиција да земе пример од македонската опозиција

Ивана Ефремовски — Tue, 02 Nov 2021 18:31:51 +0000

Пред 4 години, најголемата опозициска партија во Македонија, ВМРО-ДПМНЕ, ги загуби речиси сите општини во државата, вклучително и историските. Тоа беше прв пораз на Никола Груевски од 2006 година кога дојде на власт. Тој поднесе оставка, се соочи со напади и судски постапки, беше осуден и побегна од Македонија во Унгарија каде што живее и денес, се наведува во анализата на Алмакос. -Неговата партија, анатемирана од меѓународните, ослабе и се мислеше дека никогаш повеќе нема да крене глава. Организираше внатрешни избори, а за претседател наместо Груевски беше избран Христијан Мицкоски. Раководството го сочинуваа млади луѓе но и со придонеси и гласови во партијата и во електоратот. Тие го задржаа својот доктринален пристап како политичка сила создадена во 1903 година и антирежимска партија во времето на комунизмот. Се дистанцираа и од политичкиот екстремизам од времето на Груевски, но никогаш не го нападнаа лично(Груевски). Тие, како членка на Европската народна партија, водеа прозападна агенда, но во меѓувреме ги остранија од партијата сите корумпирани од поранешното раководство со на чело Сашо Михајлков, поранешниот шеф на тајната служба, кој сега е во затвор, се наведува во анализата. „Тие се вклучија и во една агенда заедно со албанската опозиција на Зијадин Села и Алтернатива со кои беа во политичка војна. Нив ги обедини борбата против корупцијата и граѓанската агенда за интеграција. И покрај поразот на претседателските избори пред 2 и пол години, тие имаа добар резултат на општите избори минатата година и триумфираа во 2021 година на локалните избори. Се подновија, се обединија со себе, со граѓаните и со албанската опозиција и триумфираа“. -И покрај тоа што Заев беше лидер кој има најголема можна меѓународна поддршка во историјата на Македонија, тој длабоко загуби. Овие пораки мора да ги прими албанската опозиција, која се оди од пораз во пораз, поделена меѓу себе и нејзините сојузници, без меѓународен кредибилитет, без програма и цели и целосно под контрола на локалната олигархија. Вака најверојатно ќе има долг живот во опозиција.. Нека земе пример од македонската опозиција, пишува Алмакос во анализа потпишана од Аниса Бахити.

„Алмакос“: Членови на кумановската група го претепале Ристовски зошто не давал пари за училиштата со настава на албански јазик

Ивана Ефремовски — Thu, 21 Feb 2019 17:51:21 +0000

Членовите на семејствата на Кумановската група, во изјава за весникот „Лајм“, дале објаснување во врска со инцидентот што се случи денеска во затворот Шутка, каде претепани беа поранешните министри Миле Јанакиески и Спиро Ристовски, пишува „Алмакос“. -Денеска во утринските часови во затворот, Лирим Красничи го нападнал Спиро Ристовски, поради расправија околу финансирањето на училиштата каде се одвива настава на албански јазик, гласи една од изјавите, пишува порталот. Во 14 часот, Есат Кафеголи го претепа Миле Јанакиевски, бидејќи тој го нарече албански терорист, велат за „Лајм“ членови на семејствата, откако стапиле во контакт со своите роднини од затворот.

Алмакос: МФА, со добар почеток за заштита на албанскиот јазик

Матеја Петровски — Tue, 15 May 2018 15:22:08 +0000

Од денес, на пазарот на невладини организации во Македонија им се придружи уште една организација. Младински Форум на Албанците, денеска и официјално ги зеде печатите од Централниот Регистар на Република Македонија, објавува порталот Алмакос. Претседателот на МФА, Аритон Рама им честита на сите членови и на сите млади пишувајќи дека тие се единствената организација која е регистрирана и на албански јазик. -Според Централен Регистар, Младински Форум на Албанците е првата невладина организација во нашата земја која е запишана двојазично од актот на основање па се до печатите, а сега и функционална одлука на албански јазик, што значи не сме прифатиле ниту една процедура без да фигурира албанскиот јазик. Честитки на сите, напиша Рама. Инаку МФА го започна своето патешествие пред еден месец и целта на оваа организација е да ја обедини албанската младина како и создавањето сеалбански студентски парламент.

Движењето за Илирида со поамбициозна економска програма од Заев и Ахмети

Ивана Ефремовски — Fri, 16 Feb 2018 11:36:34 +0000

Илирида ќе ја водиме по економските стапки на Швајцарија, порачува Движењето за Илирида. Движењето за Илирида, покрај платформата за политички решенија, исто така изготви и програма за економски развој. Тоа е програма прилагодена на природните услови и ресурси кои ги има на располагање територијата на Илирида, објавува АЛМАКОС. Економско развојната програма ќе започне со реализација после промените во образовната програма, која ќе биде приспособена да подготвува кадар за фабриките што ќе се отворат на територијата. -Носители на развојот ќе бидат постоечките капацитети, кои ќе им се даде можност да ги удвојат капацитетите, а друг носител на развојот ќе биде поддршката за странските инвеститори кои се во можност да изградат производствени капацитети, воглавно за извоз, и на овие инвеститори однапред ќе им се подготвуваат професионални кадри. За пласирање на производите надвор од земјата ке биде основана агенција со професионални промотори кои ќе бидат анагжирани за наоѓање странски пазари, за продавање на домашните производи надвор од земјата. Домашните производи ќе прераснат во брендиран квалитет, анализира порталот. Програмата се заснова на тоа во секое населено место да има фабрика, за целото население да се вработи. Нашата програма за решавање на невработеноста на населението не се базира на вработување во администрација, туку во фабриките, каде ке биде вработена армијата невработени. За четири години невработеноста ќе се намали до 15%. Како и животниот стандард брзо ќе се зголеми, така што најниската плата ќе биде израмнета со платите на земјите во централна Европа, пишува во програмата на Движењето за Илирида. Исто така, ќе се ослободи локалната власт од пренатрупаната администрација. Ќе се воведе подруго работење со кое институцијата заменик ке биде избришан од функционалност. Ова е само еден сегмент од економско развојната програма. Движењето за Илирида е посветено на тоа вековната болка, како што ја вика народот црна туѓина, да биде целосно искоренета од нашиот регион. Нивната програма е поамбициозна од програмата за работа на македонската Влада предводена од СДСМ и ДУИ, односно Зоран Заев и Али Ахмети. Во Македонија изминативе месеци никој не работи на привлекување инвеститори и отворање на нови работни места. Наместо економски просперитет, економијата во земјава оди само надолу.