Алмазбек Атамбаев – Kurir.mk

Уапсен поранешниот претседател на Киргистан, Атамбаев

Тале Кристо — Sat, 10 Oct 2020 12:20:48 +0000

Поранешниот претседател на Киргистан, Алмазбек Атамбаев е уапсен, соопшти Социјалдемократската партија на Киргистан. Атанбаев е уапсен, како што наведе полицијата, поради организирање на масовни немири. Тој претходно беше ослободен од куќен притвор. Атанбаев беше претседател на Киргистан од 2011 до 2017 година. Во меѓувреме, Командата на градот Бишкек воведе полициски час во главниот град од 21 до пет часот. Полицискиот час ќе важи за сите со исклучок на вработените во државните и градските служби кои соработуваат со Командата на градот. Со мерката се забрануваат собири, протести, дефилеа и демонстрации, како и масовни спортски настани на територијата на градот Бишкек. Претседателот на Киргистан, Соронбај Женбеков вчера прогласи вонредна состојба во Бишкек и нареди распоредување на војската. Тој претходни изјави дека е подготвен да поднесе оставка кога ќе се формира нова влада и завршат немирите, што избија по објавување на резултатите од парламентарните избори и упадот на приврзаниците на опозицијата во државните институции. Женбеков ги повика сите политички сили во земјата да го зачуваатмирот и да ја запрат поделбата на општеството.

Поранешниот претседател на Киргистан, Атамбаев, осуден на 11 години затвор

Магдалена Андонова — Tue, 23 Jun 2020 13:21:25 +0000

Поранешниот киргистански претседател Алмазбек Атамбаев е осуден на 11 години и два месеци затвор за неговата улога во ослободувањето на еден мафијашки шеф од затвор. Судот во Бишкек, исто така, донесе одлука имотот на Атамбаев да биде запленет, а неговите титули да бидат отповикани. Атамбаев (63) не присуствуваше на денешното рочиште поради болест. Судот пресуди дека Атамбаев имал улога во ослободувањето на чеченскиот криминалец, Азиз Батукаев, од затвор во Киргистан. Истрагата утврди дека лекарското уверување дека затвореникот е во термална фаза на болеста, врз основа на кое бил ослободен, било лажно. Поранешниот лидер на Киргистан прво беше обвинет за корупција. Атамбаев ги отфрли сите обвиненија како „апсурдни“ и оцени дека е жртва на конфликт со неговиот наследник и ривал, сегашниот претседател Соронбај Женбеков. Околу 2.000 полицајци учествуваа во апсењето на Атамбаев во 2019 година. За време на акцијата, еден специјален офицер е убиен, а околу стотина луѓе се ранети. (МИА)

Киргистан: Атамбаев подготвувал државен удар

Ивона Петрова — Tue, 13 Aug 2019 07:47:13 +0000

Поранешниот претседател на Киргистан, Алмазбек Атамбаев приведен на 8 август, подготвувал државен удар. Тоа го изјави шефот на киргистанскиот Државен комитет за национална безбедност Орозбек Опумбаев. Според него, при операцијата за приведување на Атамбаев експретседателот употебил жени и деца да го штитат за да објави дека се повредени цивили. – Атамбаев се подготвувал за соборуавње на властите, изјави тој. Осомничен за корупција и со одземен имунитет, Атамбаев беше во резиденцијата во селото Кој-Таш близу Бишкек. Операцијата траеше речиси 24 часа со оглед на отпорот на приврзаници на Атамбаев кој ги отвфрла обвиненијата. За време на акцијата над 100 луѓе меѓу кои и полицајци побараа медицинска помош.