алпи – Kurir.mk

Пронајдено тело на австриските Алпи: Полицијата верува дека таму било 22 години

Ристе Здравков — Wed, 23 Aug 2023 09:39:20 +0000

Планинарски водич пронашол остатоци од човек за кој се верува дека загинал во несреќа на глечер пред 22 години високо на австриските Алпи, соопшти денеска полицијата. Телото беше пронајдено на глечерот Шлатенкис во националниот парк „Хохе тауерн“ во источната провинција Тирол, блиску до италијанската граница и на надморска височина од 2.900 метри. Водичот ја известил полицијата во Лиенц, која го извлекла телото со помош на хеликоптер. Неколку метри под телото спасувачите пронашле ранец со пари, банкарска картичка и возачка дозвола. Полицијата утврдила дека, најверојатно, станува збор за посмртните останки на Австриец, кој во моментот на исчезнувањето имал 37 години, јавува „Асошиетед прес“. Исчезнатиот носел опрема за скијање. Се прави споредба на ДНК за да се потврди идентитетот на мажот, а резултатот се очекува за неколку недели. Поради топењето на глечерите, за што многу научници вината ја наоѓаат во климатските промени, има сè повеќе откритија на останки на планинари, скијачи и други алпинисти, кои исчезнале пред неколку децении. Во соседна Швајцарија полицијата минатиот месец објави дека ДНК-тестовите потврдиле оти телото пронајдено на глечер во близина на Матерхорн е на исчезнат германски планинар од 1986 година.

Алпите лани изгубија повеќе мраз од ледниците од кога било досега

Ивана Ефремовски — Thu, 20 Apr 2023 09:50:46 +0000

На Алпите минатата година се стопи повеќе мраз од ледниците отколку кога било досега, објави денеска агенцијата на ЕУ за следење на климатските промени. Глечерите изгубија повеќе од пет кубни километри мраз, објави Службата за следење климатски промени Коперник. Од европската агенција велат дека доколку споменатата ледена маса се претвори во коцка, нејзините рабови би биле околу пет и пол пати повисоки од Ајфеловата кула. Глациолозите претходно предупредија дека состојбата на алпските глечери е вистински показател за последиците од климатските промени и дека, според песимистичките предвидувања, Алпите би можеле да останат речиси целосно без мраз до 2100 година, само со делови од лед, кои ќе бидат пет или помалку проценти од она што постои денес. Количината на стопен мраз од ледниците не е единствениот рекорд што сервисот го забележа во 2022 година. Имено, Европа го доживеа најжешкото лето досега евидентирано. Во просек, тоа беше 1,4 степени Целзиусови потопло од референтниот период од 1991 до 2000 година. Според Коперник, температурите во Европа се зголемуваат приближно двојно побрзо од глобалниот просек. Летото беше обележано и со голема суша што зафати повеќе од една третина од Европа, што влијаеше на земјоделството, транспортот и снабдувањето со енергија низ целиот континент. Коперник ги припишува сушните услови на потпросечните снежни врнежи претходната зима и топлотните бранови во текот на летото. Во јужниот дел на Европа забележани се поголем број денови обележани со „екстремен топлотен стрес“, што значи дека многу високите температури претставуваат ризик за здравјето на населението. Покрај тоа, сончевото зрачење над Европа беше поинтензивно отколку во кој било период во изминатите 40 години. Ова резултираше со натпросечен потенцијал за производство на соларна енергија во многу делови на континентот, а овој тренд се очекува да продолжи. Коперник ги бележи податоците од 1979 година. Од 1950 година, Службата за климатски промени користи разни други податоци што ѝ се достапни, на пример податоци од копнени станици, балони, авиони и сателити. Со помош на компјутерски анализи се објавуваат месечни податоци за температурите, покриеноста со мраз на морската површина и други појави. (МИА)

Бројот на загинатите во лавина на француските Алпи се искачи на шест лица

Катерина Бојаџиева — Mon, 10 Apr 2023 12:50:11 +0000

Бројот на загинатите во лавина на француските Алпи денеска се искачи на шест, а меѓу загинатите има и двајца планинарски водичи, соопштија локалните власти. Канцеларијата на обвинителството во Боневил, во департмантот Горна Савоја, наведува дека телото на шестото лице е пронајдено откако потрагата продолжила денеска по лавината која се случи вчера. Едно лице е префрлено во болница со полесни повреди, соопштија од Горна Савоја. Пронајдени се уште осум лица, кои не се повредени. Други детали за жртвите не се соопштени. Лавината се случи вчера, околу пладне на глечерот Амансет, кој се наоѓа во близина на селото и ски-центарот Ле Контамен-Монтжоа, во департманот Горна Савоја.

Детали за вчерашната несреќа на Алпите: Автобусот со 40 деца се превртел низ падина и паднал во поток- ПОВРЕДЕНИ 21 ЛИЦЕ

Катерина Бојаџиева — Sun, 05 Mar 2023 09:45:38 +0000

Најмалку 21 лице е повредено вчера во несреќа на француските Алпи кога автобус со деца се превртел и низ падина и паднал во поток. Во автобусот се превезувале 40 основци. Возачот и совозачот се најтешко повредени, додека 18 деца и еден возрасен се здобиле со полесни повреди, изјави Фабиен Мулик, градоначалник на градот Корп, каде што се случила несреќата.

Автобус со деца се преврте на Алпите- повредени најмалку 20 лица

Катерина Бојаџиева — Sat, 04 Mar 2023 18:09:42 +0000

Автобус со деца се преврте на француските Алпи, при што се повредени најмалку 21 лице. Според информациите возилото превртело по падина и завршило во поток. Во автобусот се превезувале 40 ученици од основно образование. Најтешко повредени се возачот и сопатникот, а 18 деца и еден возрасен се здобиле со полесни повреди, изјавил Фабиен Мулик, градоначалник на градот Корп, каде што се случила несреќата. Регионалниот обвинител започнал истрага, а градоначалникот изјавил дека голема е веројатноста возачот да имал некаков медицински проблем додека бил зад воланот. Локалните власти за француските медиуми изјавиле дека при падот на автобусот временските услови биле добри, а на местото на несреќата немало снег или мраз.

Авионска несреќа на Алпите, најмалку петмина загинати

Ивона Петрова — Sat, 21 May 2022 20:14:28 +0000

Најмалку пет лица загинаа во пад на туристички авион на југоистокот од Франција, јавуваат локалните медиуми. Несреќата се случила на француските Апли. Авионот, кој е во сопственост на локален аероклуб, бил на прв лет и полетал од аеродромот Верси. Пронајдени се пет целосно јагленисани тела, а засега не се потврдени сомнежите дека меѓу жртвите има едно дете. Локалните медиуми тврдат меѓу четворица од настраданите се членови на едно семејство.

„Крвав снег“ на Алпите: Изгледа егзотично, но е последица на нешто загрижувачко (ФОТО)

Тале Кристо — Wed, 16 Jun 2021 06:42:48 +0000

Локалното население веќе избра и име за овој природен феномен, па едни го нарекуваат „крвав снег“, а други „снег од лубеница“. Француските научници изразија загриженост за необичниот изглед на црвеникав снег на Алпите , што според нив е последица на климатските промени. Локалното население веќе избра и име за овој природен феномен, па едни го нарекуваат „крвав снег“, а други „снег од лубеница“. Овој феномен бил забележан и во времето на Аристотел кој верувал дека црвената боја е предизвикана од црвени црви, сепак, тоа е предизвикано од расцветани црвени алги кои не се видливи со голо око, пишува The Age . Француските научници тврдат дека ја менуваат бојата за да се заштитат од УВ зрачење и можат да се прошират поради глобалното затоплување. -Кога скијате, ги преминувате овие микро алги – рече Ерик Марекал, раководител на лабораторијата за физиологија на растенијата на Универзитетот во Гренобл Алпи. Тој и експертите од повеќе француски научни институции – ЦНРС, ЦЕА, Метео Франс и Инра – одлучија да се обидат да утврдат како преживуваат и зошто „крвавиот снег“ успева во последните неколку години. За да го направат ова, тие зедоа примероци на почва од пет врвови на различна надморска височина за да создадат мапа со цвет од снег. -До денес, и според наши сознанија, не е направена таква систематска истрага, рекоа тие. Откако ја проучиле нивната ДНК, тие пронашле различни видови алги, вклучително и еден клучен црвен тип со соодветно име Сангуина, која живее на надморска височина поголема од 1980 метри. Алгите произведуваат голема количина кислород преку фотосинтеза и се присутни на дното на повеќето синџири на исхрана. Сепак, под одредени услови, тие претерано се размножуваат и создаваат токсичен талог. Експертите сметаат дека снежните алги може да бидат показател за климатските промени, но исто така и дека нивниот пораст може да го забрза намалувањето на мразот и снежните капачиња. -За жал, црвената боја предизвикува топење на глечерот затоа што помалку ги рефлектира сончевите зраци, па снегот се топи побрзо, рече Марекал. Тој додава дека овој феномен, во области без глечери, ги скратува периодите на снежна покривка, што директно влијае на водоснабдувањето на брани од кои зависат многу гранки на земјоделството во рамнините. -Ова е парадокс, колку повеќе алги се размножуваат, толку повеќе тие придонесуваат за исчезнување на сопственото опкружување, рече тој. Научниот тим е подготвен наскоро да објави нови откритија, кои се однесуваат на влијанието на голема количина песок од Сахара врз алпските врвови, особено поради посилните песочни бури оваа година.

Новото момче сакаше да ја изненади со зимување на Алпите, но таму се случи нешто неочекувано- Милица Тодоровиќ сподели тажни вести (ФОТО)

Дарко Андоновски — Thu, 06 Feb 2020 09:21:08 +0000

Новото момче на пејачката Милица Тодоровиќ ја изненади својата сакана со зимување од соништата, но за жал истото започна со неочекуван настан. Имено пејачката на својот Инстаграм профил откако се пофали дека е на Алпите набрзо сподели и вест со која ги растажи фановите. -Каков одмор, сподели преку свое „Стори“ пејачката, а покрај тоа имаше и бројни емотикони како и маче кое во уста има топломер. Инаку за потсетување новото момче сакаше да ја изненади својата нова девојка и не испланирано отпатуваа на Алпите.

View this post on Instagram

Koja sreca sto se jedva popeh! ? Vredelo je! ? #alpes #italy #vacationvibes #milicatodorovic

A post shared by Milica Todorovic (@milicatodorovicofficial) on Feb 2, 2020 at 11:41am PST

„Милица се утрото се разбудила малку подоцна бидејќи имаше настап претходната вечер, а не ни знаеше дека Петар го испланирал нивното патување. Им се поклопија слободните денови, па нему му падна на памет да заминат на зимување. Кога станала од креветот Петар само и рече да побрза и дека треба да одат на зимување“, раскажува извор близок до парот пред тие да заминат на зимување.

ФОТО: Големи лавини во швајцарските Алпи, не се знае бројот на затрупани скијачи

Ивона Петрова — Fri, 27 Dec 2019 09:23:24 +0000

Најмалку две лица се повредени, а се стравува дека е можно да има уште многу затрупани кога лавина минала преку скијачка патека во скијачкиот центар во Андермат, јавија хрватските медиуми. Лавината се спуштила вчера во непосредна близина на швајцарскиот град Андермат, додека многу скијачи уживале на планиското сонце еден ден по Божиќ, пренесоа американските медиуми. Портпаролот на полицијата изјави дека станува збор за голема лавина, а спасувачките екипи веќе пренеле двајца полесно повредени во болница. Во меѓувреме, почната е голема акција на трагање по повеќемина исчезнати скијачи откако четири лавини ги погодија скијалиштата во Австрија и Швајцарија. Скај њуз јави дека австрискиот центар Анкогел е погоден од три лавини. На патеките во моментот на лавините имало многу скијачи, јавија медиумите. На терен се наоѓаат повеќе од 60 спасувачи, хеликоптери и кучиња трагачи. Швајцарската полиција на вонредна прес конференција порача дека повеќе лица се однесени на носилки. „Пријавена е голема бројка на затрупани“, изјави шефот на оперативната кандонална полиција Рето Пфистер, додавајќи дека станува збор за голема лавина. Во акцијата на пребарување и спасување учествувале три хеликоптери. Во акцијата помагаат и итни медицински сили, шумска служба за спасување и 20 цивили кои спонтано се приклучиле кон акцијата. Шестмина се спасени од снегот и сите се швајцарски државјани. Двајца се префрлени во болница, а четворица се повредени. Засега нема пријави за исчезнати лица, но полицијата се сомнева во можноста уште луѓе да се затрупани, па затоа акцијата продолжува.

„Монд“: Руски шпиони на француските Алпи имале главен камп за операции во Европа

Ивона Петрова — Thu, 05 Dec 2019 07:41:45 +0000

Руски шпиони ги користеле Француските Алпи како главен камп за операции во цела Европа, објави денеска весникот „Монд“. Според медиумот, 15 припадници на руското воено разузнавање биле активни на континентот од 2014 година, Тие последен пат преминале преку Франција во септември 2018 година. Разузнавањето на Франција, Швајцарија и Велика Британија презеле операции за потрага по руските шпиони. Еден од тие 15 агенти бил идентификуван од британските служби како еден од тројцата извршители на анапдот во Солсбери во март минатата година во кој беше отруен со Новичок Сергеј Скрипал и неговата ќерка Јулија. Весникот тврди дека шпионите немале никакви операции во Франција, но неколкупати биле во мали градови како Анмас, Шамони и во Евијан. Тие според медиумот, дејствувале во Велика Британија, Бугарија, Црна Гора, Крим, Молдавија.