Алпин – Kurir.mk

Алонсо: Се чини дека Ферари го има најбрзиот болид во моментов

Ивона Петрова — Mon, 28 Feb 2022 13:23:19 +0000

Пилотот на Алпин, Фернандо Алонсо изјави дека тимот Ферари му оставил добар впечаток на првите претсезонски тестови. Според Алонсо, токму Ферари го има најбрзиот болид. На тестовите, Ферари помина најголемо растојание меѓу тимовите – Карлос Саинц и Шарл Леклер поминаа вкупно 439 кругови за три дена. – Се чини дека Ферари го има најбрзиот болид во моментов. За Карлос Саинц и за Шпанија воопшто, ова е одлична вест. Иако Мерцедесот, очигледно, е исто така многу брз, изјави Алонсо. Новата сезона во Формула 1 започнува на 20 март со трката за Големата награда на Бахреин.

Прва победа за Окон во Формула 1

Ивана Ефремовски — Sun, 01 Aug 2021 15:27:41 +0000

Возачот на Алпин, Естебан Окон ја забележа првата победа во кариерата во Формула 1 шампионатот. До првата Гран при победа Французинот дојде на патеката „Хунгароринг“ во Будимпешта. Успехот на Алпин денес го надополни Фернандо Алонсо со пласманот на 5. место. Втор заврши Себастијан Фетел од Астон Мартин, додека трет беше актуелниот светски шампион Луис Хамилтон од Мерцедес. Бодови на трката за Големата награда на Унгарија освоија уште и:

Карлос Саинц (Ферари)
Фернандо Алонсо (Алпин)
Пјер Гасли (Алфа Таури)
Јуки Цунода (Алфа Таури)
Николас Латифи (Вилијамс)
Џорџ Расел (Вилијамс)
Макс Верстапен (Ред Бул)

Во Генералниот пласман повторно лидер е Хамилтон со 192 бода, пред Верстапен со 186 и Ландо Норис од Мекларен со 113. (МИА)

Рено се ребрендираше во Алпин

Тале Кристо — Thu, 14 Jan 2021 11:16:13 +0000

Францускиот тим во Формула 1, Рено официјално го смени името и амблемот. Од денес нивното ново име е Алпин. Тимот веќе го смени името на профилот на Твитер, како и боите од жолта во црна, сина, бела и црвена. Според „Диарио Спорт“, има промени во раководството на тимот. На Алпин му се придружија поранешниот шеф на „Сузуки“ во Мото ГП, Давиде Бривио и Лоран Роси, кој ја презеде функцијата извршен директор и комерцијален директор. Кирил Абитебул го напушти Алпин. Рено заврши како петти во поредокот на тимот Формула 1 во 2020 година. Новата сезона започнува со Големата награда на Бахреин на 28 март.