Алваро Мората – Kurir.mk

Интер на преговори со Алваро Мората

Ристе Здравков — Thu, 20 Jul 2023 12:45:16 +0000

Алваро Мората се наоѓа пред заминување од Атлетико Мадрид, шпанскиот голгетер веќе ги договори личните услови со Рома, но тој трансфер би можел да се искомпликува откако во трката се вклучи и Интер. „Нероаѕурите“ се во потрага по нови голгетери по заминувањата на Џеко, Лукаку и на Кореа, а директорот Марота е убеден дека може да ги замрси сметките на „волчицата“ нудејќи далеку подобри услови од римскиот клуб. Агентот на Мората, Хуанма Лопез, денеска допатува во Милано каде имаше директни разговори со раководните луѓе на европскиот вицепрвак. „Нероаѕурите“ веќе испратија и понуда од 15 милиони евра до Атлетико, што е за пет милиони повисока од она што го понуди Рома за истиот фудбалер. Челниците на клубот се подготвени да ја зголемат и понудата за самиот голгетер, се со цел да го убедат тој да се пресели на „Џузепе Меаца“ наместо на „Олимпико“. Во секој случај, Мората е многу блиску до камбек во италијанскиот фудбал, каде со успех настапуваше за Јувентус од 2014 до 2016 година, стигнувајќи до шампионските скудета и до финалето на Лигата на Шампионите со „старата дама“.

Интер во преговори со поранешен напаѓач на Реал Мадрид и Јувентус

Бошко Тасиќ — Tue, 18 Jul 2023 03:22:16 +0000

Италијанскиот фудбалски клуб Интер сака да доведе уште еден напаѓач во овој преоден рок, па откако реши да се откаже од Ромелу Лукаку сега своето внимание го насочува кон други трансфер цели. Медиумите извадија неколку имиња со тоа што сега „Спортиталија“ излезе со конретна информација, па дури и понуда на Интер за некогашниот голгетер на Реал Мадрид и Јувентус. Се работи за Алваро Мората кој сега е дел од Атлетико Мадрид и за кого европскиот вицешампион е подготвен да плати 15 милиони евра. Тоа е пет милиони евра помалку од тоа што се бара за Шпанецот за кого дел од медиумите пренесуваат дека има и откупна клаузула која се движи околу 20 милиони евра.

Алваро Мората се враќа во Серија А

Бошко Тасиќ — Thu, 06 Jul 2023 05:05:35 +0000

Напаѓачот на Атлетико Мадрид и на шпанската репрезентација, Алваро Мората, во следната сезона најверојатно, повторно ќе игра во Серија А. Италијанскиот новинар Фабрицио Романо, објави дека напаѓачот на Атлетико е на мета на Милан кој бара замена за Златан Ибрахимовиќ, кој по завршување на сезоната објави дека заминува во пензија. Медиумите во Италија, одат чекор подалеку и објавија дека агентите на Мората веќе се наоѓаат во Милано, и се очекува во наредните денови да се договори трансферот и Шпанецот повторно да игра во Серија А. Мората од 2020 до 2022 година го носеше дресот на Јувентус кој е голем ривал Милан, а минатата сезона за Атлетико Мадрид постигна 15 гола.

Мората: Ако Јувентус не може да се пласира во финалето на Лига Европа, ќе навивам за Севилја

Тале Кристо — Wed, 17 May 2023 13:46:46 +0000

Напаѓачот на Атлетико Мадрид, Алваро Мората откри за кого навива во полуфиналето од Лигата на Европа помеѓу Јувентус и Севилја. - Секако дека навивам за Јувентус во полуфиналето. Во секое друго сценарио би навивал за Севилја, но сега зборуваме за мојот поранешен тим. Ако Јувентус не може да стигне до финалето, во решавачкиот меч ќе навивам за моите сонародници, изјави Морато за „Calciomercato“. Мората двапати играше за Јувентус - од 2014 до 2016 година и од 2020 до 2022 година.

Мората би можел да се пресели во Милан

Ивона Петрова — Sun, 14 May 2023 12:46:32 +0000

Фудбалерот на Атлетико Мадрид, Алваро Мората може да направи трансфер во Милан, објави „Goal.“ Раководството на актуелниот италијански шампион е заинтересирано да ангажира играч кој има искуство со играње во Серија А. Мората двапати играше за Јувентус, од 2014 до 2016 година и од 2020 до 2022 година. Триесетгодишниот Шпанец оваа сезона забележа 42 настапи за мадридскиот клуб постигнувајќи 15 голови и три асистенции.

Алваро Мората се враќа во Серија А

Бошко Тасиќ — Fri, 21 Apr 2023 06:27:41 +0000

Шпанскиот фудбалски интернационалец Алваро Мората следната сезона повторно би можел да игра во Серија А, но не во дресот на неговиот поранешен клуб Јувентус. Како што пренесуваат италијанските медиуми, Мората треба да ја засили Рома. Доколку си замине Тами Абрахам, се прави план Мората и Дибала следната сезона да го сочинуваат напаѓачкиот тандем на Рома. Алваро Мората сезонава одигра 38 натпревари и постигна 12 гола во дресот на Атлетико Мадрид.

Мората нема намера да го менува Атлетико со Манчестер

Тале Кристо — Tue, 16 Aug 2022 07:21:58 +0000

Напаѓачот на Атлетико Мадрид, Алваро Мората по натпреварот од 1. коло на шампионатот на Шпанија против Хетафе (3:0) изјави дека сака да остане во клубот. Претходно беше објавено дека шпанскиот напаѓач би можел да се пресели во Манчестер јунајтед. – Навистина сакам да останам во Мадрид и да играм за Атлетико во многу натпреварувања. Мило ми е што сум тука, како и секогаш. Можам да продолжам да работам и да се трудам да носам резултати за тимот на секој натпревар. Атлетико е еден од најдобрите клубови во светот. Да, има понуди за трансфер, не можам да сторам ништо околу тоа, само продолжувам да работам. Среќен сум овде и сакам да продолжам да настапувам, изјави Мората за „Marca“. На мечот со Хетафе, 29-годишниот напаѓач постигна два гола. Последните две сезони Мората ги мина во Јувентус на позајмица. На 67 натпревари во Серија А, постигна 20 гола и оствари 16 асистенции. Неговиот договор со Атлетико е со важност до 30 јуни 2023 година.

Агентот на Мората имал успешни разговори со Манчестер јунајтед

Ивана Ефремовски — Thu, 11 Aug 2022 11:23:19 +0000

Напаѓачот на Атлетико Мадрид, Алваро Мората би можел да се приклучи на Манчестер јунајтед. Како што објави новинарот Николо Шира, првите преговори на премиерлигашот со агентот на 29-годишниот Шпанец биле успешни. Се забележува дека мадридскиот клуб може да го продаде напаѓачот само откако ќе потпише друг играч на неговата позиција. Да потсетиме дека Мората последните две сезони ги помина на позајмица во Јувентус. На 67 натпревари во Серија А, Мората мината сезона постигна 20 гола и беше творец на 16 асистенции. Неговиот договор со Атлетико Мадрид е со важност 30 јуни 2023 година. (МИА)

Јувентус го испрати од Торина пред две недели, сега го бара назад

Ристе Здравков — Sat, 16 Jul 2022 12:50:03 +0000

Трансфер активноста на Јувентус сигурно е една од најпривлечните на Стариот континент и не само поради звучните имиња кои дојдоа во Торино, како Пол Погба и Анхел Ди Марија, туку и поради циркусот што се случува со Алваро Мората. Шпанскиот напаѓач беше дел од Јувентус во минатите две сезони како зајмен играч од Атлетико Мадрид. Тој договор заврши на крајот на сезонава и Јувентус го испрати Мората назад во Шпанија, па дури и јавно се збогува со него, објавувајќи „благодариме Алваро“ на социјалните мрежи.

View this post on Instagram

A post shared by Juventus (@juventus)

Две недели подоцна излезе вест дека Јувентус го сака истиот Алваро назад ?! Напаѓачот веќе е со Атлетико Мадрид на подготвителната турнеа во САД, меѓутоа како стојат работите тренерот Диего Симеоне немал некоја намера да му даде шанса. Оттука немал против да се врати назад, особено откако „Скај Италија“ пренесе дека Максимилијано Алегри нема воопшто против Мората да дојде повторно. И онака бараше уште еден напаѓач потпора за Душан Влаховиќ, откако Един Џеко одби да дојде.

Мората не се договори со Јувентус, се враќа во старата средина

Ристе Здравков — Thu, 16 Jun 2022 18:10:20 +0000

Алваро Мората не успеа да постигне договор со Јувентус за да остане во клубот уште една сезона, па сега ќе се врати во редовите на Атлетико Мадрид. Шпанецот не добил цврсти гаранции од Торино дека ќе биде прв избор во тимот, во присуство на Душан Влаховиќ кој сега со сигурност ќе добива поголема минутажа од сите негови „конкуренти“ во офанзивната линија на Јувентус. Токму поради тоа била донесена конечна одлука Јувентус да не ја активира клаузулата според која може да го октупи неговиот договор од Атлетико Мадрид, па играчот сега ќе се врати назад во шпанскиот тим. Атлетико Мадрид остана без услугите на Луис Суарез кој си замина од клубот, па сега станува јасно дека Мората ќе го пополни неговото место. Шпанскиот офанзивец има интересна кариера во која никако не успева да се задржи подолго од две сезони во еден клуб, иако веќе помина значаен дел од најголемите европски тимови.