амазон – Kurir.mk

Валас: Киев да покаже благодарност за оружјето, ние не сме Амазон

Тале Кристо — Wed, 12 Jul 2023 17:22:56 +0000

Британскиот секретар за одбрана Бен Валас денеска изјави дека ја предупредил Украина оти нејзините меѓународни сојузници „не се Амазон“ и дека Киев треба да покаже благодарност за донациите на оружје за да ги убеди западните политичари да дадат повеќе. Валас зборуваше на маргините на самитот на НАТО во Литванија како одговор на новинарско прашање за поплаките на украинскиот претседател Володимир Зеленски дека на Киев не му била дадена временска рамка за приклучување кон Алијансата. Валас, како што пренесуваат британските медиуми, се присети дека минатата година отпатувал во Украина, каде што му била претставена „шопинг листа со оружје“. Знаете, ние не сме Амазон, рече тој, мислејќи на гигантската американска компанија за технологија и малопродажба. Тоа им го кажав лани кога возев 11 часа за да ми дадат список. Зеленски денеска го ублажи својот тон, велејќи дека резултатите од Самитот биле добри дури и да немало формална покана за Украина да се приклучи на НАТО и дека добил позитивни вести за одбранбените пакети од сојузниците. На прес-конференција Зеленски рече дека не ги разбира коментарите на Валас. -Секогаш бевме благодарни на Обединетото кралство, на премиерите и на министерот за одбрана, бидејќи луѓето секогаш нè поддржуваат. Не знаев што сакаше да каже и како поинаку треба да бидеме благодарни. Можеби министерот сака нешто посебно, но имаме прекрасни односи, рече тој. Прашан за коментарите на Валас, британскиот премиер Риши Сунак рече дека Зеленски бил благодарен за досегашната поддршка и дека ќе има поголема поддршка доколку се бара. -Претседателот Зеленски ја изрази својата благодарност за она што го направивме во неколку наврати. Целосно ја разбирам желбата на Володимир да направи се што може за да го заштити својот народ и да ја запре оваа војна, а ние ќе продолжиме да му ја даваме потребната поддршка. изјави Сунак на прес-конференцијата на самитот во Вилнус.

Најавено мерење на Амазон

Ивона Петрова — Tue, 27 Jun 2023 10:43:05 +0000

Дали најдолгата река во светот е Нил во Африка, или Амазон во Јужна Америка? Ова е една од најголемите загатки на науката веќе со години, поради што нова експедиција во јужноамериканската џунгла сега има намера да го најде конечниот одговор на ова прашање. Имено, меѓународен тим истражувачи во април 2024 година, ќе го почнат мерењето со пловила што се движат на сончева енергија и со педали од изворот на Амазон во Перуанските Анди. Притоа ќе минат речиси 7.000 километри низ Колумбија и Бразил до вливот на реката во Атлантскиот Океан. Ќе се сними и документарен филм за научната експедиција. - Главната цел е да се оцрта мапа на реката и да се документира биодиверзитетот на околните екосистеми. Веќе десетина луѓе патувале низ цела Амазон во минатото, но никој со такви намери, изјави координаторот на проектот, бразилскиот истражувач Јури Санада. Тој заедно со сопругата Вера раководи со филмската продукциска компанија „Авентурас“. Амазон, сместен во најголемата прашума во светот, долго време се смета за најголема река поради нејзиниот волумен, кој е поголем од Нил, Јангце и Мисисипи заедно. Тоа не е спорно. Сепак, спорот е околу тоа дали Нил е подолг? Коренот на дилемите е неможноста на научниците да утврдат - каде почнува и каде завршува Амазон? Според Гинисовата книга на рекорди, најдолга река во светот е Нил.

Сечењето на Амазон во март за 14 отсто поголемо од минатата година

Катерина Бојаџиева — Fri, 07 Apr 2023 18:46:28 +0000

Уништувањето на шумите во бразилската амазонска прашума во март било за 14 отсто поголемо отколку во март минатата година, покажуваат прелиминарните податоци што денеска ги објаве бразилската Влада. Бразилскиот претседател Луис Инасио Лула да Силва ја презеде функцијата на 1 јануари, ветувајќи дека ќе стави крај на уништувањето на шумите по долгогодишно неконтролирано уништување на шумите во времето на неговиот претходник Жаир Болсонаро, за време на чиј мандат беше намалена заштитата на животната средина во Амазон. - Ова зголемување открива дека Амазон продолжува да страда од огромен недостиг на управување и оти новата влада мора итно да дејствува за да го врати капацитетот за борба против еколошкиот криминал, кој беше целосно уништен од претходната влада, рече претседателот на локалната еколошка група „Набљудувачи на климата“ Марсио Астрини.

Протече интерен документ на „Amazon“: Што довело до едно од најмасовните отпуштања во технолошкиот сектор?

Ристе Здравков — Fri, 24 Mar 2023 14:56:30 +0000

Податоците покажуваат дека еден од тимовите имал 24.988 отворени работни места иако биле одобрени само 7.798 позиции. Вработените во „Amazon“ сè уште не закрепнале од серијата масовни отпуштања во јануари, а платформата за е-трговија веќе најавила нови 9.000 откази. Да ве потсетиме, на почетокот на годината тие отпуштиле над 18.000 работници, што воедно е едно од најмасовните отпуштања во технолошкиот сектор. Што се случило? Имено, податоците во документот до којшто дошол „Business Insider“ покажуваат дека фирмата направила грешка. Во текот на минатата година тимот имал 24.988 отворени работни места иако одобрени биле само 7.798 позиции. Тоа значи дека овој тим имал 3 пати повеќе огласи за работа од целниот број за вработени во тоа време. Како што натаму пишува во документот, резултатот бил „процес склон на недоследност, грешки и потенцијална злоупотреба“ вклучувајќи „претерано вработување“. „Ова овозможило прекумерно вработување во одредени центри на трошоци и придонело во дефекти на распонот на контрола и односот на ниво“, се наведува. „Распонот на контрола“ е индустриски жаргон за бројот на директни извештаи под секој менаџер, а нивото се однесува на позицијата на вработениот. Сите овие податоци укажуваа на тоа дека многу технолошки компании си „поиграле“ на бранот на „цветање“ на работата како последица на пандемијата на коронавирусот, но дека не успеале да се одржат. Портпаролот на „Amazon“ одбил да ги коментирал овие наводи до кои дошол „Insider“.

Амазон објави планови за укинување на 9.000 работни места

Ивана Ефремовски — Mon, 20 Mar 2023 18:40:41 +0000

Амазон објави планови за укинување на 9.000 работни места. Според извршниот директор на Амазон Енди Џеси., компанијата планира да отпушти дел од вработените во наредните недели. Според Блумберг, кратењата пред сè ќе се одразат на центарот за обработка на податоци на Amazon Web Services, кој обезбедува услуги од областа на компјутерски облаци, човечки ресурси, рекламирање и групи од сервисот за пренос во живо Twitch. Амазон претходно планираше да укине повеќе од 18.000 работни места. Компанијата речиси двојно го зголеми бројот на вработени во изминатите две години, бидејќи побарувачката за онлајн услуги се зголеми поради пандемијата на коронавирус. Сепак, растот на приходите на компанијата забави со укинувањето на рестрикциите.

Амазон планира да ги лансира првите интернет сателити до 2024 година

Ивона Петрова — Wed, 15 Mar 2023 08:46:47 +0000

Компанијата „Amazon.com“ во сопственост на Џеф Безос, соопшти дека планира да ги лансира своите први интернет сателити во вселената во првата половина на 2024 година и наскоро потоа ќе им понуди првични комерцијални тестови на корисниците. Компанијата се подготвува да се натпреварува со SpaceX на Илон Маск и други во обезбедување услуги на широкопојасен интернет на глобално ниво. Сателитската интернет единица на Amazon, Project Kuiper, ќе започне со масовно производство на сателити подоцна оваа година, објави компанијата. Тоа ќе биде првиот од повеќе од 3.000 сателити кои технолошкиот гигант планира да ги лансира во ниската орбита на Земјата во следните неколку години. - Дефинитивно ќе имаме бета тестирање со комерцијални клиенти во 2024 година, рече Дејв Лимп, шеф на одделот за потрошувачки уреди на Амазон, на конференција во Вашингтон. Исполнувањето на целта за 2024 година ќе му овозможи на Амазон да продолжи успешно да лансира половина од својата мрежа Квипер од 3.236 сателити до 2026 година. Лимп рече дека компанијата планира да произведува „три до пет“ сателити дневно за да ја исполни крајната цел. Бидејќи планира да инвестира повеќе од 10 милијарди долари во мрежата Квипер, Амазон се повлекува од својот бизнис со електроника за широка потрошувачка за да произведе милиони терминали потребни за поврзување на клиентите со Квипер сателитите. Компанијата го смета своето искуство во производството на милиони уреди за кога е прашање конкурентноста со мрежата Starlink на SpaceX, која веќе има приближно 4.000 сателити во вселената. - Денес, терминалите Starlink на SpaceX, кои чинат по 599 долари, ги користат „повеќе од милион клиенти“, рече Џонатан Хофелер, менаџер за продажба на терминалот Starlink на SpaceX, пренесува Хина. Стандардниот кориснички терминал на Амазон, со квадратна антена од 11 инчиза мрежата Квипер ќе чини помалку од 400 долари за производство и ќе обезбеди брзина на Интернет од 400 мегабити во секунда за клиентите, соопшти компанијата. Помалата мобилна антена во форма на квадрат, широка 7 инчи (18 см) и тешка околу 450 грама, ќе биде најприфатливиот мрежен терминал на Амазон за клиентите, иако компанијата сè уште не објави цена.

Отказ за 1.200 вработени: „Амазон“ затвора три магацини во Велика Британија

Ивана Ефремовски — Tue, 10 Jan 2023 12:08:32 +0000

Американската компанија за онлајн продажба „Амазон“ соопшти дека планира да затвори три магацини во Велика Британија, што ќе значи отпуштање на 1.200 вработени. „Амазон“ со седиште во Сиетл минатата недела објави дека планира да укине повеќе од 18 илјади работни места, штр би било последно во серијата отпуштања што го зафатија секторот. Истовремено, вработените во магацините на „Амазон“ во Велика Британија бараат зголемување на платите, а околу 300 од нив планираат да штрајкуваат на 25 јануари. (МИА)

Амазон планира да отпушти повеќе од 18.000 работници

Ивона Петрова — Thu, 05 Jan 2023 09:07:11 +0000

Американскиот гигант за онлајн трговија Амазон планира да отпушти повеќе од 18.000 работници, потврди извршниот директор Енди Џеси. Откако веста за отпуштањата протече во јавноста, Џеси ги потврди шпекулациите во објава на веб-страницата на Амазон, велејќи дека разговорите со погодените работници ќе започнат на 18 јануари и дека ќе им бидат понудени отпремнини, како и поддршка за барање друга работа. Најпогодени од отпуштањата ќе бидат одделите за интернет продажба (Amazon Stores) и одделенијата за управување со човечки ресурси, рече тој. Компанијата со седиште во Сиетл почна да отпушта работници од одделот за апарати во ноември, а извор изјавил за Ројтерс во тоа време дека имала за цел 10.000 отпуштања, пренесува Хина. Амазон вработува повеќе од 1,5 милиони работници на глобално ниво, е втор по големина приватен работодавач во САД и се подготвува за веројатно забавување на растот на бизнисот бидејќи зголемената инфлација ги принудува бизнисите и потрошувачите да ги намалат трошоците. Според најавата, Амазон ќе укине повеќе работни места од другите големи компании, што ќе претставува брз пресврт за компанијата, која во изминатите месеци ја удвои горната граница на основната плата со цел подобро да се натпреварува за таленти. Имено, во пресрет на очекуваната рецесија и поради послабите деловни резултати, уште во претходните месеци отпуштања се најавени од Мета, под чија капа е Фејсбук, која соопшти дека ќе отпушти повеќе од 11.000 работници, Мајкрософт најави дека ќе отпушти околу илјада, а масовните отпуштања веќе почнаа и на социјалната платформа Твитер.

Трговците со акции на Амазон и Епл се радуваат на божиќната шопинг сезона

Ристе Здравков — Wed, 16 Nov 2022 15:49:10 +0000

Не беше лесна година за трговците со акции, со висока инфлација и рецесија, но божиќната сезона обично носи многу празнични ветувања за Епл и Амазон – двете компании ги имаат своите најдобри резултати во тој период. Кога купувачите се подготвуваат за Божиќ, овие две компании обично се наоѓаат на нивната листа: Амазон е местото од кое луѓето нарачуваат, а Епл е брендот од кој сакаат да нарачуваат. Новиот Ајфон 14, моментално водечкиот производ на Епл, ќе биде голем фаворит. Продажбата на Блек Фрајдеј паѓа во последниот петок во ноември (25 ноември), додека Сајбер Мандеј паѓа следниот понеделник (28 ноември) и ќе го означи почетокот на онлајн божиќното купување. Поради оваа причина, двете компании имаат најдобри резултати во последниот квартал од годината, објави Нова рс.

„Амазон“ планира да отпушти 10.000 вработени

Ристе Здравков — Tue, 15 Nov 2022 15:20:33 +0000

Компанијата „Амазон“ планира да отпушти околу 10.000 вработени, што е помалку од еден отсто од глобалната работна сила во компанијата. „Амазон“ направи план за намалување на работниците и истиот треба да почне да се реализира од оваа недела. Компанијата имаше 1,6 милиони работници на 31 декември 2021 година, а тоа беше зголемување од 102 отсто во однос на 2019 година.