амбасадорка. – Kurir.mk

Новата амбасадорка на САД во Русија ќе посвети особено внимание на односите меѓу народите на двете држави

Катерина Бојаџиева — Mon, 30 Jan 2023 14:42:38 +0000

Новата американска амбасадорка во Русија, Лин Трејси, особено внимание ќе посвети на одржувањето на дијалогот меѓу Вашингтон и Москва и односот меѓу народите на двете земји, соопшти Американската амбасада во Москва по средбата одржана денеска во Министерството за надворешни работи на Русија. Амбасадата преку својот Телеграм канал појаснува дека амбасадорката Лин Трејси денеска ја имала првата средба во Министерството за надворешни работи на Русија, каде што се сретнала со заменик-министерот за надворешни работи Сергеј Рјабков. „Амбасадорката Трејси посветува посебно внимание на одржувањето на дијалогот меѓу главните градови на нашите земји во период на невидена тензија, заштитата на интересите на американските граѓани притворени во Русија, како и одржувањето на врските меѓу американскиот и рускиот народ“, додаваат од Амбасадата.

Мицкоски оствари средба со амбасадорката на Грција, Софија Филипиду

Тале Кристо — Mon, 16 Jan 2023 13:46:11 +0000

Претседателот на ВМРО-ДПМНЕ, проф. д-р. Христијан Мицкоски заедно со секретарот за меѓународна соработка на ВМРО-ДПМНЕ, Стефан Андоновски денеска (16.01.2023) остварија средба со амбасадорката на Република Грција во Македонија, Софија Филипиду. На средбата се разговараше за актуелните политички случувања, како и економската состојба. Мицкоски на средбата истакна дека евроинтеграциите на Македонија мора да бидат врз основа на мерливи Копенхашки критериуми, а не врз основа на понатамошни поткопувања на македонскиот идентитет. Во врска со уставните измени, претседателот Мицкоски потенцираше никој нема добиено мандат на избори за истите и дека ВМРО-ДПМНЕ, но и мнозинството граѓани се против и додаде дека уставните измени се уцена која не и дава на Македонија никакви гаранции дека нема да има нови блокади во иднина. Во однос на економијата, Мицкоски посочи дека државата е пред целосен колапс со инфлација највисока во Европа и граѓани кои секој ден остануваат посиромашни бидејќи власта не е способна да ги заштити и не носи соодветни мерки. Претседателот на ВМРО-ДПМНЕ потенцираше дека власта единствено поле на кое е успешна е во креирањето криминал со коруптивни скандали на дневно ниво. Мицкоски нагласи дека за излез од ситуација потребни се предвремени парламентарни избори час поскоро.

Новата американска амбасадорка во Украина пристигна во Киев

Тале Кристо — Mon, 30 May 2022 19:05:48 +0000

Новата американска амбасадорка во Украина, Бриџит Бринк, пристигна во Киев, откако САД на почетокот на руската инвазија врз земјата во февруари ги повлекоа сите свои дипломати од земјата. Бринк, кој до неодамна беше американски амбасадор во Словачка, беше назначена на новата дипломатска функција на крајот на април од претседателот Џо Бајден, а Сенатот едногласно го потврди изборот. Се очекува подоцна неделава Бринк да му ги предаде акредитивните писма на украинскиот претседател Владимир Зеленски, се наведува на веб-страницата на американската Амбасада во Киев. Американската Амбасада ги евакуираше сите вработени во јануари и кон средината на февруари сите свои дипломатски операции ги префрли во Лавов, во западна Украина. Непосредно пред почетокот на руската инвазија, американските дипломати ја напуштија Украина и се преселија во Полска. Иако акцијата на САД беше критикувана, на долг рок практично сите западни дипломати го напуштија Киев, порано или откако Русија ја почна инвазијата. Откако од крајот на март руската армија беше потисната од околината на Киев, групи дипломати полека почнаа да се враќаат во главниот град на Украина.

Беше заштитно лице на Мундијалот во 2018, а сега и во Катар – руската мис на светот обожува да се слика особено во оваа поза од која ќе ви се крене притисокот

Дарко Андоновски — Tue, 05 Apr 2022 09:04:58 +0000

Освен селекторите и претставниците на фудбалските сојузи на ждрепката за Мундијалот во Катар беа и многу други познати личности, а меѓу нив и атрактивната Русинка, Викторија Лопирева која веќе со денови е во центарот на вниманието низ целиот свет.

View this post on Instagram

A post shared by Victoria Lopyreva (@lopyrevavika)

Мис на Русија од 2003 година беше една од амбасадорките на Светското првенство (СП) во Русија во 2018 година, а иако ја нема нејзината селекција оваа година, таа пак ќе мами воздишки на трибините.

View this post on Instagram

A post shared by Victoria Lopyreva (@lopyrevavika)

Домаќините на турнирот ја ангажираа Русинката да биде амбасадорка и на СП во Катар, па повторно ќе биде главна и на овој Мундијал.

View this post on Instagram

A post shared by Victoria Lopyreva (@lopyrevavika)

Инаку таа е сензација и на Инстаграм каде ја следат четири милиони луѓе, а често објавува и провокативни фотографии во танга и бикини.

View this post on Instagram

A post shared by Victoria Lopyreva (@lopyrevavika)

Aмериканската амбасадорка во ОН: Светот за влакно избегна нуклеарна катастрофа

Магдалена Андонова — Fri, 04 Mar 2022 18:36:19 +0000

Светот за влакно избегна нуклеарна катастрофа, кога избувна пожар за време на рускиот напад врз нуклеарната централа Запорожје во Украина, изјави денеска американската амбасадорка во ОН, Линда Томас-Гринфилд. Таа побара гаранција од Москва дека таков напад нема да се повтори. Обраќајќи се на вонредниот состанок на Советот за безбедност на ОН, Томас-Гринфилд истакна дека нападот укажува на „опасна нова ескалација“ на руската агресија против Украина и предупреди дека „непосредна опасност“ сè уште постои, наведувајќи дека руските војници се оддалечени 32 километри од вториот по големина нуклеарен објект во Украина. Воените операции околу нуклеарните локации се неприфатливи и неодговорни, истакна заменик-генералниот секретар на ОН за политички и мировни прашања Розмари ДиКарло на седницата на Советот за безбедност на ОН. – Нападите врз нуклеарни постројки се спротивни на меѓународното хуманитарно право. Треба да се направат сите напори за да се избегне катастрофален нуклеарен инцидент, порача ДиКарло на вонредниот состанок на Советот за безбедност на ОН, откако руските сили во Украина ја нападнаа и зазедоа нуклеарната централа во Запорожје. (МИА)

Амбасадорката на САД во Албанија по инцидентот во Елбасан побара спроведување истрага и воздржаност од Мета, Рама и Баша

Тале Кристо — Wed, 21 Apr 2021 20:30:19 +0000

По вооружениот инцидент кој попладнево се случи во албанскиот град Елбасан, при што беше убиен активист на владејачката Социјалистичка партија, реагираше амерканската амбасадорка во Тирана, Јури Ким. Таа ги повика надлежните органи за спроведување на законот колку е можно побрзо во целост да го испитаат инцидентот, да ги откријат сторителите и соодветно да ги казнат. – Со посебно внимание ги следиме извештаите за денешното насилство во Елбасан, кое заврши со смрт на едно лице и уште неколку повредени. Ги повикуваме службените лица за спроведување на законот што побрзо и во целост да го испитаат овој инцидент, да ги идентификуваат сторителите и да ги казнат согласно законот. Инволвираните во вакво насилство треба да бидат казнети, се наведува во реакцијата. Амбасадорката Ким побарала од претседателот Илир Мета, лидерот на социјалистите и премиер Еди Рама и лидерот на опозициските демократи, Љуљзим Баша да бидат воздржани и така да се однесуваат. – Нашите постапки треба да се засноваат на факти, а не на страв или озборувања. Кога само неколку дена не делат од изборите на 25 април, ја повторуваме нашата изјава од 26 март со која ги повикуваме лидерите – оние кои се на власт и оние кои бараат власт – експлицитно да го отфрлат насилството, се посочува во реакцијата. Амбасадата на САД во Тирана порачува дека ќе продолжи внимателно да ја следи ситуацијата.

Амбасадорка-монструм: Ја тепала куќната помошничка, казната ја стигна (ВИДЕО)

Ивана Ефремовски — Tue, 02 Mar 2021 21:53:09 +0000

Филипинската амбасадорка во Бразил е разрешена откако било откриено дека со месеци тепала една од своите куќни помошнички во официјалната резиденција. Нејзините напади биле снимени и објавени во локалните медиуми. Амбасадорката Маричо Мауро е отповикана и вратена во Манила кон крајот на минатата година, откако телевизијата „Глобоњуз“ ги емитувала снимките од надзорните камери направени во период од осум месеци, а кои го покажувале односот на амбасадорката кон нејзината помошничка, исто така Филипинка. Амбасадорката е отпуштена и од Министерството за надворешни работи, објави вчера на телевизија претседателот на Филипините, Родриго Дутерте. „Постојат правила што мора да се почитуваат. Ако не ги следите, ризикувате. Ако работите тргнат наопаку, нема да ве спасам“, нагласи шефот на државата. Мауро ќе ги изгуби своите пензиски права и повеќе нема да може да работи во јавни институции. Снимките направени во периодот меѓу март и октомври 2020 година биле искористени како аргумент во тужбата поднесена од филипинската влада против дипломатката, која за амбасадорка во Бразил била именувана во 2018 година. Милиони Филипинци работат во странство како куќни помошници. Дознаките што ги испраќаат до нивните семејства кои и натаму живеат на Филипините претставуваат прилично голем дел од филипинскиот БДП.

Амбасадорката Ефремова му ги предаде акредитивните писма на Папата

Ивана Ефремовски — Sat, 19 Dec 2020 11:38:34 +0000

Именуваниот амбасадор на Република Македонија, Марија Ефремова денеска му ги предаде на Неговата Светост, Папата Франческо акредитивните писма со кои се назначува за вонреден и ополномоштен амбасадор при Светата Столица, со седиште во Ватикан. По церемонијата на пречек и свеченото поздравување со Папата Франческо и неговите најблиски соработници, амбасадорка Ефремова ги предаде акредитивните писма и ги пренесе поздравите од претседателот Стево Пендаровски и од претставниците на државниот врв. Потоа следеше вообичаената размена на подароци, а веднаш потоа и приватна аудиенција на амбасадор Ефремова со Папата Франческо, каде беа дискутирани актуелните теми во билатералните односи, случувањата во регионот и други актуелни прашања. Согласно ватиканскиот протокол, амбасадор Ефремова, на свечената церемонија во апостолската палата во Ватикан беше придружувана од семејството, сопругот д-р Димитар Ефремов и синот д-р Кристиан Ефремов, како и од вработените во амбасадата, првиот секретар Александар Спирковски и асистент Тамара Кавракова.

Ѓорчев до амбасадорката на Турција: Честит празник на републиката и до големата турска нација

Дарко Андоновски — Tue, 30 Oct 2018 17:20:35 +0000

Пратеникот на ВМРО-ДПМНЕ Влатко Ѓорчев на покана на амбасадорската на Република Турција Тулин Еркал Лара присуствуваше на одбележувањето на 95 годишнината на републиката. На взаемната средба пратеникот Влатко Ѓорчев го честиташе празникот на Република Турција и на големата турска нација, нагласувајќи ги пријателските односи помеѓу Македонија и Турција. Амбасадорката на Република Турција во своето обраќање на дипломатскиот прием стави акцент на одличната соработка меѓу Македонија и Турција, со желби за продолжување на добрите односи меѓу двете држави и народи.

Дајна Пауел не сака да биде амбасадорка на САД во ОН

Дарко Андоновски — Fri, 12 Oct 2018 06:42:39 +0000

Поранешната советничка на американскиот претседател Доналд Трамп и актуелна директорка во банката „Голдман Сакс“, Дајна Пауел одбила да ја прифати должноста постојан претставник на САД во ОН, соопшти неименуван извор во Белата куќа. По најавеното повлекување од функцијата на актуелната амбасадорка на САД во ОН, Ники Хејли до крајот на годината, Трамп во вторникот соопшти дека на оваа должност планира да ја предложи Пауел. Меѓутоа, според изворот од Белата куќа, Пауел му се заблагодарила на Трамп за укажаната доверба, но го инфомирала дека предпочита да остане на должноста во „Глодман Сакс“. Пауел беше заменик советник за национална безбедност на Трамп во првата година од неговиот претседателски мандат. Пред доаѓањето на оваа функција таа беше вработена во „Голдман Сакс“, каде се врати и по напуштањето на Белата куќа. Пауел беше и висок функционер во Стејт департментот во време на поранешниот американски претседател Џорџ Буш Помладиот.