амбуланта – Kurir.mk

ДРАМА ВО ЧАИР: Се скарале за ред во амбуланта, па започнале да се бодат – двајцата меѓусебно се пријавиле во полиција!

Дарко Андоновски — Sat, 01 Oct 2022 15:08:34 +0000

На 30.09.2022 во 18:11 часот во СВР Скопје, Д. Ј. (22) од Скопје, пријавил дека околу 17:45 часот во приватна здравствена установа на подрачје на Чаир по претходна расправија околу ред за влегување, бил физички нападнат од Љ.Ч., кој употребил и остар предмет. Се преземаат мерки за расчистување на случајот. На 01.10.2022 во 01.10 часот во Полициска станица Бит Пазар Љ.Ч.(26) од Скопје пријавил дека на 30.09.2022 околу 18.00 часот во здравствена установа на подрачје на Чаир по претходна расправија бил физички нападнат со тврд предмет од едно лице. Се преземаат мерки за расчистување на случајот.

Трагедијата во Тетово не го запали алармот: Лисиче ќе добие амбуланта направена од исти материјали?! (ГАЛЕРИЈА)

Ивана Ефремовски — Tue, 12 Oct 2021 13:45:04 +0000

Огромната трагедија во тетовската модуларна болница изгледа не донесе “памет во глава“ кај надлежните. На ужасен начин згаснаа 14 животи, починаа лица на местото каде дојдоа за да оздрават. Болницата изгоре во страшен пожар, кој ја проголта за неколку минути. Додека јавноста станува сведок дека за таа трагедија никој нема да одговара и кабелот ќе биде единствениот виновник, Министерството за здравство продолжува да покажува негрижа која утре може да чини нови човечки животи. Несреќата го отвори прашањето дали се безбедни модуларните болници и материјалите со кои тие се изградени? Очевидци потврдија дека болницата изгорела до темел за само 3 минути, што значи дека станува збор за лесно запалив материјал за градба. Од кобниот ден беа запрени сите градежни активности на трите модуларни амбуланти во Скопје. Тие треба да се постават на местото на старите амбуланти во Ѓорче Петров, Бутел и во Ново Лисиче. По трагедијата во Тетово, работата остана во место бидејќи се очекуваше да боиде докажано дека со материјалот со кој се градат не се безбедни. Стручни лица предупредуваат дека ПУР панелите не смеат да бидат вградени во модуларните болници! Од тоа што КУРИР денес го затекна на терен, се гледа дека трагедијата не освестила никого и дека на надлежните им е поважна политиката отколку се останато. Се монтира амбулантата во населба Лисиче. На местото на старата амбуланта која беше срушена, СДСМ вети нова амбуланта. Уште пред четири години, кандидатот за градоначалник на СДСМ, Златко Марин, градењето на амбулантата го вети на лисичани, па сепак ги излажа и за роковите и за градбата. Им вети дека градбата ќе почне во 2018-та, а всушност во 2021-ва почна поставување на монтажни делови од лош материјал. Денес на терен изгледа вака: Амбулантата во Лисиче се монтира од материјал чие спомнување јавува страв кај граѓаните. Материјал кој брзо гори и кој во нас ги враќа сликите од ужасот во тетовската болница. КУРИР беше на терен. Ви пренесуваме како изгледаат материјалите од кои се монтира амбулантата.

Отвори кариерен центар, па го претвори во амбуланта: Лисичани збунети поради неспособноста на Златко Марин! (ФОТОГАЛЕРИЈА)

Ивана Ефремовски — Fri, 06 Aug 2021 13:48:23 +0000

Кога конечно, по долги години, жителите на населба Лисиче доживеаја да слушнат дека конечно нешто ќе се гради кај нив, по којзнае кој пат се соочија со хаос и доказ за негрижата. Имено, беше најавено дека старата амбуланта која е во руинирана состојба конечно ќе биде заменета со нова, монтажна. Се најави рушење на амбулантата, но на ниту еден начин јавно не беше истакинато дека амбулантата заклучува врата, а пациентите не беа информирани дека на оваа локација повеќе нема да добиваат здравствени услуги се додека не биде ставен монтажниот објект. Почнаа да лутаат низ населбата да бараат каде се наоѓаат нивните доктори, нивните здравствени картони и каде можат да добијат здравствена услуга. А, каква идеја имала локалната самоуправа, на никој не ми се веруваше. Верувале или не – амбулантата е префрлена во Центар за кариерен развој отворен пред еден месец. Лентата на 7-ми јули ја пресече лично градоначалникот Златко Марин и информира: „Во населбата Лисиче го отворивме Центарот за кариерен развој. Центарот е отворен на иницијатива на Општина Аеродром, која неодамна формираше мрежа на невладини организации што работат на цели од локално, социјално и економско значење и претставува прв таков пример во државата. Продолжуваме со подеднаква грижа за сите“. Во овие простории, кои сигурно немаат услови да бидат амбуланта, сега се префрлени голем број на лисичани и нивните доктори. Освен што не беа информирани дека амбулантата се затвора и се префрла во простории за кариерен развој, лисичани не беа информирани ниту еден еден од докторите нема да прима воопшто пациенти и си заминува во пензија. КУРИР направи фотогалерија од старата амбуланта која е во очајна состојба. Сега не е во функција под најава дека ЌЕ се гради, но на терен нема ниту еден работник, ниту било што како најава за градба. Погледнете во каква амбуланта се лечеа лисичани до пред неколку дена: Сега, кога лисичани конечно го видоа Марин во својата населба, каде цел мандат не се појави, градоначалникот покажа дека само направи дополнителен хаос. Си отвори центар за кариерен развој, најави нова амбуланта која не ни започна да ја прави, а затворената си ја префрли во локацијата која претходно ја намени за невладините организации. Така, сега на друга локација во Лисиче, еве во какви услови има божем “амбуланта“ додека ќе треба сигурно голем период да се сруши старата, да се стави нова монтажна и истата да се опреми. Надворешноста иста, на Центарот на Марин, ама внатре - здравствена установа! Во цел свој мандат кој наскоро завршува, Златко Марин не направи НИШТО за жителите на населба Лисиче. Си отвори Центар за кариерен развој кој му функционираше три недели, за внатре да смести амбуланта. Единствено нешто што направи се низа лажни ветувања кои ги даде пред избори за училиштето, хигиената, улиците во населбата. Еве сега, направи таков хаос што лисичани на шега велат: „Среќа што не доаѓаше почесто, може училиштето ќе ни го префрлеше во фризерскиот салон“!

ФОТО КУРИР: Амбулантата во Бутел пред распаѓање, ветената поликлиника ја менуваат со контејнери

Ристе Здравков — Sun, 23 May 2021 07:19:33 +0000

Иако беше ветена поликлиника, општина Бутел на местото на старата амбуланта ќе добие контејнери, дознава КУРИР. Четврта година откако СДСМ е на власт, четврта година жителите на општина Бутел чекаат на местото на старата амбуланта да никне голема поликлиника, налик на таа во општина Чаир. Но, како што дознаваме тоа нема да се случи. Бутел нема да добие поликлиника, а на местото на сегашната амбиланта ќе се донесат контејнери кои ќе бидат замена за ветената поликлиника. Планот е ова да започне на 1 јули оваа година, неколку месеци пред локалните избори, каде по се изгледа Велимир Смилевски ќе ја бара довербата за уште еден градоначалнички мандат. Но тоа не е најголемиот проблем за граѓаните на Бутел, екипа на Курир влезе во амбулантата и успеа да направи неколку фотографии од внатре. Внатрешниот дел на амбулантата е вистински ХОРОР, распаднати ѕидови, тоалети какви што нема во најмизерните афрички земји, ходниците служат како магацини, а шалтери речиси и да нема. Таму затекнавме и мали деца кои со своите родители дошле на преглед, ситуацијата која ја затекнавме беше вистински хорор, а вработените беа седнати во една просторија бидејќи останатите се приказна за себе.

КУРИР ДОЗНАВА: Наместо поликлиника Бутел ќе добие контејнери

Ристе Здравков — Sat, 22 May 2021 09:20:49 +0000

Мицкоски: По 4 години власт и безброј лажни ветувања за нова, вака изгледа амбулантата во Ѓорче Петров 2 (ФОТО)

Тале Кристо — Thu, 28 Jan 2021 14:01:41 +0000

„Ние сме сериозна земја, имаме пари, ќе си платиме...” - Зоран Заев, 18.01.2021 Погледнете како изгледа амбулантата во Ѓорче Петров 2, по 4 години власт и безброј лажни ветувања за нова, пишува лидерот на ВМРО-ДПМНЕ Христијан Мицкоски.

ТРАГЕДИЈА: Младата пациентка почина од Коронавирус само што била примена во амбуланта

Дарко Андоновски — Wed, 10 Jun 2020 12:28:23 +0000

Во последните 24 часа се направени 1019 тестирања, а регистрирани се 125 нови случаи на ковид-19. Денеска статистиката бележи и дури 7 починати лица. На Клиниката за инфективни болести и фебрилни состојби почина пациент од Скопје (79г) на клиниката од 19 мај, пациентка од Струга (66г) хоспитализирана на 8 јуни, пациентка од Скопје (54г) примена на 5 јуни и уште една пациентка од Тетово (46г) која починала при прием во амбулантата. Во ГОБ „8 септември“ почина пациентка од Скопје (77г.) примена на 8 јуни и пациентка од Струга (73г.) примена на 7 јуни. Во болницата во Штип почина пациент на возраст од 87 години, хоспитализиран на 26 мај.

Двајца доктори и две медицински сестри од Дебар заразени со коронавирус

Ивана Ефремовски — Tue, 17 Mar 2020 17:35:42 +0000

Четири здравствени работници се заразени со коронавирус. Станува збор за двајца доктори и две медицински сестри од Дебар. Оваа информација ја соопшти министерот за здравство Венко Филипче. За ова претходно информираше доктор Арбен Аголи од Дебар. Тој обелодени дека персоналот е заразен со коронавирус и дека затоа амбулантата ќе биде две недели под карантин.

Змија влегла во амбулантата во Ѓорче Петров, пациентите бегале испаничени

Ивана Ефремовски — Tue, 02 Jul 2019 17:41:52 +0000

Во амбулантата во општина Ѓорче Петров влегла змија, а пациентите испаничени избегале надвор, објави А1он. Изутринава, додека имало десетина пациенти кои чекале на ред за преглед, влегла змија во бараката при што настанала паника. Исплашени и со викање истрчале надвор. Од ДСЗИ кои биле повикани во објектот информираат дека е направен вонреден инспекциски надзор уште во април 2018 година во истиот објект и дека со решение го задолжиле сопственикот ЈЗУ Здравствен дом Скопје за адаптација или реновирање на објектот , објави порталот. Сепак, бараките не се адаптирани ниту реновирани, а ваквата состојба е речиси идентична во многу здравствени објекти низ државава.

Мизерни услови во амбулантата во Ѓорче Петров, пациентите стравуваат дека ќе се сруши таванот врз нив

Дарко Андоновски — Mon, 01 Jul 2019 09:37:38 +0000

Исчкртани ѕидови, нема прозорци, со оштетен плафон и под. Во ваква состојба е амбулантата во Ѓорче Петров. Над 3 илјади пациенти, главно деца, се лекуваат во оваа амбуланта. Еден од нив е и Аднан Зеќири. Тој ја донел осумгодишната ќерка, Емине, на преглед. Тие се од село Крушопек, општина Сарај, објавува Телевизија 21. -Не сме задоволни од условите, не преземаат иницијатива за да ги реновираат овие бараки. Уште малку ќе се урнат. Но што да правиме, мораме да ги носиме децата овде, немаме каде да ги однесеме. Јас имам четири деца и ги носам овде. Рекоа дека ќе ги реновираат но се уште нема информации.-вели Аднан Зеќири. Амбулантата е изградена за привремена употреба, по земјотресот во 1963 година. Од тогаш во овој здравствен дом не е инвестирано. -Многу е стар објектот. Има 80 години. Изградени се во времето на комунизмот. Овде одиме на преглед.-вели граѓанин. Овој здравствен дом е даден под концесија, но според лекарите одржувањето треба да го направи Министерството за здравство. Верица Манчевска, која е педијатар 35 години во оваа амбуланта, вели дека веќе 15 години амбулантата не е бојадисана. Таа додаде дека има и недостиг не педијатри. -Погледнете ги ходниците. Таму нема клима. Таму нема ништо. И да кажеме дека јас не знам што му е на пациентот. И некој пати кога ќе треба да го испратам на дополнителни скрининзи и испитувања, нема термини. А кога ќе има термини кога детска клиника остана без лекари, кога сите се разбегаа. За да се поправи ова нема зошто да се залажуваме дека тоа е директорот е крив дека е министерот крив, дека е премиерот крив, парите и неразрешените имотни правни односи каде што е зградата сместена-вели Манчевска. Општина Ѓорче Петров и Министерството за здравство промовираа проект за изградба на нова амбуланта, која ќе биде готова во 2021 година, но се уште не се почнати градежните работи. Додека се најде решение, 3 илјади пациенти на амбулантата во Ѓорче Петров, и понатаму ќе се прегледуваат во мизерни услови.