амбулантни возила – Kurir.mk

Петнаесет загинати, 60 ранети во израелски напад врз амбулантни возила во Газа

Тале Кристо — Sat, 04 Nov 2023 09:01:45 +0000

Во израелски воздушен напад извршен синоќа врз амбулантни возила користени за евакуација на ранетите од опколениот северен дел на Газа, загинаа 15 лица, а 60 се ранети, соопшти Министерството за здравство на енклавата под контрола на Хамас. Израелската војска соопшти дека идентификувала и погодила амбулантно возило „користено од терористичката ќелија на Хамас“. Тие тврдат дека групата дека пренесувала милитанти и оружје во амбулантни возила. Официјалниот претставник на Хамас Изат Ел Решик рече дека наводите за присуството на неговите борци се „неосновани“. Ашраф ал-Кидра, портпарол на Министерството за здравство на Газа, рече дека амбулантното возило било дел од конвој нападнато во близина на болницата Ал-Шифа во градот Газа. Кидра рече дека Израел го таргетирал конвојот амбулантни возила на повеќе од една локација, вклучувајќи и удар пред болницата Ал-Шифа и плоштадот Ансар што е на еден километар оддалеченост. Во соопштението за инцидентот, израелската војска не достави никаков доказ за да го поткрепи тврдењето дека амбулантното возило е поврзано со Хамас, јавија западни медиуми.

БАНАНА ДРЖАВА: Филипче и скапо платениот кабинет не знаат колку чини амбулантно возило, а народот очекува тие да купат

Ристе Здравков — Wed, 04 Aug 2021 11:29:11 +0000

Амбулантни возила стари повеќе од 10 години, противпожарни постари од 40 години, „Ер трактори“ заборавени да се сервисираат.... ова за жал е актуелната состојба во државава. “Но не е се така црно“. Имено владата предводена од Зоран Заев, не заборава редовно да се поднови со некој нов „Пасат“, „Мерцедес“, Заев и Филипче не пропуштаат хеликоптерско развозување, а истите тие хеликоптери кога ќе треба да гасат пожар се нефункционални или кога треба да се спаси човечки живот. Граѓаните со години се жалат за лошите услови со амбулантните возила, во некои општини возилата се стари и неколку децении. Превезувањето на болни луѓе со тие возила се ризични, а министерот Филипче освен скапо платениот ПР нема ништо друго не го интересира. Имено редакцијата на КУРИР, побара информација од кабинетото на министерот Венко Филипче за тоа колку чини едно ново амбулатно возило со целоснa опремa. Од неговиот кабинет информираат дека тие немале такви информации. -Министерството за здравство не располага со податоци за цени на возила за итна медицинска помош. Цените ги утврдуваат производителите на возилата, одговорот побарајте го кај нив, ни одговорија од скапоплатениот ПР на министерот. Кабинетот на министерот и скапите ПР-џии не знаат ни колку чини едно возило, а народот очекува тие да купат. Оттука се поставува прашањето, што работи министерот со своите скапо платени ПР-агенти? Дали наместо да се овозможи нови амбулантни возила за граѓаните, пари се трошат на само-промоција на министерот?

ВМРО-ДПМНЕ: Дали брзата помош не функционира и нема амбулантни возила, за да може омилената агенција за обезбедување на Заеви да отвори приватна брза помош?

Магдалена Андонова — Sun, 15 Nov 2020 11:28:49 +0000

Срамота е кога цела влада на чело со Заев се собира за да предаде во употреба едно амбулантно возило, кое немаше да биде ниту набавено доколку директорот на болница јавно не молеше за помош. За пусти политички поени Заев направи настан, за случај од кој треба да се срами, затоа што градот кој го водел 10 години го оставил без доволно болнички возила, а како премиер 4 години ниту во Струмица, ниту во било кој друг град набавил амбулантни возила, па мора да се слика со возила кои се донации, стои во реакцијата на ВМРО-ДПМНЕ во врска со изјавата на Зоран Заев. - Со 530 илјади евра кои само Шилегов ги дава за диносаурусите и лампионите, можат да се набават 15 болнички возила. Но секако диносаурусите во ек на пандемија се поважни од амбулантни возила, велат од партијата. - Останува сомнежот дека зад ваквата раскалашеност се крие бизнис. Имено омилената струмичка фирма на Заев за обезбедување која доби 26 милиони евра државни тендери и тендери од ЕВН најавува приватна брза помош. Дали намерно не функционира брзата помош за да може и овој бизнис да се земе во рацете на Заеви? Дали граѓаните треба повторно да бидат жртва за некој утре да може да ниже дебели профити?, посочуваат.

Милошоски: Заев и лагата за амбуланти возила

Ивона Петрова — Mon, 02 Nov 2020 09:19:08 +0000

Зоран Заев во кампањата "Живот" го лажеше народот за набавка на нови амбуланти возила. Денес за жал, на многу болници такви возила им се многу потребни во борбата за живот на пациентите, пишува Антонио Милошоски на Фејсбук.

Ефтимов: Болницата во Струмица бара донации за болнички возила, а власта одби амандман на ВМРО-ДПМНЕ со ребалансот да се набават три нови возила за струмичката болница

Тале Кристо — Sun, 01 Nov 2020 10:42:59 +0000

Вчера јавноста беше сведок на очајната состојба во која се наоѓа македонското здравство. Дојде време Директорот на „ЈЗУ Општа болница-Струмица” Наќе Гогов вчера да бара донации за болницата да набави болнички возила, поради малиот број и дотраеноста на постоечките со кои не може да се излезе во пресрет на здравствената криза во Струмица. Веројатно поради притисоци директорот Гогов потоа го повлече овој апел, но за жал остана чувството и реалноста дека Струмица нема доволно возила во моментот да одговори на потребите на граѓаните во услови на епидемија од корона вирусот, истакна на денешната пресконференција пратеникот од редовите на ВМРО-ДПМНЕ Дајанчо Ефтимов. Во продолжение интегрално ви ја пренесуваме целата изјава од прес-конференцијата на Ефтимов: За информација на јавноста како пратеници од струмичкиот регион поднесовме амандман на ребалансот на буџет, кој е во постапка, за прераспределба на 3,5 милиони денари за набавка на три амбулантни возила за Болницата во Струмица, но за жал пред неколку дена власта овој амандман го одби со образложение дека не е потребна таква набавка. Очигледно е дека власта или не ја знае состојбата во Струмичката болница или не сака да ги помогне капацитетите, само затоа што предлог амандманот на буџетот доаѓа од пратениците од ВМРО-ДПМНЕ. Оттука сметам дека е крајно лицемерен одговорот на пратеникот Костадин Костадинов, кој исто така доаѓа од Струмица и кој најави дека интервентно ќе се обезбедувало возило за Струмичката болница, кога истиот и власта од неговата партија можеа тоа да го направат со поддржување на амандманите на опозицијата, а доколку успееја да обезбедат и уште едно возило, дотолку подобро и за болницата и за граѓаните на Струмица. Патем Костадинов најавува, замислете итна набавка на болничкото возило дури после два месеци, а на болницата и требаат токму сега во услови на илјадници заболени дневно од корона вирус. Зоран Заев во Струмица е власт 18 години, што како пратеник, што како градоначалник, што како премиер и тоа што болницата нема возила во услови на пандемија е негов личен неуспех и пораз. И пандемијата од корона вирусот и проблемот со болничките возила во струмичката болница не се од вчера, и затоа требаше уште пред неколку месеци да се решаваат ваквите состојби. На крајот, бидејќи Костадинов и Заев сакаа да пресметуваат колку болнички возила може да се набавуваат од продажби на други работи, еве да ги прашам колку болнички возила чини возниот парк на Заеви? Колку болнички возила можеа да се набават само од бентлито или од мајбахот на Заеви? Колку возила може да се набават ако се продаде барем возниот парк од четирицикли и луксузни мотори кои го поседува свитата на Заеви? Замислете 3,5 милиони денари за набавка на три возила за болницата, е далеку помала сума од едно од овие возила на Заеви. Оваа сума веројатно ја трошат во едно полугодие само на сервисирање или гориво за својот возен парк. Што е поважно, луксузот на Заеви или здравјето и животите на граѓаните на Струмица и Македонија? Хипокризијата на власта на Заев излезе на виделина. Очекувам власта да се освести час поскоро и да му помогне конкретно на здравствениот систем, затоа што тој се бори против пандемијата и спасува животи, а не пиарот на владата, рече Ефтимов.

Тамара: Ќе беше многу безвезе да се откажевме од Евровизија и да купевме амбулантни возила! (ВИДЕО)

Ивана Ефремовски — Tue, 21 May 2019 06:45:39 +0000

Македонската евровизиска претставничка Тамара Тодевска изјави дека би било погрешно доколку наместо Евровизија, оваа година парите биле потрошени на амбулантни возила, затоа што така никој немало да слушне за нашата земја. -Ќе беше многу безвезе да се откажевме од Евровизија и да купевме амбулантни возила пошто никој немаше да знае за нас, рече Тамара во интервјуто за 1ТВ.

Ивор Мицковски: Мерцедесот ви легна, секој пратеник речиси има шофер и возило, а немате за 8 амбулантни возила

Дарко Андоновски — Tue, 19 Mar 2019 14:46:10 +0000

Долгогодишниот шеф на Центарот за комуникации на СДСМ Ивор Мицкоски во својата најнова објава на Фејсбук ја обвинува владата предводена од СДСМ за тоа што нема пари за 8 нови амбулантни возила. -Ќе земале 8 комбиња од Министерство за земјоделство и ќе ги пренаменувале во амбуланти. Мерцедесот ви легна, секој пратеник речиси има шофер и возило, секој од рекордниот број на министри во државава, нарачувате фотељи од телешка кожа, трошите за патни трошоци и шетање во странство, и немате за уште 8 амбуланти, стои во неговиот пост на Фејсбук.

Штипската Клиничка болница преку јапонска донација доби две амбулантни возила

Дарко Андоновски — Thu, 31 May 2018 13:54:14 +0000

Штипската Клиничка болница денеска ги доби двете нови амбулантни возила преку Програмата Грасрут проекти за човечка безбедност. При врачувањето на донацијата присуствуваа и амбасадорката на Јапонија во Република Македонија, Кеико Ханеда и заменик министерот за локална самоуправа, Дејан Павлевски. Вредноста на новите возила е 40.262 евра. - Забележувате дека на возилата има едно слатко маче, тоа е новата маскота на оваа јапонска програма по повод одбележување на јубилејот 30 години од доделувањето грантови во земјава. Овие се првите мачиња во Македонија, бидејќи ова е нашата прва церемонија на успешно завршен проект за оваа година и се надевам дека ви се допаѓаат. Уште еднаш се заблагодарувам на сите што ги поддржуваат нашите пријателски односи: градоначалникот на Општина Штип, заменик министерот Павлевски, директорот на болницата и медицинскиот персонал, Центарот за развој на источен плански регион, како и на сите граѓани на Штип. Се надевам дека преку овие проекти за соработка и многу други размени нашето пријателство ќе продолжи да зајакнува и во иднина, рече Ханеда. Во Штип преку оваа јапонска програма досега се донирани над 190.000 евра, а во источниот регион над половина милион евра. - Пред дваесет години добивме огромна донација во вид на медицинска апаратура и возила, од коишто голем дел и ден денес се во употреба. Се надеваме дека и понатаму ќе имаме уште повеќе зеднички проекти со јапонската Влада, којашто многу пати покажала дека е великодушна. Исто така, морам да се заблагодарам и на сите оние коишто помогнаа овој проект да се реализира, тоа се луѓето од Центарот за источен плански регион, како и од Општина Штип, рече Ален Ѓеорѓијев директор на Клиничка болница-Штип. - Опремата е секогаш потребна за граѓаните. Јас верувам дека со овие возила, нашите служби и доктори овде ќе успеат да спасат многу човечки животи. Затоа уште еднаш сакам да се заблагодарм на амбасадорката. Во иднина очекувам уште многу вакви соработки. Граѓаните на општина Штип ќе бидат секогаш благодарни, истакна градоначалникот на Општина Штип, Благој Бочварски. Заменик министерот за локална самоуправа, Дејан Павлевски забележа дека нашата земја континуирано добива помош од јапонската Влада. - Министерството за локална самоуправа и Владата на Република Македонија за свој приоритет имаат да ги подобрат услугите и да ги изедначат услугите за сите граѓани на територија на Република Македонија, а воедно со тоа да се подобри квалитетот на живеење за сите граѓани на Македонија. Ваквите проекти коишто се поддржани од јапонската Влада во континуитет се токму во таа насока, рече Павлевски.

Јоци до Заев: Во која кафеана се амбулантните коли што ги вети пред 7 месеци?

Ивона Петрова — Tue, 27 Mar 2018 07:01:39 +0000

Откако во јавноста се обелоденија информациите за потрошените пари по ресторани на владата на Република Македонија, реакциите не стивнуваат. И Јорданка Ивановска - Јоци имаше што да порача на темата. -Ова е истиот Зоки Заев кој ни мафташе со хартии на прес конференции за вмровците кои трошеле за стекови од бизони, бифтек од дивеч, коњски карпача, сосови од горгонзоли ? И тоа, тие трошеа од донации за кетеринзите на партија, не од буџет. Да, тој е. Истиот Зоки. Кој само по кафани истрошил на дневно ниво по 11.660 денари. Милионерот Зоки, жив гладен, кој не дава од свој џеб, напротив потрошил наши пари. А, амбулантните возила кои ги вети пред 7 месеци каде се ? Во која кафана? Со Бектеши, две амбулантни коли сте изеле и испиле, пишува Јоци на Фејсбук.