амеба – Kurir.mk

Маж починал откако се заразил со амеба која го јаде мозокот

Ивона Петрова — Fri, 03 Mar 2023 07:46:42 +0000

Маж од САД починал откако се зарази со амеба што го напаѓа мозок, најверојатно откако го исплакнал носот со загадена вода од чешма, соопштија здравствените власти. Одделот за здравство на Флорида во округот Шарлот ја потврди смртта, но не даде детали за жртвата. Се смета дека инфекцијата со амеба Naegleria fowleri е резултат на миење на синусите, но што точно се случило сè уште е под истрага. Naegleria fowleri е едноклеточен организам кој се наоѓа во почвата и слатката вода ширум светот. Амебата влегува во телото преку носот, а потоа патува до мозокот, каде што го уништува ткивото и предизвикува разорна инфекција наречена примарен амебен менингоенцефалитис, која речиси секогаш е фатална, пишува Скај Њуз. Повеќето луѓе се заразуваат по пливање во топли езера или реки во текот на летото, бидејќи организмот сака топлина и најдобро расте на високи температури. Симптомите вклучуваат главоболка, треска, гадење, губење на рамнотежа, дезориентација, напади и вкочанет врат. Луѓето не можат да се заразат со пиење вода од чешма и се препорачува да користат дестилирана или стерилна вода за плакнење на синусите. Водата од чешма треба да се вари најмалку една минута и да се излади пред да се исплакнат синусите. Инфекциите на Naegleria fowleri се ретки, со само три случаи потврдени во САД минатата година, според официјалните податоци. Евидентирани се три случаи во 2019, 2020 и 2021 година.

Алармантно: Уште една бактерија која го „јаде“ мозокот

Тале Кристо — Thu, 09 Jul 2020 08:46:21 +0000

Инфицираните ги имаат сличните симптоми како тие што ги носи и коронавирусот. Покрај кашлање имаат и вртоглавица, повраќање и главоболка. Станува збор за многу редок микроогранизам кој го напаќа мозокот и буквално го „јаде“. Ваков случај беше потврден во Флорида, соопштија американските здравствени работници. Министерството за здравство на Флорида потврди дека една личност од Хилсбороуг е заразена од амебата „Наеглериа Фолери“ која предизвикува инфекција на мозокот и е смртоносна. Оваа амеба најчесто се може да се пронајде во топла вода, а во телото влегува преку носот. Министерството не откри каде се наоѓа моментално заразениот пациент, бидејќи познато е дека амебата може да се пренесе од човек на човек. Најчести случаи се регистрирани во јужноамериканските држави, но во Флорида се ретки, со последниот потврден случај во 1962 година кога се регистрирани 37 случаи. Жителите на Хилсбороуг се предупредени за опасноста. Се советува да се избегнува пиење вода од чешма како и да се одбегнат езерата, реките и каналите од каде започнала инфекцијата поради летните температури. Инфицираните ќе имаат повисока температура, вртоглавица, повраќање и главоболка. Најчесто несреќните заразени умираат за помалку од седум дена

Влез во базен за него бил кобен: Се заразил со амеба која го јаде мозокот, а сега е пронајдена и во градскиот водовод

Матеја Петровски — Wed, 03 Oct 2018 07:27:53 +0000

Амеба која го јаде мозокот, чиј стручен назив е „Naegleria fowleri“, одговорна е за смртта на 29 годишен сурфер од Њу Џерски. Се почнало минатиот месец, кога Фабрицио Стабиле отишол во посета на воден парк во Тексас. Додека бил во базен, се заразил со смртоносната амеба, за на 16 септември да почине од инфекција. Американскиот центар за контрола и превенција од болести (CDC), моментално го испитува одморалиштето во кое Стабиле ја внел амебата во организмот, а водениот парк е затворен до крајот на истрагата. Десет дена подоцна, на 26 септември, смртоносната амеба е детектирана и во градскиот водовод кај Шривпорт во Луизијана. Амебата е откриена благодарение на редовното тестирање на системот. Од „CDC“ наведуваат дека „Naegleria fowleri“ предизвикува примарен амебен менингоцефалитис (PAM), инфекција на мозкот која доведува до уништување на мозочното ткиво и може да биде фатална. Симптомите потсетуваат на оние кај бактерискиот менингитис и вклучувајќи повисоки температура, главоболка и мачнина. Лицето заболено од „PAM“ обично умира за пет дена од појавувањето на првите симптоми, наведува Форчен. Исто така се наведува дека не е возможно да се зарази со смртоносната амеба после пиењето на заразена вода. Што се однесува до случајот на Фабрицио, се наведува дека амебата може да влезе од заразена вода во телото низ ушите, било тоа преку користење на хлорирана базенска вода или користење на онаа од чешма за пиење.