американка – Kurir.mk

Хамас ослободи Американка и нејзината ќерка кои биле заложници

Тале Кристо — Fri, 20 Oct 2023 18:41:00 +0000

Палестинската група Хамас денеска соопшти дека ослободила Американка и нејзината ќерка кои биле заложници во Газа по нападот на исламистите врз Израел на 7 октомври. Воениот портпарол на групата во соопштение нагласи дека заложниците се ослободени „врз хуманитарна основа како резултат на посредништвото на Катар“. Медиуми во Тел Авив цитираат израелски официјални лица кои појаснуваат дека одлуката на Хамас за ослободување на заложниците била направена еднострано и дека Ерусалим не понудил ништо во замена.

Американка паднала во езеро, па била убиена од алигатор

Тале Кристо — Wed, 17 Aug 2022 06:53:26 +0000

Жена од САД, 88-годишна, е усмртена од алигатор, откако случајно паднала во езеро додека си ги средувала растенијата, близу брегот, во рамки на населба-прифатилиште за стари лица, соопштија властите во американската сојузна држава Јужна Каролина. – Надлежни лица биле повикани во месноста Сан Сити Хилтон Хед завчера, по што е утврдено дека алигатор зграпчил женско тело близу околната вештачка лагуна и не го испуштал, изјави полицајката Анџела Виенс од Канцеларијата на шерифот на Округот Бофорт. Сан Сити Хилтон Хед е старечка заедница со повеќе од 16.000 жители. Жртвата Ненси А. Бекер од Јужна Каролина ја средувала градината, кога се лизнала и паднала во езерото, каде што живеел алигаторот. Надлежните подоцна го фатиле животното и тоа е усмртено. Полицијата и Округот Бофорт го истражуваат настанот. Се проценува дека околу пет милиони алигатори живеат во 10-те југоисточни сојузни држави во САД. Сепак, фаталните напади не се честа појава. Според наводите, од 442 случаи, 26 биле со смртни последици.

Американка обучувала батаљон од жени на ИД во Сирија

Тале Кристо — Tue, 07 Jun 2022 19:09:37 +0000

Американската државјанка Алисон Флак-Екрен денеска пред американскиот су д призна дека го водела и обучувала женскиот батаљон на ИД во Сирија. Таа го прифати договорот за признавање вина пред федералниот суд и се соочува со затворска казна до 20 години. На крајот на 2016 година, Флук-Екрен ја предводела женската единица на ИД во сирискиот град Рака и водеше обука за пукање од автоматски пушки, фрлање бомби и активирање појаси за самоубиствени напади. Во писмото на федералниот обвинител Раџ Парех се наведува дека таа обучувала и деца за борба. Флук-Екрен имала намера да регрутира оперативци за терористичкиот напад на универзитетски кампус во САД и планирал напад на трговски центар.

Американка боледува од коронавирус веќе 335 дена

Дарко Андоновски — Wed, 27 Oct 2021 14:08:21 +0000

Една Американка ги урна сите рекорди на Ковид-19, боледувајќи од коронавирус 335 дена. Ова е најдолгото времетраење на болеста регистрирано во светот, пишува списанието „Сајнс“ (Science). Жената (47) била хоспитализирана во пролетта 2020 година. По неколку недели поминати во болница, таа била пуштена на домашно лекување. Дома морала да користи дополнителен апарат за кислород. Сепак, нејзините последователни тестови за коронавирус продолжиле да покажуваат позитивен резултат. Првично, лекарите претпоставувале дека тоа се само резидуални честички од вирусот. Набргу потоа, сепак, еден од тестовите јасно покажал дека нивото на вирусот кај пациентката е зголемено. Истражувачите ги споредиле резултатите на Американката кои се покажале дека се идентични со оние од почетокот на нејзината болест. Така утврдиле дека пациентката не се заразила повторно, туку едноставно не оздравела. Покрај тоа, жената во тој период не излегувала од својот дом и немала контакт со надворешни лица. Три години пред Ковид-19, Американката била излечена од рак, кој го ослабнал нејзиниот имунолошки систем. Според научниците, тоа било причината за должината на болеста.

Американка си ја обои куќата во црно и стана вирален хит – еве и зошто

Магдалена Андонова — Tue, 01 Dec 2020 11:35:42 +0000

Некои уметници се чини дека наоѓаат инспирација дури и на прилично непредвидливи места. Една таква личност е американската дизајнерка Хана Бичлер. Хана е добитничка на Оскар, работела на реномирани проекти како што се албумот на Бијонсе наречен „Lemonade“ и филмот „Black Panther“, но дури сега го привлече вниманието на целиот свет поради многу необична причина. Дизајнерката моментално живее во Њу Орлеанс и како што вели, ја обоила својата куќа во црно во име на 2020 година, за која смета дека е „црна“ за целиот свет. Бичлер истакна дека многу црни настани ја обележаа оваа година, па затоа ѕидовите, кровот, ролетните и прозорските рамки ги обоила во црно.

No one anywhere: Me: *Clears Throat* To commemorate 2020 I painted my house BLACKITY BLACK BLACK BLACK!!! Holla! pic.twitter.com/NqS08DW7zV
— Hannah Beachler (@chinchilla1970) November 27, 2020

За многу кратко откако се пофали на социјалните мрежи за „реновирањето“, таа стана вирален хит. Таа на социјалната мрежа „Twitter“ објави неколку фотографии од куќата. - Во спомен на 2020 година, ја обоив мојата куќа во црно, напиша таа. Бројни корисници на оваа мрежа беа импресионирани од нејзината креативност и ја пофалија нејзината идеја во коментарите. Оваа година, пандемијата на коронавирусот го „затвори“ целиот свет, а воедно многумина загубија свои блиски роднини и пријатели од последиците на оваа ужасна болест.

Французинка и Американка добија Нобелова награда за хемија

Тале Кристо — Wed, 07 Oct 2020 12:43:32 +0000

Научничките Емануела Шарпентје од Франција и Џенифер Дудна од САД денеска ја добија Нобеловата награда за хемија, за развој на методи за промена на геном. – Емануела Шарпентје и Џенифер Дудна ја направија една од најголемите алатки во генетската технологија, а тоа се генетските ножици KRISPR / Cas9 (CRISPR / Cas9)“, објави Шведската кралска академија на науките. Тие две ќе добијат награда од 1,1 милиони долари. – Оваа технологија, која има револуционерно значење за науката, придонесува за нови терапии во борбата против ракот. Сега сонот за целосно лекување на наследни болести е многу близу, оцени Кралската академија на науките на Шведска.

Американка го испорача најбрзиот нокаут во историјата на женскиот бокс- за само 7 секунди таа беше во несвест! (ВИДЕО)

Дарко Андоновски — Sat, 25 Jul 2020 13:59:15 +0000

Сениса Естрада синоќа влезе во историјата на спортот со најбрзиот нокаут во историјата на женскиот бокс. Оваа 28-годишна Американка, наречена „супер лоша“ ја доби Миранда Адкинс за само седум секунди. Веднаш откако се огласи ѕвончето за старт, Естрада ја нападна противничката и упати еден, два, три удари, а потоа ја испрати нејзината противкандидатка на земја со уште четири директи во главата, пред да сфати што ја снајде и изгуби свест. Естрада е привремен шампион според ВБА-верзијата во категоријата „мува“ и ВБЦ (сребрена) верзија во јуниорска „мува“ и ова беше нејзината 19-та победа од ист број натпревари. Адкинс го доживеа својот прв пораз во шестата борба во кариерата.

? RECORD BREAKING ? @SeniesaSuperbad 7 second KO! ? @dazn_usa! #OrtizVargas pic.twitter.com/VrropY87FY
— Golden Boy (@GoldenBoyBoxing) July 25, 2020