американска амбасадорка – Kurir.mk

Бериша ја нарече амбасадорката Ким срам на нацијата, која заедно со Рама ја поделиле опозицијата

Тале Кристо — Fri, 23 Jun 2023 11:04:30 +0000

Поранешниот албански претседател, екс премиер и актуелен лидер на побројното крило на Демократската партија Сали Бериша "повторно ја нападна" американската амбасадорка Јури Ким. Тој ја нарече срам за нацијата што ја претставува и ја обвини дека заедно со премиерот Еди Рама ја растуриле албанската опозиција. -Во историјата на плурализмот на овој народ нејзиното име ќе остане како личност која ја злоупотребила власта. Заедно со Рама направи се за да ја уништи албанската опозиција. Се разбира, ја поделивте, но не успеавте да ја уништите, обвини Бериша. Од друга страна, додава тој, со "вашите ставови, вие сте единствениот амбасадор по 32 години што си заминува од оваа држава како генерален секретар на СП, а не јас" - Мислам дека овие неколку денови и часови што ти останаа; извини им се на Албанците за Гонигал. Во најголемиот скандал на сите времиња, ти не им кажа ништо на Албанците помножувајќи ги со нула, вели Бериша. Обвинувањата на Бериша почнаа по неговото прогласување за непожелен во САД, во мај пред две години. Тој редовно ја именуваше како "гувернанта".

Амбасадорката на САД очекува во следните месеци да бидат објавени листи за санкции

Дарко Андоновски — Mon, 23 Jan 2023 20:29:39 +0000

Прашањето не е дека САД ќе објават една листа и ќе кажат „тоа е тоа, ова се сите имиња“. Ова е долготраен и постојан разговор помеѓу американската Амбасада овде и Вашингтон и ширум Владата во Вашингтон. Има повеќе видови на листи за санкции, значи не постои само една и не станува збор дека се прави една листа и завршуваме. Бидејќи има постојана проверка за оние кои ние сметаме дека ги прекршиле правилата во поглед на очекувањата кои ги имаат САД за тоа дали да им дозволи влез во САД, или да се соочат со други видови на финансиски санкции, порача вечерва американската амбасадорка во земјава Ангела Агелер, осврнувајќи се на очекувањата за црната листа на САД за корумпирани лица. Агелер во интервју за ТВ „Телма“ посочи дека некои проверки ги води Стејт департментот, некои Министерството за финанси, и други агенции исто така. – Значи тоа е постојан разговор. Немам временска рамка бидејќи Вашингтон ќе ги објави кога ќе ги заврши истрагите и заклучоците. Тесно соработуваме во развојот на случаите. Моите очекувања се дека во следните месеци ќе видиме неколку имиња, но не знам која е точната временска рамка. Ќе повторам за да бидам јасна, тој разговор кој го водиме, кој јас го водам, кој мојот тим овде го води со Вашингтон, не бараме мислења на луѓе од оваа земја, и верувајте ми, откога дојдов овде, луѓе имаат пријавено многу, многу имиња во оваа Амбасада, на луѓе кои ги прекршиле правилата, и кои треба да бидат на некоја од листите за санкции. И ние секако дека ги разгледуваме тие, нагласи Агелер. Амбасадорката побара трпение од страна на граѓаните и рече дека тие мора да сфатат дека станува збор за постојан процес. – Знаете, ме прашуваат за листата, и пак ќе повторам, не постои само една, но тоа можеби е и можност за луѓето помалку да бидат фокусирани на една луста, туку повеќе да бидат фокусирани на видовите на активности и постапки кои би ставиле некој на листата. Мислам дека ова е можност за правосудството сериозно да се погледне себеси, дали сте судија, или обвинител, која и да е вашата улога, и да се запрашате „дали јас се однесувам, дали си ја извршувам работата со интегритет? Дали сум под влијание на други? Дали носам одлуки засновани врз законот?“ Мислам дека сите можеме да посочиме кон неодамнешни примери каде што не ни се чини нам, или на јавноста, дека тоа се случило. Значи продолжуваат да се појавуваат примери кои изгледаат многу сомнително, пак ќе повторам, не само на САД и на Амбасадата, туку и на обичните луѓе, кои сакаат да продолжат со своите животи знаејќи дека нивната влада, дека нивните политичари дејствуваат во најдобар интерес за нив. Во најдобар интерес за граѓаните, а не во нивниот личен најдобар интерес, на судијата, на обвинителот, или на било кој, наведе Агелер.

Анџела Прајс Агелер потврдена за нова амбасадорка на САД во Скопје

Ивона Петрова — Fri, 05 Aug 2022 06:00:27 +0000

Анџела Прајс Агелер е потврдена за нова амбасадорка на САД во Северна Македонија, објави на Твитер демократското мнозинство во Сенатот. Таа доаѓа на местото на Кејт Мари Брнз, која ја извршува функцијата амбасадорка на САД во Скопје од 2019 година. Минатата недела, Сенатската комисија за надворешни работи имаше сослушување за нејзината номинација, на кое таа најави дека работи „да ѝ помогне на Северна Македонија да развие национална стратегија со која ефективно ќе се бара одговорност од корумпираните актери“, пренесува Гласот на Америка. – САД и Северна Македонија имаат многу заеднички приоритети, вклучувајќи ги борбата против корупцијата, подобрување на владеењето на правото и зајакнување на доброто владеење. Доколку бидам потврдена, ќе ги охрабрам судските реформи и ќе ги повикам институциите на Северна Македонија да промовираат транспарентност во истрагата на наводите за злоупотреба и одлучно да се спротивстават на корупцијата за да ја зајакнат довербата на јавноста во владеењето. Ќе работам со меѓуагенциските партнери за да ѝ помогнам на Северна Македонија да развие национална стратегија која ефективно ќе бара одговорност од корумпираните актери. Доколку бидам потврдена, ќе работам на поддршка на економската иднина на Северна Македонија преку политики за зајакнување на нејзината инвестициска клима, зајакнување на инфраструктурата, подобрување на енергијата, различноста и безбедноста, и на градење отпор на малигни надворешни влијанија, вклучително и од Русија и Кина“, рече тогаш Агелер, истакнувајќи ги приоритетите на најзината работа како нова амбасадорка во Северна Македонија. Агелер, исто така, истакна дека САД ја поддржуваат Северна Македонија во нејзината долготрајна цел за пристапување во ЕУ. – Ние цврсто стоиме зад процесот на проширување на ЕУ затоа што го унапреди демократскиот развој и промовираше мир, стабилност и просперитет на европскиот континент, градејќи посилни стратешки партнери за САД. Северна Македонија ги надмина тешките предизвици и направи тешки избори да направи историски чекори напред на нејзиниот пристапен пат. Доколку бидам потврдена, ќе се надоврзам на овие успеси за да го обезбедам тој пат напред, рече Агелер. Според неа, САД и Северна Македонија треба да продолжат тесно да соработуваат во одговорот на заканите за безбедноста и меѓународниот поредок, по инвазијата на Русија на Украина. – Итноста на овој момент ја нагласува важноста од подлабока политичка, економска, културна, безбедносна соработка и врски меѓу луѓето со Северна Македонија и другите земји од Западен Балкан додека тие работат на остварување на нивните стратешки цели за европска интеграција“, изјави Агелер. Новата амбасадорка на САД во Северна Македонија Анџела Прајс Агелер Агелер претходно има работено на разни функции во Стејт департментот, меѓу кои и во Американската амбасада во Скопје, задолжена за односи со јавност.

Американската амбасадорка се врати во Киев

Дарко Андоновски — Sun, 08 May 2022 18:51:41 +0000

Вршителот на должноста амбасадор на САД во Украина, Кристина Виен и група американски дипломати денеска се вратија во амбасадата во Киев, првпат од 24 февруари, кога започна рускиот напад врз Украина. Американската амбасада во Киев беше затворена кон средината на февруари поради загриженост од руската воена интервенција, потсетува Си-Ен-Ен. Мала група американски дипломати потоа беше префрлена во западниот украински град Лавов, пред да се пресели во Полска и повремено да се враќаше во Украина. Меѓутоа, на 24 февруари САД ги суспендираа дипломатските служби во Лавов, додава Си-Ен-Ен.

Американската амбасадорка во Албанија: Да ја сочуваме смиреноста, очите на целиот свет се вперени кон вас

Тале Кристо — Mon, 26 Apr 2021 17:01:25 +0000

Американската амбасадорка во Тирана, Јури Ким, доцна попладнево упати апел до политичките партии да не брзаат со прогласување победа, пред Централната изборна комисија (ЦИК) да ги соопшти официјаланите резултати од вчерашните парламентарни избори. – Она што е важно е да се има рационален и транспарентен процес во решавањето на ова прашање. Да подвлечам дека очите на целиот свет се вперени кон Албанија. Добра работа е што гледаме дека пребројувачите работат напорно. Гласачите ја завршија својата работа. Властите си ја вршат својата работа. Вашите северни пријатели, вашите западни пријатели, но исто така и вашите пријатели во САД сите бараат да ве направат успешни, рече Ким. Додаде дека должност на кандидатите е да останат смирени и трпеливи и да го чекаат резултатот. -Знам дека во моментниот ентузијазам, некои прогласија победа, но се уште не сме стигнале таму се додека не излезе официјалниот резултат. Да останеме смириме, порача амбасадорката. Претходно идентична порака упати и шефот на делегацијата на ЕУ во Албанија, Луиџи Сореца, повикувајќи ги политичките партии да не избрзуваат и резултатите да ги чекаат смирено. -Додека не се изброи последниот глас, не треба да доаѓаме до заклучоци.Затоа треба да останеме смирени, рече тој, во апелот кој јасно има за цел да избегне тензии во овие моменти кога се очекуваат резултати од преостанатите избирачки места.

Американската амбасадорка во Тирана, позитивна на Ковид-19

Дарко Андоновски — Fri, 12 Feb 2021 14:50:17 +0000

Американската амбасадорка во Тирана, Јури Ким е позитивна на Ковид-19, објави таа на Твитер. Иако не дава детали за симптомите или состојбата, американската дипломатка пишува дека следните денови ќе биде во самоизолација и оти од дома ќе продолжи своите должности. Таа упати апел до сите да внимаваат на здравјето со почитување на мерките за заштита од опасниот вирус. – Пријатели, сакав да ве известам дека имав позитивен резултат на тестот за Ковид-19. Ќе продолжам да работам од дома, каде ќе бидам во самоизолација во следните дена. Ви благодарам за вашите желби и ве молам, бидете внимателни за вашето здравје, напиша амбасадорката Ким. Од 28 минатиот месец позитивен на Ковид-19 е и амбасадорот на Европската унија во Тирана, Луиџи Сореца. Во Албанија по новогодишните и божикните празници бројот на новозаразени е во постојан раст, посебно во овој месец. Официјалната статистика потврдува дека за 11 дена од месецов регистрирани се околу 12.000 новозаразени со тенденција на постојан раст.

Амбасадорката Брнс: Формирањето на влада е во рацете на пратениците, нова влада за справување со корупцијата и неказнивоста на криминалот

Магдалена Андонова — Sat, 01 Aug 2020 14:11:10 +0000

-Новата влада да се формира во предвидените рокови, со цел да се продолжи борбата против здравствената криза со Ковид-19. Во парлементарна систем, премиерското место е работа на парламентарното мнозиство, инаку САД ќе соработува со сите политички парти во земјата за да се продолжи еуро-атланскиот пат на Македонија, изјавил ексклузивно за весникот КОХА, американската амбасадорка во Скопје, Кејт Мари Брнс. Амбасадорката на Соединетите Американски Држави (САД) во Скопје, Кејт Мари Бернс, во ексклузивно интервју за весникот “КОХА”, зборуваше за актуелната политичка состојба во земјата, формирањето на новата Влада, како и за идејата на ДУИ за албанскиот премиер. Таа смета дека со оглед на ситуацијата со здравствената криза со Ковид-19, лидерите на политичките партии треба да ги почитуваат роковите и да ги формираат институциите на земјата што е можно поскоро. -Ние очекуваме партите да се соберат и да ги исполнат роковите. Со оглед на кризата со Ковид-19 и други важни проблеми со кои се соочува земјата, постигнувањето договор за нова Влада што ќе може да ги реши овие проблеми, е приоритет, вели за весникот „КОХА“, амбасадороката Брнс. На прашањето за идејата на ДУИ за прв албански премиер, американската амбасадорка во Скопје Кејт Мари Брнс рече дека плуралистичкиот систем на Македонија овозможува избор на премиер со гласови на мнозинство пратеници, без оглед на етничката припадност. -Зависи од мнозинството во парламентот која ќе го изгласа следната влада. Одредени квалификации на премиерот и неговата или нејзината способност да ја добие поддршката на мнозинството пратеници се, по природа на вашиот парламентарен систем, одлучувачки фактори тука, без оглед на етничката или политичката припадност, рече американската амбасадорка во Скопје. Зборувајќи за приоритетите што треба да ги има следната влада, амбасадорката Кејт Мари Барнс вели дека треба да го искористи моментот. -Новата влада ќе мора да постави свои приоритети. Од наша гледна точка, се надеваме дека таа ќе има за цел да профитираат во моментот кога е овозможено членството во НАТО и напредокот кон ЕУ. Спроведувањето на потребните реформи и решавањето на прашањата на владеењето на правото и корупцијата, вклучително и спроведувањето на правдата со неказнивост, ќе биде клучно за овој процес. Најважно е да не се изгуби моментот, рече Кејт Мари Барнс за весникот „КОХА”. Од американскиот амбасадор во Скопје, весникот „Коха“ побара да го коментира негирањето на резултатите од изборите од страна на Коалицијата Алијанца-Алерантаива. -Опозициската коалиција на албанската заедница Алијанса/Алтернатива се спротивстави на изборните резултати. Каква е вашата проценка за посветеноста на Села за евроатлантскиот аспираци на земјата? – ја прашавме амбасадороката Бернс, која одговори: -Ние ќе работиме со која било странка или партија што има за цел да ја види Македонија да продолжи на својот евро-атлански-пат. Американската амбасада во Скопје соопшти дека досега и помогнала на Македонија со 2,7 милиони американски долари за да се справи со последиците од кризата предизвикана од пандемијата Ковид-19. -САД придонесоа со над 2,7 милиони американски долари за зголемување на националниот одговор за Ковид-19 во Македонија. Американската помош ги поддржа владините напори, вклучително и оние предводени од Министерството за Здравство и Образование и Наука; Државна изборна Комисија; и за спроведување на законот, судските и инспекциските органи. Ние, исто така, поддржувавме иницијативи на приватниот сектор, како што се оние предводени од микрофинансиски институции, како и оние предводени од граѓански организации, вклучително и националните и локалните поглавја на Црвениот крст, истакна Брнс во интервју за Коха.

ФОТО: Мицкоски ја оствари првата официјална средба со новата американската амбасадорка Кејт Мери Брнс

Дарко Андоновски — Wed, 17 Jul 2019 18:17:12 +0000

Претседателот на ВМРО-ДПМНЕ, Христијан Мицкоски ја оствари првата официјална средба со новата американската амбасадорка Кејт Мери Брнс. Мицкоски и посака добредојде на Амбасадорката и изрази надеж дека соработката во текот на нејзиниот мандат ќе биде во насока на подобрување ба стратешките односи помеѓу Република Македонија и САД. Мицкоски нагласи дека за ВМРО-ДПМНЕ пријателството помеѓу Република Македонија и САД е од особено значење. Лидерот на ВМРО-ДПМНЕ посочи дека за партијата клучен стратешки интерес е членство на Република Македонија во НАТО и ЕУ.