американска база – Kurir.mk

Проектили испукани врз американска база во Сирија

Магдалена Андонова — Sat, 26 Nov 2022 10:01:51 +0000

Два проектила беа испукани врз американска патролна база во североисточна Сирија, но нема повредени или оштетувања на базата, соопшти американската војска. Американската војска додаде дека Сириските демократски сили поддржани од Вашингтон го посетиле местото од кое биле истрелани проектилите и пронашле трета, неиспукана ракета. Базата се наоѓа во Аш Шадади. (МИА)

Фијала: Американска база во Чешка е убава, но нереална идеја

Тале Кристо — Tue, 12 Apr 2022 10:25:13 +0000

Одлуката на чешката министерка за одбрана, Јана Чернохова, кон средината на април во Вашингтон да ги почне преговорите за американското воено присуство и воена база во Чешка наиде на незаинтересираност на САД, а чешкиот премиер Петр Фијала денеска изјави дека владата тоа не го разгледува затоа што можеби е убава, но засега е нереална идеја. -Тоа секако е убава тема. Се чувствувам добро кога ја слушам, но тоа е навистина само убава желба. Не е на дневен ред. Нема вистински разговори за тоа, изјави чешкиот премиер за онлајн дневниот весник Aktualne.cz. Со оглед на масовното одбивање на Чешка меѓу 2007 и 2009 година во земјата да дозволи распоредување на барем радар оф американскиот противракетен штит, што беше проследено со масовни протести, затоа што Чесите по искуството од советската инвазија и окупација во 1968 година, веќе не сакаа странски бази на нивна територија, Фијала денеска призна дека тоа, сепак, е многу чувствително прашање. Лидерот на најсилната опозициска партија АНО, поранешниот премиер Андреј Бабиш, се спротивстави на секоја американска база без референдум и нагласи дека тоа е непотребно. -Не го поддржуваме тоа затоа што изгледа непотребно. НАТО во моментов формира одбранбени системи и заеднички сојузнички единици, таканаречени борбени групи, на источното крило. Зошто тогаш да отвориме некои бази во нашата земја кога учествуваме во формирањето на овие групи, рече Андреј. Според Бабиш, присуството на американски војници во Чешка е премногу чувствителна тема за која би било неопходно да се распише референдум. Според неофицијални извори на чешкиот весник „Право“, министерката Чернохова „се затрчала“ со најавата и ја изненадила американската администрација на претседателот Џозеф Бајден, која не размислува за никаква база во Чешка бидејќи користи две бази во Словачка, земја на граница со Украина.

Пет ракети погодија американска база во Авганистан

Ивона Петрова — Thu, 09 Apr 2020 08:22:54 +0000

Пет ракети утрово погодија американска база во Авганистан, соопштија двајца претставници на американските сили. Во нападот, за кој одговорноста ја презеде терористичката Исламска држава, нема жртви. – Пет ракети се истрелани на базата Баграм ова утро, соопшти претставникот на мисијата „Одлучна поддршка“ во Авганистан. нападот се случи откако авганистанската Влада ги ослободи талибанските затвореници од затворот близу Баграм, како дел од мировниот договор склучен со САД.

ВИДЕО: Објавени први снимки од нападот на американските бази во Ирак

Ивона Петрова — Wed, 08 Jan 2020 08:19:09 +0000

Иранската државна телевизија објави видео снимка за која тврди дека е балистичкиот ракетен напад на американски воени бази во Ирак, пренесува Гардијан. Иран испали над 20 балистички проектили кон две воени бази во Ирак во кои се наоѓаат американски војници, а Иранслата револуционерка гарда која превзема одговорност за нападот, наведува дека истите се одмазда за убиството на Касим Сулејмани. Според првичните информации од Иран, во нападите настрадале 80 лица. Во текот на денот се очекува обраќање на американскиот претседател Доналд Трамп, кој ја следи состојбата.

#Iran attack: #US troops targeted with #BallisticMissiles #IranvsUSA #IranAttacks #Iraq #Trump #Erbil #Dubai #USAVSIRAN #USvsIran #USIranCrisis #IranVsUS #IranUsa #Iranattack pic.twitter.com/pMaItMWsHR
— S. Imran Ali Hashmi (@syedimranhashmi) January 8, 2020

Вежба предизвика лажна узбуна во американската база Рајт-Петерсон

Дарко Андоновски — Fri, 03 Aug 2018 06:12:42 +0000

Базата на американските воздухопловни сили Рајт-Петерсон соопшти дека наводниот инцидент во нејзината болница, поради кој интервенираа безбедносните и противпожарните сили, всушност бил лажна узбуна и оти персоналот на базата е безбеден. До наводниот инцидент дошло за време на планирана вежба која опфатила сценарио со активен напаѓач кој пука, соопшти базата на Твитер. - Непознато лице се јавило на бројот 911 (за итни случаи) мислејќи дека станува збор за вистински напаѓач во болницата на базата. Како резултат на тоа, безбедносните сили одговориле на лице место и почнале систематска евакуација на целата болница, стои во соопштението. Во обид да отвори заклучена врата, еден припадник на безбедносните сили употребил огнено оружје. Болницата потоа била прогласена за безбедна, а на персоналот му било наложено извесно време да ја избегнува таа зона. Претходно базата соопшти дека во нејзината болница, во 12.40 часот по локално време, се случил „наводен инцидент“ и оти безбедносните и противпожарните сили одговориле на инцидентот.

Полска нуди две милијарди долари за постојана американска база

Дарко Андоновски — Mon, 28 May 2018 11:11:33 +0000

Полска сака постојана американска база на своја територија и подготвена е да плати две милијарди долари за тоа да го оствари, пишува полскиот портал „Онет“, кој имал увид во тој предлог на полското Министрерство за одбрана. Полското Министерство потврди дека таков предлог е испратен до Вашингтон без консултации со Министерството за надворешни работи, како и без знаење на претседателот Анджеј Дуда, кој воедно е и врховен командант на земјата, пренесува портаолот „Политико“. Порталот оценува дека понудата е одраз на долгогодишната желба на Варшава за изградба на потесна безбедносна соработка со САД, која се зголеми по руското припојување на Крим пред четири години и ставот на Русија кон Алијансата.