американски државјанин – Kurir.mk

Поднесена кривична пријава против американски државјанин кој подметнал пожар во Крани

Магдалена Андонова — Fri, 22 Jul 2022 11:38:17 +0000

Секторот за внатрешни работи Битола – Надворешната канцеларија за криминалистички работи Ресен до Основното јавно обвинителство Ресен поднесе кривична пријава против М.С.(68) од САД, со привремен престој во с.Крани, ресенско, поради постоење на основи на сомнение за сторено кривично дело „предизвикување на општа опасност“ казниво по член 288 од Кривичниот законик. Пријавениот, на 19.07.2022 во неговата нива на место викано „Барик” во атарот на с.Крани го запалил стрништето, при што пожарот се проширил и зафатил сува трева и овоштарници во соседните ниви. Пожарот бил изгаснат од екипа на Територијалната противпожарна единица Ресен.

Американски државјанин осомничен од Русите за шпионажа во Украина префрлен во Полска

Тале Кристо — Wed, 11 May 2022 08:44:39 +0000

Американскиот државјанин Кирило Александров, кој беше приведен од руските сили во Украина поради сомневања за шпионажа, евакуиран е во Полска, заедно со два члена на неговото семејство, соопшти денеска приватната волонтерска група „Проџект Дајнамо“ што издејствувала нивно ослободување. Александров (27) заедно со сопругата и нејзината мајка, се последните од 600-те лица ослободени преку такви посреднички мисии реализирани од „Проџект Дајнамо“, групата од Флорида формирана минатата година за спасување на Американци и други лица од Авганистан. Александров, роден во Мичиген и преселен во Украина, кон крајот на март бил уапсен во близина на Херсон, при обид заедно со неговите блиски да го напуштат регонот после офанзивата на руските сили во јужна Украина. Според соопштението од групата, руските сили го држеле Александров заради наводни шпиунски активности во корист на американските власти, за кои од групата се посочува дека се измислица. Американецот со украинско потекло бил испрашуван и преодреден за префрлање во Москва, каде би одговарал за пропагандни активности, се посочува во соопштението на „Проџект Дајнамо“. Деталите за настанот се уште не се потврдени од американските власти, а руската Амбасада во Вашингтон се уште не одговорила на барањата за коментар.

Згасна животот на 22-годишен Американец кој се борел за Украина

Магдалена Андонова — Fri, 29 Apr 2022 17:27:35 +0000

Голема трагедија го потресе светот. 22-годишен американски државјанин Вили Џозеф Кансел е убиен во војната во Украина. Тој се борел од страната на Украина. Американскиот државјанин претходно работел во приватна компанија, а во Украина заминал како дел од својата работа. Компанијата го испратила во Украина, а тој земал плата додека се борел таму, изјавила за Си-Ен-Ен мајката на Кансел, Ребека Кабрера. Започнал да работи во компанијата непосредно пред избувнувањето на војната во Украина. Кога започнала војната, компанијата барала луѓе да одат во Украина и тој се пријавил. - Тој сакаше да замине затоа што веруваше во она за што се бореше Украина и сакаше да се задржи таму и дека нашите американски војници нема да бидат вклучени во таа војна, изјавила Кабрера за Си-Ен-Ен. . Таа додаде дека тој пристигнал во Украина на 12 или 13 март. Додава дека неговото тело се уште не е пронајдено, туку само добила известување за неговата смрт. - Не го нашле телото. Се обиделе луѓето кои биле со него, рекла мајката и додала дека тоа било премногу опасно.