американски конгресмени – Kurir.mk

Aмерикански конгресмени заразени со новиот коронавирус

Тале Кристо — Thu, 19 Mar 2020 11:12:48 +0000

Марио Дијаз-Балар и Бен Мекадамс се првите членови на американскиот Конгрес, кои се позитивни на новиот коронавирус. Тие изјавија дека се во самоизолација и добро се чувствуваат, но ја предупредија јавноста сериозно да ја сфатат болеста. Во САД досега регистрани се 9,464 инфицирани лица, а 155 починаа.

Трамп писмено го извести Конгресот за својата одлука да ја нападне Сирија

Дарко Андоновски — Mon, 16 Apr 2018 06:22:10 +0000

Американскиот претседател Доналд Трамп писмено го извести Конгресот за одлуката за американските ракетни напади врз Сирија. Според американски закони, претседателот е должен да го извести Конгресот во рок од 48 часа за такви акции. Во писмо испратено вчера до лидерите на Конгресот, Трамп нагласува дека спроведувањето на воената акција е одговор на користењето хемиско оружје од страна на сириската Влада, вклучително и нападот од 7 април во градот Дума кој предизвикал многу цивилни жртви. Американскиот претседател наведува дека дејствувал согласно уставните овластувања во интерес на националната безбедност и надворешната политика на САД со цел „стабилност во регионот, запирање на крвопролевањето и спречување на ширење хемиско оружје, како и спречување на хуманитарната катастрофа во регионот“. МИА

Страшни фотографии: Воз со американски конгресмени удри во камион, едно лице загина

Ивона Петрова — Wed, 31 Jan 2018 18:17:59 +0000

Едно лице загина денеска кога воз со кој се превезуваа републикански конгресмени од Вашингтон кон Западна Вирџинија удри во камион за ѓубре. Белата куќа го потврди инцидентот. - Претседателот Доналд Трамп е информиран за ситуацијата во Вирџинија. Имаме потврда дека едно лице смртно настрадало, а едно е сериозно повредено. Нема посериозно повредени меѓу членовите на Конгресот или меѓу нивниот персонал, се наведува, меѓу другото, во соопштението од Белата куќа. Во возот се наоѓал и претседателот на Конгресот Пол Рајан, како и членови на семејствата на конгресмените. Републиканскиот конгресмен Џон Фасо, кој беше во возот, изјави дека го видел камионот кој превезувал ѓубре, со кој се судри возот, и дополни дека ако има повредени, веројатно се луѓе од камионот. - Мислам дека сите во возот се добро, изјави Фасо. - Не знам со сигурност, тоа е долг воз. Но, најголемата загриженост останува за луѓето надвор, истакна конгресменот. Од ударот патниците во возот излетале од нивните седишта, но никој не се повредил посериозно.