американски претседателски избори 2020 – Kurir.mk

Во две мали места во САД заврши гласањето на претседателските избори

Дарко Андоновски — Tue, 03 Nov 2020 10:37:26 +0000

Поранешниот потпретседател и кандидат на демократите на претседателските избори Џо Бајден ги освои сите пет гласа за претседател во Диксвил Ноч, мало гратче во државата Њу Хемпшир по должината на границата меѓу САД и Канада, кое меѓу првите ги објави своите изборни резултати. Гласањето се одржа неколку минути по полноќ и тоа е првото место во кое беа објавени резултатите од гласовите, броени на денот на изборите, пренесува Си-Ен-Ен. Традиционално, сите гласачи се собраа во просторијата за гласање во одморалиштето Балсамс за да гласаат тајно откако гласачките места се отворија кусо време по полноќ. Гласањето во ова место е омилено за новинарите и набљудувачите кои сакаат некакви навестувања за тоа каков ќе биде текот на гласањето. Сепак, гласањето во ова место не е секогаш предвидливо, бидејќи, на пример, во 2016 година, сите гласови ги освои тогашната кандидатка Хилари Клинтон. Избирачките места после полноќ ги отвори и соседен Милсфилд каде Трамп освои повеќе гласови од Бајден, односно освои 16, додека Бајден освои пет гласа.

Блумберг инвестира уште 15 милиони долари во реклами за Бајден

Дарко Андоновски — Tue, 27 Oct 2020 13:59:43 +0000

Американскиот милијардер Мајкл Блумберг планира да потроши околу 15 милиони долари во текот на последната недела од кампањата за да му помогне на кандидатот за претседател на Демократската партија, Џо Бајден, да го победи актуелниот претседател Доналд Трамп во Тексас и Охајо, објави денеска „Њујорк Тајмс“. Поранешниот градоначалник на Њујорк, кој загуби од Бајден во трката за номинација на демократите, вети дека ќе потроши до 100 милиони долари лични пари за поддршка на кампањата на Бајден за изборите на 3 ноември. Весникот наведува дека Блумберг ја гледа Флорида како земја каде што може да го „турне“ Бајден и дека тој се согласил да одвои средства за телевизиски реклами во Тексас и Охајо, откако му беа презентирани резултатите од анкетите според кои Бајден се уште е во трката во тие две држави. „Њујорк Тајмс“ додава дека ќе ја зголеми и рекламната кампања за Бајден на Флорида. Трамп победи на претседателските избори во 2016 година во Таксас и Охајо и верува дека тие две земји се клучни за неговиот реизбор. Актуелниот претседател се сметаше за фаворит во двете земји на почетокот на кампањата, пренесуваат американските медиуми. „Њујорк Тајмс“ наведува дека во ниту една од овие две земји немало посилна рекламна кампања на телевизија, како и во другите земји, „што може да значи дека инвестирањето во реклами во финишот ќе биде ефективно“.

Трамп обезбеди 33 милиони долари за претседателската кампања во 2020 година

Даниел Василев — Mon, 16 Jul 2018 10:26:59 +0000

На банкарската сметка на американскиот претседател Доналд Трамп за кампањата за претседателските избори во САД во 2020 година, веќе се наоѓаат 33 милиони долари, тврди информативниот портал „Политико“. Овие средства, што легнале на сметката на Трамп уште од крајот на јуни, односно две и пол години пред изборите, му даваат на Трамп значителна предност пред кој било друг претседателски кандидат. „Политико“ оценува дека со овие подготовки на Трамп за организрање голема кампања за следните претседателски избори, полза ќе имаат компаниите кои се поврзани со американскиот претседател и со менаџерот на неговиот изборен штаб Бред Парскејл. Во едно неодамнешно интервју за британскиот „Мејл он Сандеј“, Трамп најави дека планира да се кандидира за реизбор во 2020 година. - Целосно го планирам тоа. Изгледа дека сите сакаат да го сторам тоа, изјави републиканецот Трамп во интервјуто, додавајќи дека засега „не гледа никого од Демократската партија кој би можел да го победи во 2020 години“. МИА

Демократите во САД ќе избираат кандидат за претседател на државата во јули 2020 година

Даниел Василев — Sat, 16 Jun 2018 07:20:16 +0000

Демократската партија на САД го закажа за средината на јули 2020 година партиски конгрерс на кој ќе се номинира кандидат за претседателските избори во таа година. Претседателот на Демократскиот национален комитет Том Перес објави дека конгресот ќе се одржи од 13 до 16 јули 2020 година. Се очекуваат околу 20 кандиати за партиската номинација. Перес додаде дека се ангажира процедурата за номирање партиски кандидат да биде најтранспарентна досега. МИА