американски претседателски избори – Kurir.mk

Во САД досега гласаа над 90 милиони лица за избор на претседател

Дарко Андоновски — Sun, 01 Nov 2020 11:10:03 +0000

Додека претседателот Доналд Трамп и неговиот ривал во трката за Белата куќа, демократот Џо Бајден влегоа во финишот на изборната кампања, рекордни 90 милиони Американци веќе гласаа за претседател на САД. Досега, можноста за рано гласање ја искористија 65 отсто од вкупниот број гласачи кои излегоа на изборите во 2016 година, а таквата голема излезност пред самите избори го потврдува големиот интерес на Американците за овие избори. Покрај тоа, стравот од ширење на коронавирусот, исто така, придонесе за голем број граѓани да одлучат да гласаат по пошта или на избирачките места со цел да избегнат гужви на денот на изборите, 3 ноември. Најновото истражување покажува дека Трамп насекаде заостанува зад Бајден, освен во сојузните држави што носат голем број електорски гласови. Официјални лица во голем број американски држави објавија дека пребројувањето на гласовите добиени за време на предвременото гласање може да трае со денови по изборите на 3 ноември.

Трамп: Лажна вест е дека снемувам пари за претседателската кампања

Дарко Андоновски — Tue, 13 Oct 2020 11:45:52 +0000

Претседателот на САД Доналд Трамп денеска демантираше дека останал без пари за кампањата пред изборите закажани за 3 ноември. Трамп на Твитер напиша дека постојано чита лажни вести. „Се пишуваат разни лаги за мене, дека немам пари за кампањата“, напиша Трамп, наведувајќи дека „дури и сето тоа да беше вистина, јас би ги користел своите пари за кампањата, убеден дека ќе бидам реизбран на 3 ноември“. „Дури, имаме толку многу пари што е многу поголема сума отколку на претходните избори, а сепак, потрошивме значително помалку пари од расипаната Хилари (Клинтон). И покрај сè, лесно победивме”, напиша Трамп.

Американка доби пет години затвор за гласање за време на условна казна

Даниел Василев — Mon, 02 Apr 2018 12:46:42 +0000

Жена во Тексас е осудена на пет години затвор поради обид да гласа на претседателските избори во 2016 година, кога извршувала условна казна, јавува Гардијан. Кристал Мејсон, 43, ќе поднесе жалба на казната, сооопшти нејзиниот адвокат. Пресудата беше изречена и покрај фактот што гласот на Мејсон не бил сметан. За времето на изборите во 2016 година Мејсон беше на условна казна, откако одлежала речиси три години од петгодишната затворска казна за измама. Таа во 2011. година била обвинета за затајување на данок откако незаконски ги „надувувала“ наплатите на клиентите. Мејсон морала да врати 4,2 милиони американски. Таа во судот кажа дека не знаела оти луѓето што се осудени за кривични дела не можат да гласаат додека не ги завршат своите казни. Мејсон сведочеше дека кога гласала во ноември 2016 година, таа потпишала привремена изјава за избирачко ливче во која се вели дека не била осудена за кривично дело. Обвинителите рекоа дека таа го потпишала формуларот со намера да гласа нелегално.