американски војници – Kurir.mk

Пентагон планира да распореди 2.000 американски војници во Израел

Тале Кристо — Tue, 17 Oct 2023 06:34:07 +0000

Пентагон планира да распореди околу 2.000 војници за поддршка на Израел во неговата војна против Хамас, објави „Волстрит џурнл“ повикувајќи се на неименувани американски претставници. Американските војници нема да учествуваат во борбени мисии туку ќе имаат советодавна улога или ќе учествуваат во мисии за медицинска поддршка. Весникот посочува дека не е предвидено распоредување на пешадија.

Американски и француски војници учествуваат во НАТО-вежба во Романија

Тале Кристо — Thu, 09 Feb 2023 14:17:51 +0000

Американските и француските војници кои се дел од борбената група на НАТО во Романија денеска ќе одржат воена вежба за тестирање на одбранбениот капацитет на источното крило на Алијансата, а со оглед на тоа дека се приближува првата годишнина од руската инвазија на Украина Во заедничката борбена вежба на полигонот Капу Мидија на брегот на Црното Море, именувана како „Eagle Royal 23“, учествуваат околу 350 војници од мултинационалната борбена група, кои ќе вежбаат пукање со боева муниција. Романското Министерство за одбрана рече дека целта на вежбите, кои се одржуваат од 2 до 10 февруари, е да се тестира „интероперабилноста на артилериските системи на НАТО“ во фиктивно сценарио за колективна одбрана согласно член 5 во југоисточниот дел од територијата на Алијансата. Членот 5 е клучен елемент во основачкиот договор на НАТО. Клаузулата бара секоја членка на алијансата да му помогне на кој било сојузник што бара поддршка. Повикувањето на член 5 е употребено само еднаш: од САД по терористичките напади на 11 септември 2001 година.

Првите американски војници пристигнаа во Летонија за да го зајакнат источното крило на НАТО

Тале Кристо — Thu, 24 Feb 2022 14:41:15 +0000

Првите американски војници распоредени заради зајакнување на источното крило на НАТО пристигнаа во Летонија, јави ДПА. Четириесетина американски војници пристигнаа во Летонија од Италија рано изутринава, што е првата група од, како што се очекува, распоредување на повеќе од 300 војници, соопшти летонското Министерство за одбрана. Војниците, кои ќе бидат сместени во воената база Адази, во непосредна близина на летонскиот главен град Рига, пристигнале нешто по полноќ по локално време, пред да започнат непријателствата во Украина, се додава во соопштението. Американскиот претседател Џо Бајден во вторникот најави прераспределување на војниците во Европа. Според американски официјален претставник, кој побарал да остане неименуван, тоа подразбира испраќање на 800 пешадиски војници во балтичкиот регион и до осум борбени авиони Ф-35 на неколку оперативни локации долж источното крило на НАТО.

Тајванската претседателка потврди дека американски војници ги обучуваат тајванските

Тале Кристо — Thu, 28 Oct 2021 06:55:17 +0000

Мал број американски војници во Тајван обучуваат тајвански војници, изјави претседателката Цаи Инг-вен во интервју за Си-Ен-Ен, потврдувајќи го присуството на американските сили на островот со сопствена самоуправа што Кина ја смета за своја. Напнатоста меѓу Тајван и Кина, која не ја отфрли можноста за насилно преземање на островот, ескалираше во последните неколку недели бидејќи Пекинг го засили воениот и политичкиот притисок. -Имаме широк опсег на соработка со Соединетите Американски Држави за зајакнување на нашите одбранбени способности, рече Цаи во интервјуто објавено денеска. На прашањето колку американски војници се распоредени во Тајван, таа одговори дека „нема толку многу колку што мислат луѓето“. Потврдата е изречена додека Кина значително го зголеми воениот притисок врз Тајван, вклучително и мисиите на кинеските борбени авиони во зоната за идентификација на воздушната одбрана на Тајван. Иако неколку тајвански и меѓународни медиуми претходно објавија за таква обука со американските сили, официјалната потврда може дополнително да ги влоши односите меѓу САД и Кина во време кога Пекинг спроведува воени вежби заедно со Тајван. Запрашан за коментарот на тајванската претседателка, тајванскиот министер за одбрана Чиу Куо-ченг изјави дека тајванско-американските воени интеракции „биле чести“ и траат долго време. – За време на овие размени, може да се разговара за која било тема, рече тој.

Пентагон соопшти колку американски војници починале од Ковид-19

Ивона Петрова — Sat, 23 Oct 2021 08:09:10 +0000

Бројот на американски војници кои починале од компликации предизвикани од Ковид-19 достигна 70, пишува американскиот весник Милитари тајмс. Изданието нагласува дека во последните денови во вооружените сили на САД, како и во целата земја, постои тенденција да се намали смртноста од последиците од инфекцијата со коронавирус по нејзиниот нагло зголемување во крајот на јули, по што оваа бројка во вооружените сили е повеќе од двојно зголемена во споредба со целиот претходен период од почетокот на пандемијата. Така, од 13 до 20 октомври (најнови податоци), тројца војници починале од Ковид -19, што е најнискиот неделен број од август, а за октомври – 11 смртни случаи поради таа причина. Според весникот, американската армија регистрирала вкупно 248.865 случаи на заразени со Ковид-19, од 13 до 20 октомври – 1.282, а во претходната недела – 863. Додека во август оваа неделна бројка во просек изнесувала над 4 илјади случаи на заразени. Од септември почна постепено да се намалува. Според портпаролот на Пентагон, мајорот Чарли Диц, само еден од војниците кои починале од Ковид-19 бил делумно вакциниран против оваа болест. „Ниту еден од војниците што починаа од Ковид-19 не беше целосно вакциниран“, изјави тој за изданието. Бројот на американски војници кои одбиваат да се вакцинираат моментов не надминува неколку стотици. Досега, според „Милитари тајмс“, помалку од 10 отсто од воениот персонал не се вакцинирани против Ковид-19. Тие мора да се вакцинираат до ноември-декември или може да бидат казнети, па дури и отпуштени. На 24 август, американскиот секретар за одбрана Лојд Остин нареди задолжителна вакцинација против Ковид-19 во вооружените сили на САД.

Пентагон: 13 загинати и 18 повредени американски војници во нападите во Кабул

Ивона Петрова — Fri, 27 Aug 2021 06:25:26 +0000

Во вчерашните два самоубиствени напада врз влезовите на кабулскиот аеродром загинаа 13 американски војници, а 18 се повредени, соопшти Пентагон. Американскиот претседател Џо Бајден синоќа изјави дека САД ќе ги фати одговорните за двата самоубиствени напади и ќе платат за тоа. Тој во обраќањето до нацијата истакна дека од Пентагон побарал да подготви план за одговор за нападите на исламските милитанти. – Нема да простиме, нема да заборавиме. Ќе ве фатиме и ќе ве натераме да платите, истакна Бајден.

Пентагон: Неколку американски војници загинаа во нападот во Кабул

Магдалена Андонова — Thu, 26 Aug 2021 18:05:24 +0000

Според американската влада, неколку американски војници загинале во нападот пред аеродромот во Кабул, соопшти вечерва портпаролот на Министерството за одбрана на САД, Џон Кирби. Кирби не даде точен број на жртви. Неколку американски војници беа повредени, рече тој, а во нападот загинаа и неколку Авганистанци. Според некои светски медиуми, во нападот загинале четворица американски маринци, а тројца се повредени. (МИА)

Американските војници на аеродромот во Кабул убиле две вооружени лица

Тале Кристо — Mon, 16 Aug 2021 17:37:50 +0000

Американските сили што го штитат аеродромот во Кабул убиле две вооружени лица, изјави денеска неименуван американски претставник. Британскикте медиуми пренесуават дека претставници на американската војска претходно денеска соопштија дека седум лица загинале во хаосот на аеродромот во Кабул, меѓу кои имало и луѓе кои паднале од американски воен транспортен авион. Авганистанците побрзаа на аеродромот во Кабул додека ги фати паника обидувајќи се да ја напуштат земјата поради талибанците, а некои се качија на американски воен авион пред полетување.

Политико: Темелна истрага за мистериозните симптоми на американските војници во Сирија

Тале Кристо — Fri, 23 Apr 2021 11:40:23 +0000

Функционери на американскиот Пентагон ги информираа клучните групи конгресмени за информациите дека Русија стои зад минатогодишните напади во кои беа повредени Американци, пренесе порталот Политико. Според порталот, нападите биле извршени со тајно оружје и „се верува дека зад нив стои Русија“. Меѓу тие напади, за кои постои сомнеж, се и повредите здобиени од американските војници во Сирија. Истрагата, исто така, го вклучува и инцидентот што се случи ланската есен кога неколку војници развија симптоми слични на грип. Политико посочува дека портпаролот на Пентагон одби да ги коментира овие извештаи и брифингот со членовите на Конгресот. Тој кажа дека Министерството за одбрана не е запознаено со нападите со насочена енергија врз американските сили во Сирија. Оваа истрага е дел од пообемната истрага за мистериозните симптоми на кои се жалат некои американски официјални лица во странство. Ваквите симптоми почнаа да се појавуваат уште во 2016 година, кога вработените во американската Амбасада во Хавана се пожалија на акутно зуење и притисок во ушите, губење на слухот и рамнотежата, замор и главоболки. Мистериозната болест меѓу американските дипломати во Куба стана позната како „синдромот Хавана“.

Талибанците се закануваат со насилство доколку странските војници не заминат од Авганистан

Тале Кристо — Fri, 26 Mar 2021 17:33:40 +0000

Доколку странските војски не го напуштат Авганистан до 1 мај, талибанците се заканија дека ќе го обноват непријателството. Оваа закана на талибанските бунтовници следува по неодамнешната изјава на американскиот претседател Џо Бајден дека ќе биде „тешко американските сили да се повлечат од Авганистан во договорениот рок“. Во меѓувреме, германските парламентарци им одобрија на своите воени трупи да останат во Авганистан до 31 јануари 2022 година. Талибанците порачаа дека доколку странските војници не се повлечат од Авганистан до 1 мај ќе бидат „принудени да го продолжат џихадот и оружената борба со цел да ја ослободат земјата од странските трупи“. Тие порачаа дека „одговорноста за продолжување на рокот за заминување на странските трупи ќе претставува товар за оние кои го прекршиле договорот“.