американски војник – Kurir.mk

Северна Кореја потврди дека привела американски војник

Дарко Андоновски — Thu, 03 Aug 2023 08:06:23 +0000

Северна Кореја потврди дека го привела американскиот војник Тревис Кинг (23) во првиот одговор на барањата за информации за неговото место на живеење, соопшти командата на Обединетите нации (ОН). Командата на ОН одби да елаборира за одговорот за да не се меша во нивните напори да го вратат дома. Како што пренесува Слободна Европа, во одговорот се посочува дека Пјонгјанг можеби е подготвен да започне преговори. Командата на ОН, која ја надгледува демилитаризираната зона, бараше информации за Кинг користејќи ја својата директна телефонска линија со војската на Северна Кореја во Заедничката безбедносна зона. Севернокорејците претходно го прифатија барањето, но ова е првпат да одговорат, потврдувајќи дека американски војник е во нивен притвор. Кинг ја преминал границата од Јужна Кореја на 18 јули додека бил на турнеја со водич, а претходно отслужил два месеца во јужнокорејски затвор под обвинение за напад. Тој требаше да лета назад во САД за да се соочи со дисциплинска постапка, но успеа да го напушти аеродромот и да се придружи на турнејата низ демилитаризираната зона.

УЖАС: Петмина мртви, од кои три деца, во напад во дом на американски војник

Ивана Ефремовски — Wed, 22 Mar 2023 17:49:51 +0000

Поранешен војник застрела и уби активен припадник на американската војска и три деца во дом во Јужна Каролина пред да се застрела, соопштија денеска официјални лица. Двајца американски официјални лица потврдија дека станува збор за воени лица. Полицијата соопшти дека се пронајдени телата на три деца и двајца мажи, а се претпоставува дека едниот од нив е убиецот. Истрагата е во тек, а неофицијално има сведоци кои раскажале што се случило. Идентитетот на жртвите не е соопштен. (МИА)

Талибанци: Нема нова авганистанска влада додека не се повлече и последниот американски војник

Тале Кристо — Mon, 23 Aug 2021 18:00:08 +0000

Талибанците нема да го соопштат составот на нивната влада се додека САД не го завршат повлекувањето на своите војници, изјавија двајца извори од движењето за АФП, пренесува БГНЕС. – Одлучено е формирањето на владата и кабинетот да не се објавуваат се додека е присутен и еден единствен американски во Авганистан, изјавил извор од талибанското движење, што потоа било потврдено и од друг извор.

Американски војник го загуби животот во камп на Косово

Тале Кристо — Tue, 07 Jul 2020 06:28:22 +0000

Американскиот Секретаријат за одбрана објави дека 20-годишен припадник на американската армија, кој служел во мировната мисија во Косово, го загубил животот. Според извештајот, војник од Виламина во сојузната држава Орегон настрадал на 4 јули во кампот Ново Село, во инцидент што не бил дел од вооружена акција. Секретаријатот за одбрана соопшти дека инцидентот се истражува, но не објави детали за смртта на припадникот на Националната гарда на Орегон, чија единица пристигнала во Косово во почетокот на март годинава. Во моментов, помалку од 4.000 војници, од кои околу 640 се од САД, служат во Косово, во мисија предводена од НАТО.

Американски војник обвинет за планирање терористички напад против својата единица

Магдалена Андонова — Tue, 23 Jun 2020 14:24:52 +0000

Војникот Итан Мелцер, 22-годишен припадник на американската војска, е обвинет за терористички активности, откако беше откриено дека планирал напад од заседа, а цел била воена единица во која и самиот служел. Тој е обвинет за испраќање чувствителни информации за својата единица во организација наречена Ред на девет ангели, која Министерството за правда на САД ја опиша како окултна, неонацистичка и расистичка група на насилни екстремисти. Според Би-Би-Си, Мелцер планирал тие информации да бидат проследени на на џихадистите, кои потоа, на тлото на странска земја, би ја нападнале единицата. Меѓутоа, намерите на Мелцер биле спречени од страна на американската војска и Федералното биро за истраги кон крајот на минатиот месец, а неговото апсење дојде на 10 јуни. (МИА)

Талибанците објавија дека убиле американски војник во Авганистан

Ивона Петрова — Tue, 24 Dec 2019 07:06:32 +0000

Талибанците објавија дека нивните војници во Авганистан убиле припадник на американската војска и приложиле докази за идентитетот на убиениот војник. Американското Министерство за одбрана соопшти дека Мајкл Гобл, американски наредник на САД од Њу Џерси, починал во понеделникот од повредени здобиени додека неговите единици учествувале во борбени операции еден ден порано во провинцијата Кундуз. Инцидентот се истражува, соопшти Пентагон. Во пораката во која имало фотографии, портпаролот на талибанците, Забихулах Муџахид изјави дека тие убиле припадник на американските сили во експлозија во северната провинција Кундуз. Речиси 20.000 странски трупи, претежно американски војници, се стационирани во Авганистан, како дел од мисијата на НАТО предводена од САД за обука, помош и советување на авганистанските сили, а дел од американските сили спроведуваат антитерористички операции против вооружени групи. Во Авганистан, десетици припадници на странски сили беа убиени во 2019 година.