американско оружје – Kurir.mk

Кина е категорично против продажбата на американско оружје за Тајван

Тале Кристо — Wed, 05 Jul 2023 05:46:35 +0000

Кина категорично се спротивставува на продажба на оружје од САД за Тајван и упати остри предупредувања на кон Вашингтон, соопшти кинеското Министерство за одбрана, пренесуваат британските медиуми. -САД ги игнорираат главните стравувања на Кина, со сила се мешаат во внатрешните работи на Кина и намерно ги зголемуваат тензиите во Тајванскиот теснец, изјави портпаролот на војската на Пекинг. Американскиот Стејт департмент ја одобри потенцијалната продажба на муниција и логистичка поддршка за две одделни зделки, вредни 440 милиони долари, а минатата недела соопшти Пентагон.

Извозот на американско оружје е зголемен за 49 отсто во фискалната 2022 година

Ивона Петрова — Wed, 25 Jan 2023 21:13:21 +0000

Продажбата на американско воено оружје на странски влади се зголеми за 49 отсто на 205,6 милијарди долари во фискалната 2022 година, објави денеска американскиот Стејт департмент. Меѓу одобрените продажби во годината беа продажбата на борбени авиони Ф-15ИД во вредност од 13,9 милијарди долари на Индонезија, продажба на повеќенаменски борбени бродови на Грција во вредност од 6,9 милијарди долари и продажба на тенкови М1А2 на Полска, со вредност од шест милијарди долари. Џенерал Дајнамикс Корп (General Dynamics Corp) произведува тенкови Абрамс, Боинг произведува авиони Ф-15, а Локхед Мартин Корп (Lockheed Martin Corp) бродови. Имаше две други големи набавки на оружје од страна на странски влади од американски компании: директна комерцијална продажба за која се преговарало меѓу влада и соодветната компанија, и продажба на странска војска во која странската влада обично контактира со претставник на Министерството за одбрана во американската амбасада во нејзиниот главен град. И за двете е потребно одобрение од американската влада. Директната воена продажба на американските компании порасна за 48,6 отсто на 153,7 милијарди долари во фискалната 2022 година од 103 милијарди долари во фискалната 2021 година, додека продажбата договорена преку американската влада се зголеми за 49,1 отсто на 51,9 милијарди долари во 2022 година. Продажбата на американската воена опрема во претходната фискална година изнесуваше вкупно 138 милијарди долари.

Кремљ: Новите испораки на американско оружје за Киев ќе го интензивираат конфликтот

Тале Кристо — Wed, 21 Dec 2022 10:57:09 +0000

Кремљ денеска оцени дека новите испораки на американско оружје за Украина само ќе го „интензивираат“ конфликтот со Русија. – Сето ова секако води кон ескалација на конфликтот и не е добро за Украина, изјави портпаролот на рускиот претседател Дмитриј Песков. Тој рече и дека не очекува Зеленски по посетата на САД да го смени ставот во врска со можните преговори со рускиот претседател Владимир Путин. Зеленски потврди дека е на пат за САД.

– На пат кон САД да ја зајакнеме отпорноста и одбранбените капацитети на Украина, напиша Зеленски на Твитер. Тој најави дека со американскиот претседател Џозеф Бајден ќе разговара за соработката меѓу Украина и САД. Тој изјави и дека ќе се обрати пред американскиот Конгрес. Белата куќа претходно соопшти дека Зеленски ќе се сретне со Бајден, како и дека американскиот претседател ќе објави „значајна“ нова помош за Украина. Според претходната изјава на висок американски функционер, во таа помош треба да биде вклучен и ракетниот одбранбен систем Патриот.

Украина нема намера да користи американско оружје за напад врз Русија

Магдалена Андонова — Fri, 03 Jun 2022 09:12:41 +0000

Советникот на украинскиот претседател Михаил Подољак на Твитер напиша дека Украина нема намера да користи американско оружје за напад на руска територија и додаде дека Русија по тоа прашање изнесува лажни обвинувања. - Денес задача број еден на Русија е да ја поткопа довербата меѓу Украина и САД. Нашите партнери знаат каде се користи нивното оружје, напиша Подољак на Твитер, пренесува Гардијан. Украина води одбранбена војна и не планира да користи системи за лансирање ракети.

Извозот на американско оружје зголемен за 13 проценти

Ивона Петрова — Fri, 09 Nov 2018 11:06:28 +0000

Продажбата на американско оружје во странство во текот на минатата фискална година, од 1 октомври 2017 до 30 септември 2018, е зголемeна за 13 проценти на годишно ниво, на вкупно 182,3 милијарди долари, соопшти Стејт департментот. Најголеми извозници на американско оружје, кое вклучува бродови, тенкови, авиони, ракети и други производи на воената индустрија, се компаниите „Боинг“, „Локид Мартин“, „Рејтoн“, „Џенерал Дајнамикс“, и „Нортроп Груман“. Според Стејт департментот, растот се должи на кампањата што во април годинава ја промовираше Администрацијата во Вашингтон под назив „Купувајте американско“, во чии рамки беа укинати рестрикциите при продажбата на оружје и американските претсетавници беа поттикнати да се ангажираат во склучувањето договори за продажба на производи од воената индустрија на САД. Американскиот претседател Доналд Трамп се залага за зголемување на извозот на воена опрема и покрај забелешките на приврзаниците на контролата на оружјето и организациите за заштита на човековите права. Постојат два основни начини странските држави да купуваат оружје од американските компании – преку директен договор меѓу соодветната влада и компанијата производител или преку продажба на оружје на странски вооружени сили врз основа на договор склучен со Пентагон. Директната продажба на американско оружје на странски влади во посочената фискална година е зголемено за 6,6 проценти од 128,1 милијарди на 135,5 милијарди долари. Во исто време, продажбата на оружје на странски армии преку договори склучени со Пентагон е зголемена за 33 проценти на 55,6 милијарди долари. МИА