амфетамин – Kurir.mk

Шок во Крагуевац: Пред училиште принудиле 9 годишник да изеде бонбона полна со дрога, детето завршило во болница

Ивона Петрова — Fri, 08 Sep 2023 12:50:16 +0000

Девет годишно дете од повозрасни млади лица било принудено да изеде бонбона во која има психоактивни супстанци. Сега тоа се лекува во Универзитетскиот клинички центар во Крагуевац и е надвор од животна опасност, потврдиле од установата. Според локалните портали во Крагуевац, случајот со намерно дрогирање на деветгодишно дете се случил пред основно училиште во поширокиот центар на градот. Детето без свест било пренесено во КЦ Крагуевац, објавија медиумите. Детето моментално се лекува на одделението за интензивна нега.. Неговата здравствена состојба е добра и тоа е стабилно, надвор од животна опасност.

Малолетник консумирал марихуана и амфетамин, кривична за тој што му овозможил

Ивана Ефремовски — Tue, 13 Jun 2023 19:08:12 +0000

Надворешната канцеларија за криминалистички работи Кавадарци поднесе кривична пријава против Н.М.(27) од село Тремник, неготинско, поради постоење основи на сомнение за сторено кривично дело „овозможување на употреба наркотични дроги“. На 14.08.2022, пријавениот му овозможил на малолетник од село Тремник да консумира марихуана и амфетамин, кои биле пронајдени и одземени кај малолетникот.

Приведена битолчанка, пронајдена марихуана и амфетамин (ФОТО)

Ивана Ефремовски — Tue, 06 Jun 2023 17:34:46 +0000

На 06.06.2023 криминалистичката полиција при СВР Битола ја лиши од слобода З.М.(53) од Битола. Имено, при извршен претрес во дом и помошни простории кои ги користи З.М.(53) од Битола пронајдени се 96 паковки со марихуана, една паковка амфетамин, дигитална вага и други предмети. По документирање на настанот против З.М. ќе следува соодветна пријава по чл.215од КЗ.

Фатени додека се обидувале да продадат 7кг амфетамини во Катланово

Ивона Петрова — Sat, 25 Mar 2023 10:06:24 +0000

По спроведена истражна постапка, Основното јавно обвинителство Скопје поднесе Обвинителен акт против три лица за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. -Двајца од обвинетите се гонат за продолжено извршување на кривичното дело, бидејќи во временскиот период од почетокот на ноември до средината на декември 2022 година, со умисла вршеле повеќе временски поврзани дејствија што претставуваат повеќекратно остварување на исто дело, искористувајќи ист траен однос и исти прилики. Тие неовластено продавале наркотична дрога – марихуана и психотропна супстанца – амфетамин на зависници во Скопје. Третиот обвинет се гони за соизвршителство при последната продажба. Имено, на 25 декември, во атарот на селото Катланово во Скопје, тројцата обвинети заедно, неовластено организирале и заради продажба држеле психотропна супстанца – амфетамин во вкупна нето маса од 7.044,4 грама, која првиот обвинет ја понудил на продажба за сума од 15 000 Евра, информираат од Обвинителството. Кога се сретнале за да се реализира продажбата, другите двајца обвинети стоеле во непосредна близина за да известат доколку забележат движење или присуство на полиција. При полициска акција, координирана од надлежниот јавен обвинител, обвинетите биле затекнати и се обиделе да избегаат. Сепак, полициските службеници ги лишија од слобода тројцата обвинети, а психотропната супстанција ја запленија. Како дел од истата операција, во тек е постапка против уште едно лице, осомничено за помагање при извршување на кривичното дело, додека со едно осомничено лице кај кое беше откриено помало количество дрога вчера беше склучена предлог-спогодба со која тоа го признава делото.

ВИДЕО: Откриена лабораторија за производство на амфетамин, еве по која цена ја продавале дрогата на улиците во Скопје

Тале Кристо — Fri, 17 Mar 2023 13:12:09 +0000

Од Единицата за недозволена трговија со дрога, Сектор за недозволена трговија со дрога, оружје и опасни материи при Одделот за криминалистичка полиција, СВР Скопје - Единица за недозволена трговија со дрога и оружје и со поддршка од Одделот за сузбивање на организиран и сериозен криминал лишeни се од слобода пет лица, и тоа Д.Т.(25), Е.М.(35), Ж.П(46), С.Ч.З. ( 38), Б.Ф (44), сите од Скопје. -Извршени се претреси на седум локации во Скопје и при тоа била откриена лабораторија за производство на амфетамин, како и дрога со вредност од околу половина милион евра, доколку била продадена преку уличните дилери. Имено, пронајдени се синтетичка дрога амфетамин во количина од околу седум килограми, еден килограм кокаин, околу 22 килограми марихуана, околу 3000 таблети екстази, автоматска пушка „калашников“, 667 куршуми различен калибар, рамка за автоматска пушка, две рамки за пиштол, повеќе дигитални ваги со остатоци од амфетамин, опрема за производство на синтетичка дрога амфетамин, калапи за амфетамин, поголема количина на течност за производство на синтетичка амфетамин, евиденции, тетратки и листови со прибелешки за должници односно лица кои купувале дрога, пари за кои постојат основи на сомнение дека потекнуваат од продажба на дрога и четири патнички возила, информира МВР. Претходно, во текот на месеците јануари, февруари и март 2023 година, по наредба на Јавен обвинител од ОЈО Скопје, беше спроведено криминалистичко истражување насочено кон лица улични дилери, кои вршат продажба на синтетичка дрога амфетамин и на марихуана од Скопје при што веќе беа лишени од слобода три лица Д.Т ( 33) , Д.М ( 37) и Ј. С ( 41) сите од Скопје кои набавувале синтетички дроги и кои се веќе кривично процесуирани. Приведените лица подолго време биле инволвирани во улична продажба на синтетичка дрога амфетамин на подрачјето на Скопје за што изнајмиле повеќе станови во центарот на Скопје, како и во населбата Ѓорче Петров, кои ги користеле како депо за чување, производство и пакување на синтетички дроги и во нив преземале мерки на заштита со инсталирање на видео надзори. Дрогата ја продавале по 2000 денари за грам амфетамин, 3000 денари за грам кокаин, 600 денари за таблета екстази, а пакување марихуана за 1000 денари. Од страна на СВР Скопје - Единица за недозволена трговија со дрога и оружје до надлежното Основно јавно обвинителство Скопје денеска ќе биде поднесена кривична пријава за извршено кривично дело по член 215 од Кривичниот законик. Вакви активности полицијата спроведува и во другите градови од државата. Од почетокот на оваа недела извршени се 36 претреси, приведени се 32 лица, при што запленет е амфетамин, екстази, марихуана и други видови дрога. Министерството за внатрешни работи и во наредниот период ќе продолжи со преземање на засилени мерки и активности во борбата против недозволената трговија со дрога и наркотични и синтетички дроги со цел заштита на граѓаните. Овие дроги претставуваат голема опасност по здравјето на луѓето и сузбивањето на ваквата појава е еден од приоритетите на МВР.

Полицијата најде амфетамин, младо лице доби кривична пријава

Ивана Ефремовски — Mon, 13 Mar 2023 18:01:59 +0000

СВР Битола поднесе кривична пријава против А.А.(30) поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори’’. Полициски службеници извршиле претрес во домот на пријавениот, при што пронашле и одзеле амфетамин. .

Полицаец им го прегледа возилото на две лица од Тетово: Поради тоа што го најде, тие добија кривични пријави

Ивана Ефремовски — Mon, 26 Dec 2022 18:48:08 +0000

СВР Скопје поднесе кривична пријава против А.А. и А.О., двајцата од Тетово, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 06.12.2022 на улица „Јадранска магистрала“ во Скопје, полициски службеници извршиле преглед на патничко возило, управувано од првопријавениот, а совозач бил второпријавениот, при што кај двајцата биле пронајдени и одземени марихуана и амфетамин.

Приведен охриѓанец, еве што најде полицијата во неговиот дом

Ивана Ефремовски — Fri, 18 Nov 2022 17:29:46 +0000

СВР Охрид поднесе кривична пријава против Ф.Д.(39) од Охрид поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“. При претрес, извршен по судска наредба, во неговиот дом во Охрид, полициски службеници пронашле и одзеле амфетамин, дигитална вага со остатоци од кокаин и други предмети поврзани со кривичното дело.

Приведен жител на струмичко, еве што најде полицијата кај него

Ивана Ефремовски — Tue, 15 Nov 2022 19:23:21 +0000

СВР Струмица поднесе кривична пријава против Т.М.(37) од село Василево, струмичко, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 25.03.2022, полициски службеници извршиле претрес во домот и помошните простории кај пријавениот, при што пронашле и одзеле амфетамин и марихуана.

Автомобил со дрога паркирале во близина на гробишта – кривични за две лица од Кавадарци

Ивана Ефремовски — Mon, 17 Oct 2022 17:11:22 +0000

Надворешната канцеларија за криминалистички работи Кавадарци поднесе кривична пријава против против Ф.Н. (22) и Н.Р. (26), двајцата од Кавадарци, поради постоење основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 22.02.2022 полициски службеници од ОВР Неготино, при извршен преглед над пријавените и патничко возило „хјундаи“, со прилепски регистарски ознаки, во близина на градските гробишта и хотел во Неготино, пронашле амфетамин.