ана цветановска – Kurir.mk

Цветановска испишува историја: Освоени први бодови во Светски куп

Бошко Тасиќ — Tue, 20 Dec 2022 06:06:56 +0000

Ана Цветановска оствари огромен успех за македонскиот ски спорт, испишувајќи историја со освоените први бодови во натпреварите од Светскиот куп. За првпат во историјата на ски-спортови во Македонија, нашата претставничка дојде до бодови во Светскиот куп кој се одржа изминатиот викенд во Давос, Швајцарија. Младата и надежна Цветановска освои 18 бодови во нордиско скијање, со што ја издигна Македонија на 22 место на светската ранг листа. – Две добри трки зад мене изминатиов викенд во Давос, и ги освоив првите точки за Нордиското скијање во Македонија од постоењето. Продолжувам со напорни тренинзи за уште поголеми успеси – се зборовите на Цветановска.

ЗОИ: Цветановска 95-та во крос-кантри на 10 километри

Ивона Петрова — Thu, 10 Feb 2022 09:18:44 +0000

Македонската нордиска скијачка Ана Цветановска го освои 95. место во денешната трка крос-кантри на 10 километри. Таа патеката ја мина со време 39:57.7 минути, односно заостана за повеќе од 11,5 минути зад победничката Тереза Јохауг од Норвешка која имаше време 28:06.3 минути. На трката настапија 98 натпреварувачки, а зад Цветановска останаа само три. На победничкиот подиум покрај Норвежанката, се најдоа две скијачки од Финска. Втора беше Керту Нисканен која заостана само 0,4 секунди зад Јохауг, додека бронзата ја освои Криста Пармакоски со резултат 28:37.8 минути. По оваа трка, Норвешка се изедначи со Германија на врвот на листата медалисти со по пет освоени златни одличја.

Цветановска нема да настапи на утрешната трка во Пекинг

Ивона Петрова — Fri, 04 Feb 2022 14:10:52 +0000

Македонската олимпијка Ана Цветановска нема да настапи на утрешната трка како што претходно беше предвидено. Од МОК информираат дека заради моменталната ситуација со КОВИД-19 и големиот број на пријавени натпреварувачи на утрешната трка (жени) на 7,5+7,5 км - Скијатлон, ФИС-Меѓународната скијачка федерација, која е единствена одговорна за спортскиот дел од програмата на Олимписките игри, донесе конечна одлука дека само лимитиран број на спортисти во женска конкуренција ќе може да настапат на утрешната трка во оваа дисциплина. Заради исполнетоста на квотите од страна на подобро пласираните во оваа дисциплина, Цветановска нема да може да настапи на оваа трка. Таа со нетрпение ја очекува својата трка на 10 км-класично, која на програмата е на 10 Февруари, со почеток во 08:00 часот по македонско време, информираат од МОК.