Ана Дукоска – Kurir.mk

Дукоска: Да не беше пандемијата, протестот ќе беше помасовен, уставобранителите треба да се ослободат

Катерина Бојаџиева — Mon, 26 Apr 2021 17:23:50 +0000

Конечно преку вчерашниот протест успеавме да го обединиме македонскиот народ и целиот опозициски блок со сите здруженија, организации, навивачки групи, сите заедно под македонските знамиња да протестираат за правда на уставобранителите, рече Ана Дукоска при јавување во „Што не е јасно“. Дукоска додаде дека и е многу мило што вчера на протестот сите како Македонци заедно под македонски знамиња сплотени како никогаш до сега ја искажаа своето незадоволство бидејќи уставобранителите се во затвор. „Замислете како би било да не беше оваа пандемија, верувам дека ќе беше многу помасовен протестот. Излезеноста сигурно ќе беше многу поголема“, истакна Дукоска. Дукоска посочи дека и Македонците кои живеат надвор од Македонија бараат да се ослободат уставобранителите бидејќи се невини и не треба да лежат во затвор.

Колумна на Ана Дукоска: Има ли Македонци надвор од границите на Македонија?

Љупчо Цветаноски — Thu, 18 Jun 2020 07:28:44 +0000

Македонија има две “институции“ кои треба да го градат мостот помеѓу татковината и иселениците. Министерот без ресор и Агенцијата за иселеништво. Индиректно, има влијание и Министерството за надворешни работи преку амбасадите и конзуларните преставништва. Впечатокот за нивната работа во последните 3 години е дека не продолжи со изградбата на мостот, ами го урива и она што колку толку беше изградено. Министерот без ресор, задолжен за дијаспора, низ својот мандат организира средби со одбрани здруженија и граѓани по свој терк, поголемиот дел секако иселеници од албанската етничка заедница или пак новосоздадените така наречени елитни “поинакви“ иселеници. Министерот без ресор изготви и спроведува национална стратегија, во чие создавање повторно ги вклучи само своите истомисленици. Резултатите од националната стратегија, сè уште ги очекуваме, а мандатот веќе и му истекува. Агенцијата за иселеништво, најчесто го испраќа на средби со иселениците заменикот директор, кој пак се среќава со иселениците од албанската етничка заедница. За останатите заинтересирани за средба, треба да му пишат порака на вибер и доколку е заинтересиран ќе ви закаже. Шукриу, за време на посетите во Австралија, присуствуваше на настан каде беше кренато Албанското знаме; за време на посетите во Америка, организира собири од приватен карактер по бурекџилници, повторно со иселениците од албансата етничка заедница. Откако го променија името на летната школа по Македонски јазик, во летна школа по мајчин јазик, агенцијата изготвува и апликација за изучување на мајчин јазик, со што ги изедначува јазикот на кој говори мнозинството со јазикот на кој говори малцинството во Македонија. Амбасадори и конзули или нема на клучните места од огромно значење за меѓународни релации, или повеќето се Албанци кои едноставно не ве разбираат кога им се обраќате на Македонски јазик. Затоа прашувам: Има ли Македонци надвор од границите на Македонија? Има ли некој во Македонија кој е заинтересиран да соработува со Македонците надвор од границите на Македонија? Ана Дукоска Глобален координатор Ние Сме Македонија

Дукоска: Која држава ја претставува Осман Шукриу кој што е во посета на САД?

Тале Кристо — Tue, 21 Jan 2020 19:59:33 +0000

Македонската активистка од САД, Ана Дукоска на сјојот Фејзбук профил објави статус преку кој на заменик директор на Агенцијата за иселеништво на Република Македонија, Осман Шукриу го прашува која земја тој ја претставува и зошто не е објавен детален распоред на средбите со иселениците со прецизна локација. Во продолжение ви го пренесуваме целиот нејзин Фејсбук статус: Осман Шукриу, заменик директор на државната институција "Агенција за иселеништво на Република Македонија" на официјални средби со иселениците во САД. Зошто не е објавен детален распоред на средбите со иселениците со прецизна локација, датум и време? Или се затворени средби со Албанската дијаспора и нивните бизнисмени предизборно? Најавуваат дополнително и средби со преставници на албанските училишта??? А Македонските училишта? Немам намера да подгревам етничка тензија, но не гледам причина за претставник на Македонската агенција за иселеништво да остварува средби со Албанската дијаспора. Албанија се грижи одлично за своите иселеници, а Македонија за своите??? Која држава ја претставува Шукриу?

Разобличени лагите на Заев и Димитров: Допис кој докажува дека по нивниот договор престанавме да бидеме Македонци (ФОТО)

Ивана Ефремовски — Thu, 17 Jan 2019 09:30:33 +0000

Министерството за надворешни работи синоќа испрати Вербална нота до грчкото Министерство за надворешни работи, со која го информира дека се исполнети сите законски услови пропишани со Преспанскиот договор за ставање крај на деценискиот спор за името. Во нотата има и објаснување што значи Македонец и македонски јазик. Писмото е потпишано е од министерот за надворешни работи Никола Димитров и во него се потврдува дека македонско, македонски, macedonian не се етничка или национална припадност туку само државјанство. Македонија со писмото до грчката страна се согласила означувањето за nationality во кое ќе стои macedonian/citizen of North Macedonia согласно Преспанскиот договор да се однесува исклучиво на државјанство, а не на националност или етничка припадност. Во документот Димитров на своите партнери во Атина им пишува дека и формално прифаќа дека „македонско“ или macedonian нема да означува националност, туку државјанство.

„Во духот на договорот терминот националност на Втората страна дефинирана во член 1 (3) (б) од Договорот како „Македонци/граѓани на Република Северна Македонија“ се однесува само на државјанството, а не го дефинира или однапред ja определува етничка припадност, етникумот како што e тоа пропишано во член 2 (2) од Уставниот закон за примена на амандманите 33, 34, 35 и 36 на Уставот на Република Македонија“. Во член 1 (3) (б) од Договорот од Преспа пишува дека „националноста на Втората страна ќе биде Македонци/граѓани на Република Северна Македонија, како што ќе биде запишано и во патничките документи“.

Во нотата се појаснува и тоа дека македонскиот јазик е официјален јазик на земјата признат како официјален на конгрес на ОН во Атина во 1977 година. Ана Дукоска е Македонка, родена во Охрид, а живее воВашингтон. Таа е Македонката што го победи грчкото лоби во американскиот Конгрес. Таа на својот Фејсбук профил го објави писмото кое Димитров му го испратил на Ципрас непосредно по објавувањето на Договорот од Преспа во Службен весник. „Повелете луѓенца. Зациментиран идентитет баш како што "гарантираа" Зоран Заев и Никола Димитров: 1. "Терминот "Националност" на втората странка дефиниран во договорот како "Македонско/Граѓанин на Северна Македонија" се однесува ексклузивно само на државјанство, но не и на ЕТНИЧКА ПРИПАДНОСТ" 2. "Македонскиот Јазик" се однесува на официјалниот јазик на втората странка, признаен на третата конференција на ОН за стандардизација на географски имиња, оддржана во Атина во 1977ма година, кој спаѓа во групата на Јужно-Словенски јазици" - што ќе рече со фуснота, баш исто како што ги објавивија законот за јазици и Преспа во Службен весник со нотарска фуснота“-напиша таа.

Press release: pic.twitter.com/Hv51uphljI
— MFA Macedonia ?? (@MFA_Macedonia) January 16, 2019

Грчкиот премиер Алексис Ципрас за време на расправата во грчкиот парламент за довербата на неговата влада пред пратениците ја прочита нотата со дообјаснувањето од Димитров.

Соседите освен што известуваат, имаат и толкувачка изјава, односно ги појаснуваат деловите поврзани со јазикот и државјанството. Што појаснуваат нашите соседи во овој текст што е правно обврзувачки и ги повторува обврските што произлегуваат од договорот? Прво, дека терминот nationality се однесува исклучиво на државјанството и не го дефинира или сугерира прашањето на националноста. И второ, дека јазикот на нашите соседи, како што е споменато во договорот и е признат на конференцијата на ОН во 1977 година, припаѓа на групата јужнословенски јазици, рече Ципрас.

На крајот, македонската влада и понатаму тврди дека со договорот се бетонира македонскиот национален идентитет.