Ана Камчева – Kurir.mk

Камчева до Јовановски: Во УБК работеше вашиот пријател Јовче Ременски

Ивана Ефремовски — Tue, 10 Dec 2019 11:07:44 +0000

Одговарајќи на прашања на одбраната на обвинетиот Бојан Јовановски, сведокот во случајот „Рекет“, Ана Камчева запрашана дали за давање пари како во овој случај се поднесува кривична пријава до ОЈО, таа одговори: -Да, но да не сте биле во случај како во мојот. Камчева рече дека разговорите со поранешниот директор на УБК не се воделе во простории на МВР и дека не знае дали за тие разговори имало направено службена белешка. На прашање од обвинетиот Бојан Јовановски дали може да ја опише улогата на Зоран Милески во овој случај, реагираше обвинителката Вилма Рускоска, која рече дека Милески си признал вина и е осуден, а емоции не се дозволени, тврдење кое беше прифатено од судот и го одби прашањето на Јовановски. -Во УБК работеше вашиот пријател Јовче Ременски и од страв да не ме види со Николовски од УБК, не се видов со него во службените канцеларии на управата, рече Камчева. ИЗВОР: Слободен печат

Камчева: Боки пред мене разговараше со Оливер Спасовски, cyдии, oбвинитeли, политичари со луѓе од власта

Ристе Здравков — Tue, 10 Dec 2019 10:40:59 +0000

Сведокот Ана Камчева открива зошто не го пријавила случајот Рекет во некоја од државните институции на денешното сведочење за случајот рекет. Таа посочи дека случајот го пријавила најпрвин кај поранешниот директор на УБК, Горан Николовски со кого остварила две средби. На негово прашање зошто нема доверба во институциите таа му одговорила дека пред неа Јовановски разговарал на телефон со многу луѓе од власта, политичари, министерот за внатрешни работи, судии и обвинители. -На првата средба со Горан Николовски, директор на УБК му кажав дека сум жртва на Рекет му кажав од околу за кои личности станува збор и побарав совет од него кого да информирам. Тој ми кажа дека секако треба да се бориме против криминалот, но ме праша зошто немам доверба во институциите. На ова јас му одговорив дека во мое присуство Бојан Јовановски има разговарано со многу судии, обвинители, многу политичари со луѓе од власта, министерот за внатрешни работи, вели Камчева. Та потенцираше дека со Николовски се сретнала два пати. -Остварив две средби со Горан Николовски, првата средба беше пред да се милионот на кој што јас му кажав дека ова станува неподносливо за мене и моето семејство и дека се бараат многу пари од нас, додаде таа.

Камчева: Јанева ми се закани дека ако излезат разговорите во јавност ќе отвори нови предмети против мојот сопруг

Ивана Ефремовски — Tue, 10 Dec 2019 10:40:07 +0000

Пред судот денес сведочеше сопругата на Орце Камчев, Ана Камчева. Истакна дека имала неколку средби со Бојан Јовановски, а после втората средба и побарал пари. На втората средба, како што кажа Камчева, лично присуствувала и Катица Јанева. -Со Јанева зборевме за децата. И кажував на која возраст се моите деца, таа ми кажуваше за нејзините. Ми рече дека благодарение на Бојан нејзиниот син се вработил, инаку би требало да оди да работи на брод. Потоа ми рече да ја повлечам гаранцијата од 14 милиони евра, понудена за притворот, наводно била незаконска, и дека по нејзина гаранција ќе биде пуштен, како и што се случи, рече Камчева, која додаде дека Јанева и се заканила дека доколку нешто излезе од разговорите ќе знаела дека е таа и ќе има уште многу други предмети во кои може да го вмеша нејзиниот сопруг. Таа потенцираше дека не била присутна кога нејзиниот сопруг на Јовановски му дал 1 милион евра. -Бев исплашена од моќта на Јанева, но потоа сватив дека специјалниот јавен обвинител е Јовановски бидејќи тој ги имаше сите информации, рече Камчева.

Камчева: Јанева му даваше наредби на Боки 13 по телефон

Предраг Кукиќ — Tue, 10 Dec 2019 09:57:05 +0000

Беше 9 ноември околу полноќ. Ме разбуди сопругот за да ми каже нешто. Дојде Милески и ни кажа дека утрото ќе има претрес. Така и беше. Попладнето Јордан за случајот “Империја” беше во суд. Кога дојдов во суд недолично се однесуваше обвинителката Лиле Стефанова. Таа тогаш рече “Ништо не ми можеше Тони моќта е кај мене. Само треба да знаеш кога е кај тебе и да ја искористиш”. Вечерта дојде Јанева. Јордан доби притвор таа вечер, рече Ана Камчева адвокат и сведокот во денешното рочиште за случајот “Рекет”, сопруга на бизнисменот Орце Камчев, пренесува Слободен Печат. – Неколку дена подоцна Милески ме побара за да се сретнам со адвокатот Васил Димишков. На овас средба Васил ми кажа дека го предупредил Јордан и дека требало да соработува со него за да има поповолни услови за него – рече Камчева. Адвокатот Димишков и рекол дека за неговата помош за поблага мерка за Камчев требало да се плати меѓу 2 и 8 милиони евра. Со тие пари тој и рекол неговата сестра-судијка ќе одела во пензија. – Бидејќи Милески беше човек од доверба му реков нему утре да му ја каже сумата. Следниот ден ми беше речено дека сумата за плаќање е 6 милиони евра. На средбата со Јордан му кажав дека немаме предмет туку дека имаме проблем – рече Камчева. Сведокот Камчева била повикана од Милески и и рекол да дојде во хотелот “Александар Палас”, и ми кажа дека Бојан Јовановски бил многу нервозен за некој текст на извесен портал кај што пишувало дека синот на Јанева работи во 1ТВ. – Тогаш сфатив за нивниот близок однос. Неколку дена подоцна дојдов во 1ТВ. Бојан ме запозна со едно момче кое работеше на компјутер. Кога момчето излезе Бојан ми кажа дека тоа е синот на Јанева – истакна Камчева. Бојан Јовановски, рече таа, ми кажа дека тоа што му се случило на мојот сопруг било резултат бидејќи ги одбил нивните понуди. – Бојан беше близок со Јанева. Тој точно знаеше за секој чекор на постапката и со Јанева збореше по телефон. Таа му даваше напатствија и совети. На една од низата средби Јанева даваше инструкции по телефон на пример кој адвокат да дојде во СЈО, адвокатот Антонио Апостолски и беше според да дојде, нагласи Камчева. Додаде дека на една од средбите Бојан Јовановски и побарал 500.000 евра.

Ана Камчева дојде во судот да сведочи за „Рекет“

Ивона Петрова — Tue, 10 Dec 2019 09:43:35 +0000

Ана Камчева, сопругата на Јордан Камчев дојде во Кривичниот суд за да сведочи на рочиштето за предметот „Рекет“ во кој се обвинети поранешната специјална јавна обвинителка Катица Јанева и Бојан Јовановски-Боки 13. На последното рочиште, што се одржа на 6-ти декември, сведочеше Јордан Камчев, кој рече дека во повеќе наврати обвинетиот Боки 13 пробал да го уценува со, според него, наместен предмет „Империја“ покренат од Специјалното јавно обвинителство, кој имал цел на нелегален начин да се стекне со поголема сума пари. Од Јовановски, сведокот добил понуда за пи-ар реклама, Камчев му понудил 50.000 евра на што Боки 13 се навредил за висината на сумата. Во својот исказ Камчев рече дека потоа Боки 13, заедно со третообвинетиот во „Рекет“, Зоран Милевски-Кичеец, кој ја призна вината и беше осуден на три години затвор, му понудил бизнис за отворање фешн молови, а по одбивањето на тој проект, добил друга понуда за изградба на старечки домови за што првообвинетиот му побарал четири милиони евра. -Во меѓувреме платив 180.000 евра за реклама на неговата телевизија. Потоа ми пушти слика со обвинителката Јанева, по што ми кажа дека се спрема нешто големо против мене, изјави Камчев и додаде дека „Рекет“ е конструиран од Боки 13 и уште неколку луѓе. Сведокот рече дека и обвинителката Лиле Стефанова преку нејзиниот пријател Ванчо Чифлиганец барал средства за ќерката на Лиле за ординација во зградата на „Адора“. Камчев потоа бил приведен и понудил гаранција за домашен притвор, а во првите денови во фирмите имал и инспекции во сите компании. Ова, рече тој, беше смислен притисок од Боки 13, преку Стефанова и Јанева. На првото рочиште за „Рекет“, што се одржа на 3-ти овој месец, третообвинетиот Зоран Милевски-Кичеец беше осуден на три години затвор откако призна вина за случајот и предметот за него беше одвоен од оној против Јовановски и Јанева. Милески има право на жалба до Апелацискиот суд само во делот на висината на казната. Основното јавно обвинителство за гонење организиран криминал и корупција во октомври годинава поднесе обвинение против Јовановски, Јанева и Милевски. Првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева и Милевски за „примање награда за противзаконито влијание“. Второобвинетата Јанева се товари и дека сторила и кривично дело „злоупотреба на службена положба и овластување“. Во рамките на случајот „Рекет“, Обвинителството отвори нова истрага, која се однесува на Меѓународниот сојуз на Бојан Јовановски-Боки 13. Истрагата за „Рекет“ е проширена, односно е донесена наредба за спроведување истражна постапка против пет физички лица и едно правно лице, поради постоење основано сомнение дека првоосомничениот сторил продолжено кривично дело „измама“ и кривично дело „перење пари и други приноси од казниво дело“.

Ана Камчева денес ќе сведочи за „Рекет“

Ивона Петрова — Tue, 10 Dec 2019 06:34:09 +0000

Сопругата на бизнисменот Орце Камчев, Ана, денес треба да сведочи на третото рочиште во случајот „Рекет“ во Кривичниот суд. Таа во судот треба да каже како Бојан Јовановски – Боки 13, поранешната специјална јавна обвинителка, Катица Јанева и Зоран Милевски – Кичеец зеле половина милион евра од неа како гаранција дека нејзиниот сопруг, осомничен во случајот „Империја“, ќе му биде определена поблага мерка, домашен притвор. Камчева како сведок требаше да се јави во судот во петокот, но поради покачена температура, нејзиното сведочење беше одложено. Во петокот своето неколкучасовно сведочење пред судот го имаше Орце Камчев кој отри нови детали за случајот.

Продолжува судењето за „Рекет“, ќе сведочат Орце и Ана Камчеви

Ивона Петрова — Fri, 06 Dec 2019 06:29:39 +0000

Судскиот процес за случајот „Рекет“ продолжува денес. Според најавите, во судот се очекува сведочењето на Орце и Ана Камчеви по предлог на обвинителката за гонење на организиран криминал и корупција, Вилма Рускоска.

Во „Рекет“ првообвинет е Бојан Јовановски- Боки 13 за кривично дело „Примање награда за противзаконито влијание“ и за „Перење пари и други приноси од казниво дело“. Поранешната шефица на СЈО, Катица Јанева е третообвинета за „Злоупотреба на службената положба и овластување“. Второобвинетиот Зоки Милевски- Кицеецпо признавање на вина за делото „Примање награда за противзаконито влијание“ е осуден на затворска казна од три години.

Орце и Ана Камчеви утре ќе сведочат за „Рекет“ пред Боки 13 и Јанева

Катерина Бојаџиева — Thu, 05 Dec 2019 11:45:11 +0000

Орце и Ана Камчеви утре во судница ќе сведочат за случајот „Рекет“. Сведочењето на Камчеви е по предлог на обвинителката за гонење на организиран криминал и корупција, Вилма Рускоска. Бојан Јовановски- Боки 13 е обвинет за кривично дело „Примање награда за противзаконито влијание“ и за „Перење пари и други приноси од казниво дело“. Катица Јанева пак, е обвинета за „Злоупотреба на службената положба и овластување“, а Зоки Милевски- Кицеец е веќе осуден за „Примање награда за противзаконито влијание“.

Камчеви вo петок сведоци за „Рекет“

Ивана Ефремовски — Tue, 03 Dec 2019 14:36:14 +0000

Бизнисменот Орце Камчев и неговата сопруга Ана Камчева в петок ќе бидат сослушани како сведоци во постапката за случајот „Рекет“. Сведочењето на брачниот пар Камчеви е по предлог од обвинителката за гонење на организиран криминал и корупција Вилма Русковска. Таа денес Камчеви ги спомна и во својот воведен говор, во кој ѝ порача на јавноста да не мисли дека тие двајца барале помош, туку да знае дека преку Кичеец се поврзале со Бојан Јовановски. Судењето продолжува на 6-ти декември.