ана писонеро – Kurir.mk

Писонеро: ЕУ е загрижена дека измените во Кривичниот законик во Македонија може да влијаат врз случаите на корупција на високо ниво

Ивана Ефремовски — Wed, 13 Sep 2023 11:47:20 +0000

Македонија се обврза да го промовира владеењето на правото и да се бори против неказнивоста и затоа, санкциите за корупциски активности мора да бидат ефективни, соодветни и разубедувачки, изјави за МИА портпаролката на Европската комисија задолжена за соседство, проширување и меѓународни партнерства Ана Писонеро запрашана за коментар за Измените во Кривичниот законик. -ЕУ со загриженост забележува дека некои од измените во Кривичниот законик усвоени во забрзана постапка од Собранието на Северна Македонија со кои се намалуваат максималните законски казни и се предизвикуваат импликации врз примената на принципот на застареноста, влијае врз голем број случаи на корупција на високо ниво, наведе Писонеро. Таа додаде дека ЕУ изразува жалење поради недостигот на сеопфатни консултации со домашните фактори и со Европската комисија пред нивното усвојување, како и за употребата на процедурата со ЕУ знаменце, која треба да биде конзистентна и јасно поврзана со законите кои првенствено имаат за цел усогласување на националното право со законодавтвото на Унијата. -Во овој контекст, зајакнувањето на довербата во правосудниот систем и несмалено справување со корупцијата, вклучително и преку солидно досие во истрагата, гонењето и конечното осудување на случаите на корупција на високо ниво е од клучно значење, нагласи Писонеро. Портпаролката посочи и дека Европската комисија ќе продолжи да го следи развојот на владеењето на правото во земјава многу внимателно, вклучително и во контекст на пристапните преговори. Евроамбасадорот Дејвид Гир вчера изјави дека промените на Кривичниот законик во моментот се разгледуваат во Брисел. -Мислам дека тие во моментов се разгледуваат од нашите колеги во Брисел и верувам дека наскоро ќе има одговори на тоа прашање, изјави Гир во одговор на нобинарско прашање на Регионалниот форум „Родова еднаквост во пристапните процеси во ЕУ“. (МИА)

Писонеро: Пред билатералниот потребен е уште еден објаснувачки скрининг за законодавството на ЕУ

Ивана Ефремовски — Wed, 06 Jul 2022 15:54:57 +0000

Портпаролката на Европската комисија, Ана Писонеро, изјави дека Северна Македонија ќе треба да помине уште една рунда објаснувачки скрининг за ЕУ во однос на законодавството усвоено по 2019 година, јави дописничката на МИА од Брисел. Доколку биде одобрен францускиот предлог за преговарачката рамка од страна на Северна Македонија, земјата ќе треба прво да помине низ уште една рунда објаснувачки скрининг за сето ново законодавство, донесено од 2019 до сега, за сите поглавја. -По објаснувачкиот скрининг ќе започне билатералниот, објасни Писонеро за МИА. Северна Македонија и Албанија имаа средби за објаснувачки скрининг за законодавството од 2018 до 2019. Овие средби започнаа во септември 2018 и траеја помалку од една година. Целта на објаснувачкиот скрининг е тимот на Европската комисија да им го презентира законодавството на ЕУ, познато како „Аcquis communautaire“, на земјите кандидати кои се подготвуваат да започнат преговори. По објаснувачкиот, следува билатералниот скрининг, фаза во која земјата кандидат учествува активно, за разлика од објаснувачкиот, каде главната улога ја држи Европската комисија. -Согласно заклучоците на Советот, Европската комисија го спроведе техничкото објаснување на ЕУ законодавството (Аcquis) помеѓу 2018 и 2019. Така што објаснувачкиот скрининг ќе се фокусира на новото законодавство на ЕУ, усвоено оттогаш. По ова ќе следува билатерален скрининг каде Комисијата ќе го разгледува, заедно со земјите соговорнички, оние области на ЕУ законодавството каде е потребен напредок, изјави Писонеро за МИА. ЕУ законодавството постојано се зголемува со нови законски решенија и судски одлуки. Со оглед на тоа дека објаснувачки скрининг немало за Северна Македонија и Албанија од 2019, двете земји ќе треба ова да го поминат пред да бидат поканети на билатералниот скрининг. Билатералниот скрининг би требало да трае околу две години. (МИА)

ЕК за „Република“: Потребен е попис во согласност со стандардите на ЕУ

Катерина Бојаџиева — Wed, 20 Jan 2021 18:55:54 +0000

Европската комисија бара од власта пописот да биде одржан во согласност сo регулативите и стандардите на ЕУ. Ана Писонеро, портпаролот на ЕК во изјава за „Република“ вели дека знаат за недостатоците на процесот и дека очекуваат тие да бидат отстранети. -Земјите-кандидатки се охрабруваат да спроведат попис во согласност со регулативите на ЕУ, како дел од претпристапните подготовки. Применливото законодавство на ЕУ ја дефинира референтната година и програмата на статистичките податоци и метаподатоците, техничките спецификации на темите што треба да бидат опфатени во пописот. Дефинирани се и дефектите и модалитетите и структурата на извештаите за квалитет и техничкиот формат за пренос на податоци.-вели Писонеро за „Република“.

Писонеро: Очекуваме воздржаност и дијалог во Црна Гора

Магдалена Андонова — Wed, 02 Sep 2020 12:11:26 +0000

Европската Комисија повикува на смиреност и воздржаност во Црна Гора, откако зачестија меѓуетничките тензии и судири по одржувањето на парламентарните избори на 30 август, јави дописничката на МИА од Брисел. -Одблиску ја набљудуваме состојбата од изборите наваму, и со нетрпение очекуваме формирање на парламентот и на новата влада за да продолжи стабилниот пат на Црна Гора кон ЕУ. Во овој контекст, очекуваме смиреност и воздржаност од сите како и инклузивен дијалог и почитување на вредностите на ЕУ и почитување на малцинствата, ова е многу јасна позиција на ЕУ, изјави портпаролката за проширување, Ана Писонеро изутринава. Од одржувањето на изборите, кога опозицијата прогласи убедлива победа, во Црна Гора се множат меѓуетничи тензии на дневна основа. Денеска беше објавена дека била таргетирана куќата на оџата, Самир Кадрибашиќ во градот Плевља, и испратена му е порака „Плевља ќе биде следната Сребреница“. Српската православна црква во Црна Гора повика на смиреност и на истрага за инцидентот. Исламската верска заедница стравува дека етничките инциденти ќе предизвикаат агресивен одговор од страна на босанското малцинство. Шефот на исламската верска заедница, Хусеин Кавазовиќ ги повика властите да ги заштитат Муслиманите во земјата. (МИА)

Ана Писонеро за „Република“: Датум за преговори засега нема, посакуваме што поскоро да почнат

Љупчо Цветаноски — Tue, 24 Mar 2020 18:04:08 +0000

Европската комисија потврдува дека денешнатa одлука на министрите за европски работи за почеток на преговори со Македонија не значи и датум за нивен почеток. „Република“ ја праша Ана Писонеро, портпаролката на комесарот за проширување, кога ќе почнат преговорите со Македонија и зошто не бил следен примерот на Србија и Црна Гора за кои кога се носеше одлука за преговори беше одреден и конкретен датум за нивен почеток. -Ова е одлука за земјите-членки, за деталите за тоа што е донесено треба да го прашате Советот. Тоа е одлука во рацете на земјите-членки.Како што знаете, Комисијата посaкува поскоро започнување на пристапните преговори со двете држави-изјави Писонеро за „Република“.