ана – Kurir.mk

Кумановци трчаа на хуманитарната трка за девојчињата Ана и Теодосија

Тале Кристо — Sat, 27 May 2023 12:53:57 +0000

Кумановци денеска трчаа на хуманитарната трка за помош за лекување на двете девојчиња со сериозна здравствена состојба Теодосија и Ана. Трката ја организираше Советот на општината, кој едногласно одлучи дека треба да им се помогне на девојчињата кои се на лекување во странство. Трката имаше ревијален карактер и се одржа на булеварот „Октомвриска револуција“. -Првпат организиравме ваква хуманитарна трка. Советници од сите политички партии учествува, но трчаа и спортисти, деца што ми е особено драго зашто од најрана возраст треба да се учи на хуманост, граѓани, граѓански организации. Покажавме заедништво и хуманост. Кумановци се познати по хуманост, солидарност, сме докажале преку донации и за други држави кои се соочиле со непогоди. Но, ова е прва трка за малите девојчиња, наши сограѓанки, изјави претседателката на Советот на општина Куманово, Ивана Ѓорѓиевска. За двете девојчиња донираше и бизнис заедницата, работници, ученици. Кутии за донации се оставени во повеќе деловни објекти.

За неа велат дека е најопасен член на кралското семејство: Дури ни кралицата Елизабета не можела да ја контролира

Ристе Здравков — Fri, 09 Sep 2022 20:19:10 +0000

Принцезата Ана имала многу турбулентен живот, но сега се труди се да прави според строги правила и затоа е најопасниот член на кралското семејство Принцезата Ана беше единствената со нејзиниот брат, кралот Чарлс III, кои беа со кралицата Елизабета во нејзините последните денови. Неодамна, видовме дека таа презема малку повеќе официјални должности, а покрај Кејт Мидлтон, таа работи за фирмата. Принцезата Ана (72) е единствената ќерка на кралицата Елизабета и принцот Филип. Наводно велат е „тврда како црна земја“, дека не бега од ништо, дека се држи до традицијата како „пијаница на ограда“ и дека прави се по правила за никој да не може да ја обвини за било што. Принцезата Ана е приказна сама по себе! 1. Принцезата Ана никогаш не ги нарекувала родителите „мама“ и „тато“, туку само „кралица“ и „војвода“. 2. Мрази да се ракува и никогаш никому не ја подава раката, максимално се држи на дистанца. „Теоријата е дека на тие настани не можеш да се ракуваш со секого, затоа не ни почнувај. Секогаш сум се држела до тоа, но гледам дека со другите не е така. На крајот на краиштата, мислам дека да се ракува е целосно апсурдно“, изјави Ана. 3. Цел живот чувствувала дека е во сенка на нејзините родители и брат, идниот крал! „Кога бевме тинејџери на турнеја со кралицата, секогаш знаевме дека луѓето не ни аплаудираат на нас. Отпрвин беше тешко, но се навикнав да бидам во сенка, онаа другата, која не е во центарот на вниманието“, вели Ана. 4. Во далечната 1973 година, принцезата Ана одлучила да се откаже од титулата лејди, со што на своите деца Питер и Зара им ги ускратила кралските титули. „Претпоставувам дека им беше полесно и мислам дека многумина би се согласиле дека има различни проблеми кои доаѓаат со титулата“, рече таа. 5. Камила, сопругата на принцот Чарлс, живее во страв од принцезата Ана и тоа е поради една работа: Ана не може да ја поднесе! А, зошто? Имено, пред да се омажи, принцезата Ана била во врска со првиот сопруг на Камила, Ендрју Паркер. Аферата меѓу Андреј и Ана не успеа, но мислам дека тие многу се сакаа. Уште повеќе, мислам дека сè уште се сакаат. Мислам дека тие отсекогаш имале проблеми поради аферата со Ендрју“, вели извор близок до кралското семејство. Се верува дека Ана ќе биде еден од главните советници и голем поддржувач на кралот Чарлс III.

Почина мајката на Аки Рахимовски: До самиот крај не знаела дека нејзиниот син заминал пред неа

Магдалена Андонова — Sat, 30 Apr 2022 08:12:06 +0000

Утрово во Скопје почина Ана, мајката на музичарот Аки Рахимовски. Веста на Фејсбук ја објави нивната кума од Скопје, новинарката Мирјана Василева. Василева на Фејсбук напиша дека Ана сега конечно е крај својот син, кој почина на 22 јануари годинава во Ново место, Словенија. - Патувај во божјата светлила тетка Ана, сигурно ќе те дочека синот Аки Рахимовски, почивај во мир, напиша Василева. За Женски магзин таа раскажа дека Ана починала во домот за стари лица каде што претсојувала последниот период од својот живот, и до самиот крај не знаела дека нејзиниот син починал пред неа.

Тропската бура „Ана” усмрти најмалку 34 лица

Тале Кристо — Tue, 25 Jan 2022 13:48:09 +0000

Тропската бура „Ана” усмрти најмалку 34 лица во Мадагаскар и три во Мозамбик, а ја прекина струјата во Малави, соопштија денеска властите во трите земји. Невремето, кое се формира над источниот брег на најголемиот африкански остров Мадагаскар, донесе поројни дождови кои предизвикаа поплави и свлечишта во главниот град Антананариво. Во последниот извештај на Агенцијата за управување со катастрофи на Мадагаскар се вели дека 34 лица загинале, а речиси 65.000 останале без покрив над главата од минатата недела. Неколку ниски населби во главниот град и понатаму се во состојба на готовност, а во текот на ноќта почна итна евакуација. Од другата страна на Индискиот Океан, невремето во понеделникот стигна до континентална Африка, носејќи поројни дождови и силни ветрови во централниот и северниот дел на Мозамбик. Властите во Мозамбик во вторникот соопштија дека три лица загинале, а најмалку 66 се повредени. Според Националниот институт за управување со ризик од катастрофи, досега се погодени повеќе од 3.800 луѓе, а во текот на ноќта се уништени клиника и 16 училници. ОН предвидуваат дека невремето ќе предизвика големи поплави, ќе раселат луѓе и ќе ја оштети инфраструктурата. Невремето потенцијално ќе влијае на „многу ранливите популации веќе погодени од претходни природни катастрофи и конфликти во северен Мозамбик”, се вели во ажурирана информација на Канцеларијата на Обединетите нации за координација на хуманитарни прашања. Владата и агенциите на ОН проценуваат дека 500.000 луѓе би можеле да бидат погодени во провинциите Нампула, Замбезија и Софала во Мозамбик.

Лина Вертмилер сака „Оскарите“ да се прекрстат во „Ана“

Ивона Петрова — Mon, 28 Oct 2019 11:02:14 +0000

Италијанската режисерка Лина Вертмилер во својот говор на синоќешното доделување на Гувернеровите награди, повика „Оскарите“ да се преминуваат во „Ана“ награди. Режисерката, инаку добитничка на годинашната Почесна награда на Филмската академија, или „почесниот оскар“, на сцената беше придружувана од глумиците Изабела Роселини и Софија Лорен. Вертмилер е во својата десетта деценија од животот. – Таа би сакала „Оскарот“ да добие женско име. Сака да го вика „Ана“, меѓу другото преведе Роселини од италијански. Потоа, режисерката ги повика сите присутни жени да извикуваат: „Ние ја сакаме ’Ана‘, женски ’Оскар‘!“ Вертмилер во 1975 стана првата жена номинирана за Оскар за најдобар режисер за филмот „Седум убавици“. А, својата нова „Ана“, таа им ја посвети на сопругот и на својата ќерка.

ФОТО: Македонскиот репрезентативец ја запроси девојката – „Таа е моја“

Ивона Петрова — Mon, 07 Jan 2019 09:09:28 +0000

-На некој паричка се паѓа, а на некој прстен. Таа е моја, објави македонскиот репрезентативец во одбојка, Александар Љафтов на „Фејсбук“. Тој за Бадник ја побара за жена својата долгогодишна девојка Ана Додевска.

ФОТО: Кумата Каролина сподели фотографија од среќната невеста Ана

Дарко Андоновски — Mon, 10 Sep 2018 08:18:40 +0000

Водителка и новинар од „Антена 5“ радио Ана Шутиновска вчера се омажи за Гордан Лазаревски, стоматолог од Скопје. Од свадбата на својот „Инстаграм“ профил фотографија сподели Каролина Гочева, која еблиска пријателка со Ана, сега и нејзина кума. Гордан, пак, и сопругот на Каролина, Михаил Корубин се пријатели уште од детството. Невестата носеше уникатна креација, место класичен невестински фустан, таа избра бели пантолони.