Анадолу Ефес – Kurir.mk

Дариус Томпсон потпиша на три години со Анадолу Ефес

Бошко Тасиќ — Sat, 08 Jul 2023 06:33:55 +0000

Кошаркарскиот тим Анадолу Ефес ја доведе замената за Василије Мициќ, кој замина во НБА лигата. Нов кошаркар на турската екипа е Дариус Томпсон. Како што веќе се најавуваше, Американецот доаѓа од Басконија. За тоа шпанскиот тим ќе добие 550.000 евра. Томпсон парафира соработка на три години со Ефес. Минатата сезона во Еврлигата, Томпсон кој дебитираше во ова натпреварување имаше просек од 12,6 поени, со 6,7 асистенции. Низ кариерата претходно тој беше дел од Локомотив Кубан, Лајден и Њу Баскет Бриндизи.

Анадолу Ефес најде замена за Василије Мициќ

Бошко Тасиќ — Thu, 06 Jul 2023 05:09:49 +0000

Поранешниот европски кошаркарски шампион Анадолу Ефес остана без услугите на еден од своите најдобри играчи Василија Мициќ кој реши да се пресели во НБА лигата и во иднина ќе биде дел од Оклахома Сити Тандер. Неговото заминување е проблем за турскиот прволигаш кој ќе мора да најде достојна, квалитетна замена, играч кој во исто време ќе знае да биде ефикасен, но и да ја разигрува екипата кога е потребно. Според последните информации клубот од Истанбул ќе го доведе Дариус Томпсон кој имаше квалитетна сезона во Басконија. Томпсон беше прогласен на најдобар „руки“ во Евролигата, поточно во дебитанската кампања во ова натпреварување имаше учинок од 12,6 поени, 3,2 скока и 6,7 асистенции по натпревар. Проблем за Ефес е тоа што и Олимпија Милано е заинтересирана за Америкецот кој во исто време се надева дека би може да добие понуда и од НБА лигата.

Анадолу Ефес доби нов тренер

Бошко Тасиќ — Wed, 21 Jun 2023 04:09:58 +0000

Испразнетото место на Ергин Атаман во кошаркарскиот клуб Анадолу Ефес, кој од следната сезона ќе го води грчки Панатинаикос, ќе го пополни Ердем Џан, асистентот на Жељко Обрадовиќ додека беше во редовите на Фенербахче. Џан ја започна својата тренерска кариера во Турк Телеком како асистент, потоа две години самостојно раководеше со Ескишехир, а во Фенербахче беше асистент на Обрадовиќ. Исто така, тој беше помошник тренер во тимот на Јута Џез. Потоа се врати како главен тренер во Турк Телеком со кој минатата сезона стигна до финалето на Еврокупот и беше прогласен за најдобар тренер на тоа натпреварување

Познат е наследникот на Атаман во Анадолу Ефес

Бошко Тасиќ — Sat, 20 May 2023 04:48:53 +0000

Сè уште актуелниот европски шампион, Анадолу Ефес во следната сезона ќе биде предводен од тренерот Ердем Џан. Долгогодишниот помошник на трофејниот Жељко Обрадовиќ седнува на клупата на турскиот клуб. Обрадовиќ и Џан во минатото заедно беа дел од Фенербахче. Оваа сезона Џан имаше голем успех со екипата на Турк Телеком, со која успеа да стигне до финалето на Еврокупот каде загуби од Гран Канарија

Двајца шпански тренери во игра за наследник на Атаман на клупата на Анадолу Ефес

Бошко Тасиќ — Tue, 25 Apr 2023 05:21:32 +0000

Ергин Атаман на крајот на сезоната го напушта Андолу Ефес и според грчките медиуми, веќе е договорен двегодишен договор на клупата на Панатинаикос. Двојниот европски првак бара замена за позицијата шеф на струката и го сведе списокот на две имиња. Двајцата се шпански тренери, Пабло Ласо и Чави Пасквал. Во моментов далеку пореална опција е тренерот на Зенит со оглед на тоа што Пасквал, според пишувањата на германските медиуми, се договорил за соработка со Баерн Минхен.

Анадолу Ефес во сериозни проблеми

Бошко Тасиќ — Tue, 11 Apr 2023 04:14:49 +0000

Евролигата ќе добие нов владетел бидејќи екипата на Анадолу Ефес не избори место во плеј-офот и ќе ја заврши сезоната по регуларниот дел. Поради тоа, атмосферата во тимот не е идеална, напротив клубот е во проблеми. Главни причинителни на проблемот се американските ѕвезди Шејн Ларкин и Вил Клајбурн. Имено, в неделата Ефес загуби на гости во турското првенство од Пинар Карсијаке, а по мечот тимот задоцни за летот. Откако им понудиле автобуски превоз назад за Истанбул, сите освен Ларкин и Клајбурн прифатиле. Се зборува дека ѕвездите се на излезните врати, тренерот Ергин Атаман повеќе не смета на нив, а по крајот на сезоната сите тројца веројатно заминуваат од Истанбул.

Атаман поради навреди од публиката предвреме го напушти натпреварот со Фенербахче

Ивона Петрова — Fri, 07 Apr 2023 08:49:59 +0000

Тренерот на Анадолу Ефес Ергин Атаман објасни зошто до крајот не го гледаше синоќешниот натпревар од Евролигата со Фенербахче (86:103). Атаман предвреме отиде во соблекувалните. - Навивачите на Фенербахче почнаа да скандираат навредливи работи. За да го избегнам сето ова, се ракував со Димитрис Итудис, му честитав, а потоа отидов во соблекувалната, изјави Атаман. Гледачите во арената Фенербахче во тој момент скандираа вулгарни слогани упатени кон Атаман. Анадолу Ефес по поразот од Фенербахче ги загуби шансите за пласман во плејофот од Евролигата.

Шампионот Анадолу Ефес остана без место во плеј-офот на Евролигата

Бошко Тасиќ — Fri, 07 Apr 2023 04:56:05 +0000

Кошаркарите на Фенербахче го совладаа Анадолу Ефес со 103:86 во турската пресметка во „Улкер Арена“ и со тоа се доближија до пласман во Топ 8 на Евролигата. Исто така и го елиминираа двократниот последовен шампион на Европа од годинашното издание на Евролигата. Најџел Хејс-Дејвис беше најдобар стрелец на натпреварот со 26 поени. На другата страна Вил Клајбурн постигна 21, а Мициќ уфрли 16.

Евролига: Црвена звезда го урна шампионот Анадолу Ефес

Бошко Тасиќ — Thu, 09 Mar 2023 05:23:39 +0000

Кошаркарите на Црвена звезда во 27 коло од Евролигата го совладаа актуелниот шампион, тимот на Анадолу Ефес со резултат 94:75 . Белградските „црвено-бели“ ја забележаа 12 победа сезонава и останаа во трката за Топ 8. Турскиот клуб има една победа повеќе и натпревар помалку. За српската екипа доминираше Кампацо кој постигна 22 поени, потоа Добриќ 15, а Митровиќ и Бентил по 10. Кај гостите Жижиќ постигна 16 поени, Бубуа 15, а Клајбурн и Мбаје по 12. На табелата Црвена звезда е на 13 место, додека Анадолу Ефес е на 11 позиција. Се одиграа уште два меча во средата: Макаби Тел Авив – Фенербахче 78:74, Монако – Панатинаикос 84:70.

Лоши вести за Атаман – заврши сезоната за Мициќ?

Бошко Тасиќ — Sun, 26 Feb 2023 19:13:50 +0000

Најдобриот играч од претходните Ф4 во Евролигата, кошаркарот Василије Мициќ е во опасност да не заигра за својот клуб до крајот на оваа сезона. Српскиот репрезентативец не играше на мечот против Асвел, а интересно е тоа што клубот не излезе со официјална информација за неговото отсуство. На тоа единствено се осврна тренерот на Ефес пред синоќешниот меч. „Не сум сигурен дека Василије Мициќ ќе се врати на теренот до крајот на оваа сезона“, изјави турскиот стручњак. Неговата изјава делумно ја демантираше менаџерот на Мициќ, Мишко Ражнатовиќ кој за српски медиуми рекол дека во моментов ниш