Анамарија Георгиевска – Kurir.mk

Анамарија Георгиевска е најуспешна млада спортистка на официјалниот избор за спортист на годината

Ивана Ефремовски — Thu, 27 Dec 2018 10:14:37 +0000

Анамарија Георгиевска во 2018-та освои бронзен медал на јуниоското светско првенство во таеквондо кое се одржа во Тунис, тоа е еден од најголемите младински спортски резултати кои што се постигнати во последниве години во Македонија. Анамарија заедно со нејзиниот брат Дејан Георгиевски се едни од најсериозните претендети за освојување на олимписки норми за олимписките игри во Токио 2020-та. Да потсетиме, таеквондото е олимписки спорт и е еден од најбрзорастечките спортови во Македонија. Дејан Георгиевски на овој избор беше номиниран исто така и тоа во најтесна конкуренција за најдобар спортист, додека пак нивниот тренер Борче Костовски беше номиниран во најтесна конкуренција за тренер на годината.

Анамарија Георгиевска е најнадежна млада спортистка во Македонија

Дарко Андоновски — Fri, 21 Dec 2018 09:41:25 +0000

Изборот на најуспешни жени во спортот во 2018 година и додели оскар на Анамарија Георгиевска за најнадежна млада спортистка во Македонија. Анамарија Георгиевска доаѓа од таеквондо клубот Бутел и оваа 2018 година оствари врвен спортски резултат освојувајќи бронзен медал на официјално светско јуниорско првенство во Хаммамет, Тунис нанижувајќи три победи. Ова е еден од најголемите младински спортски резултати во последниот период во македонскиот спорт. Анамарија оваа година е суверена во женскиот младински спорт и се очекува на сите избори да биде прогласена за млада спортистка на годината.

Македонска гордост: Нашата Анамарија со историски успех во олимписко таеквондо

Ивана Ефремовски — Thu, 12 Apr 2018 19:30:36 +0000

Анамарија Георгиевска е трета со бронзен медал на светско првенство во Тунис за јуниори. Таа победи над Египет, Аргентина и Иран, а доживеа пораз во полуфинале од Кореа. -Ова е огромен, историски успех за спортот кај нас и секако еден од најголемите за нашето олимписко таеквондо покрај златниот европски медал на нејзиниот брат Дејан. Гордост македонска. Слава на Господ. Браво, браво Анамарија не’ направи горди, напиша на својот Фејсбук профил, тренерот Дарко Костовски. Анамарија е сигурен учесник и на младинските олимписки игри во Буенос Аирес септември 2018. -Останатите три наши борци покажаа одличен квалитет на ова првенство! Одиме понатака! Трета во свет во олимписки спорт wow, напиша Костовски.