анчелоти – Kurir.mk

Анчелоти: Нема да заминам од Реал додека не ме избркаат

Ивона Петрова — Sun, 12 Feb 2023 14:10:23 +0000

Италијанскиот фудбалски стручњак Карло Анчелоти проговори за својата иднина во Реал Мадрид. Тренерот на мадридскиот клуб го сподели своето мислење по освојувањето на клупското светско првенство. - Нема да заминам додека не ме избркаат, рече Анчелоти. Шеесет и тригодишниот Италијанец има договор со Реал Мадрид до јуни 2024 година. Деновиве се шпекулира дека Анчелоти би можел да ја предводи бразилската репрезентација. По 20 натпревари, Реал Мадрид е на второто место во Ла Лига, со осум бода помалку од Барселона.

Анчелоти: Би сакал повторно да работам со Кедира

Тале Кристо — Sat, 21 Nov 2020 08:23:35 +0000

Тренерот на Евертон, Карло Анчелоти изрази интерес за играчот за врска на Јувентус, Сами Кедира. -Имам одлични спомени од соработката со Кедира. Во Реал Мадрид се покажа како вистински професионалец. Би сакал повторно да работам со него, но тој не е сам. Имаше многу одлични играчи во мојата кариера. Сепак, преселувањето тука во Евертон е друга работа за размислување, истакна Анчелоти за „Goal.com“, Претходно, 33-годишниот Кедира проговори за својата желба да се испроба во англискиот фудбалски шампионат. Договорот на Германецот со Јувентус важи до крајот на јуни 2021 година.

Анчелоти го повикува Тијаго Силва во Евертон

Тале Кристо — Wed, 10 Jun 2020 07:11:39 +0000

Дефанзивецот на Пари Сен-Жермен, Тијаго Силва може да ја продолжи кариерата во Англија. Според „Ле 10 Спорт“, главниот тренер на Евертон, Карло Анчелоти сака да го види искусниот Бразилец во својот тим. Клубот е подготвен да му понуди двегодишен договорот на играчот, на кој ова лето му завршува истекува обврската за соработка со парижаните. Арсенал, Милан, Барселона и Манчестер јунајтед исто така покажуваат интерес за Силва.

Анчелоти: Повторно лошо влеговме на натпреварот

Ристе Здравков — Mon, 03 Sep 2018 09:52:55 +0000

Тренерот на Наполи, Карло Анчелоти по поразот од Сампдорија (3:0) рече дека неговиот тим повторно имал лош пристап.

- Започнавме сосема иста како во првите два круга. Претходно, бевме во можност да го смениме текот на мечот, но со Сампдорија тоа не беше случај. Ова веќе претставува проблем. Ваков став кон играта е неприфатлив. Не мислам дека е неопходно многу да се промени. Само треба да почнеме максимално фокусирани, рече Анчелоти.

Искусниот италијански фудбалски стручњак на тренерската позиција во тимот од Неапол дојде на местото на Маурицио Сари.

По три рунди во Серија А, Наполи има две победи и еден пораз и се наоѓа на 5.место.

Тухел: Анчелоти беше за мене извор на инспирација

Ристе Здравков — Fri, 31 Aug 2018 10:49:50 +0000

Тренерот на ПСЖ, Томас Тухел, не е многу среќен по жрепката на групите за Лигата на шампионите и добивањето на Наполи за ривал каде тренер е Карло Анчелоти. Италијанецот претходно работеше со парижаните, а сегашниот тренер на ПСЖ, Тухел вели дека Анчелоти бил извор на негова инспирација. - Добивме сложена група. Ривалството со италијанските тимови е секогаш тешко, бидејќи тие секогаш се дбро тактички подготвени. Плус Наполи го има на тренерската позиција Карло Анчелоти кој беше одличен извор на инспирација за мене. Тој е одличен тренер, изјави Тухел. Покрај ПСЖ и Наполи во групата се уште Ливерпул и Црвена ѕвезда.

Анчелоти: Во Баерн не сакаа ништо да менуваат

Ристе Здравков — Wed, 29 Aug 2018 07:55:35 +0000

Поранешниот тренер на Баерн Минхен, Карло Анчелоти се присети на деновите поминати во германскиот шампион. Тој кажа дека не успеал во намерата нешто да промени во клубот. - Во Баерн не сакаа да менуваат некои работи кои јас сакав да ги променам. Дојде до судир меѓу мојата и нивната филозофија, изјави Анчелоти. Трофејниот италијански фудбалски тренер во Баерн работеше од 2016 до 2017 година. Во моментов е предводник на Наполи со кого има освоено максимални шест бода на стартот од сезоната во Серија А.

Анчелоти: Неверојатен натпревар, а Гатузо е нешто посебно

Ристе Здравков — Sun, 26 Aug 2018 09:04:04 +0000

Тренерот на Наполи, Карло Анчелоти не ги криеше емоциите за драматичниот натпревар со Милан од второто коло во италијанското првенство. Во првото полувреме гостите од Милано имаа предност од 0:2, но Наполи во вториот дел направи пресврт постигнувајќи три гола и оствари победа од 3:2. - Милан одигра одличен натпревар, но и покрај негативата од 0:2 ние покажавме силна желба за победа и затоа успеавме на крајот да славиме, наведе тренерот на Наполи. Анчелоти во периодот од 2001 до 2009 година беше тренер на Милан, а овојпат за ривал на клупата го имаше поранешниот ученик Џенаро Гатузо. - Имам многу спомени од моите поранешни играчи, но со Гатузо е нешто посебно. Ова беше неверојатен натпревар за мене, еден од најемоционалните. Среќен сум што го видов него, истакна Анчелоти. Тренерот на Милан ја презеде одговорноста за поразот. По две кола Наполи има максимален учинок, а за гостите од Милано ова беше прв пораз сезонава.