Андон Бошковски – Kurir.mk

ВИДЕО: Изненадување на последниот тренинг на фудбалерите, еве кој ги посети

Ристе Здравков — Tue, 21 Mar 2023 19:21:12 +0000

На денешниот тренинг фудбалерите кои се подготвуваат за натпреварот против Малта со кој ги стартуваат квалификациите за Европското првенство во 2024 година имаа пријатно изненадување. Андон Дончевски, првиот селектор во историјата на независна Македонија беше гостин на тренинг центарот „Петар Милошевски“. Секако дека присуството на легенда како Дончевски е дополнителен мотив за македонските репрезентативци. Натпреварот против Малта, Македонија го игра во четврток од 20:45 часот на арената „Тодоро Проески“. Три дена подоцна, исто така во Скопје ќе играме пријателски натпревар против Фарски Острови.

Лазаров се прости од Бошковски: Реткост е во денешно време да имаш блиски луѓе, а ти ми беше еден од ретките

Бошко Тасиќ — Sun, 25 Sep 2022 06:06:02 +0000

Македонскиот ракомет остана без еден од тренерите што животот му го посвети на овој спорт, Андон Бошковски. Селекторот Кире Лазаров го упати последниот поздрав кон неговиот поранешен соработник во клубот КЛ7 и во репрезентацијата на Македонија. „Почивај во мир, Дондо мој… Реткост е во денешно време да имаш блиски луѓе а ти ми беше еден од ретките.. Многу нефер од твоја страна.. Направивме многу заедно Знаевме и да се скараме но се сакавме/почитувавме Беше многу поквалитетен од тоа што мислеа но тоа не е битно јас знаев што имам покрај себе.. Нека ти е лесна земја и светол патот..

ТАЖНА ВЕСТ: Почина ракометниот тренер Андон Бошковски

Ивана Ефремовски — Sat, 24 Sep 2022 11:15:16 +0000

Познатиот македонски ракометен тренер Андон Бошковски починал синоќа ненадејно на 47 годишна возраст, соопшти Ракометната федерација на Македонија. Бошковски беше роден на 5 октомври 1974 година. Како играч настапуваше за составот на Работнички и за кадетската репрезентација на Македонија пред млад да ја заврши играчката кариера поради повреда на раката. Работеше како тренер во Металург, Вардар, Струга, Голден Арт, Радовиш. Последниот ангажман го имаше на Косово. Беше дел и од стручниот штаб на ракометната репрезентација на Македонија каде работеше во периодот од 2008 до 2013 година. Неодамна македонскиот ракомет остана и без таткото на Андон и еден од основоположниците на ракометот во нашата земја Лефтер Бошковски. Редакцијата на КУРИР изразува сочувство до неговото семејство

Андон Бошковски останува во Вучитрн

Бошко Тасиќ — Sat, 20 Aug 2022 04:22:08 +0000

Македонскиот стратег Андон Бошковски кој на почетокот на годинава го презема тимот на Вучитрн од Косово, ќе го продолжи својот престој во косовската екипа и наредната сезона, откако потпиша нов договор. Покрај Бошковски, во екипата на Вучитрн, ќе игра и македонскиот интернационалец Стефан Андонов, кружен напаѓач кој настапуваше во тимовите на Еурофарм Пелистер 2 и Скопје. Вучитрн го освои шампионскиот пехар во Првата лига на Косово минатата сезона и обезбеди камбек во најквалитетното косовско натпреварување. Екипата на македонскиот стратег беше единствената екипа без пораз во прволигашкото друштво, додека останатите конкуренти за првото место имаа два или повеќе порази на свое конто.

Андон Бошковски ќе води тим од Косово

Бошко Тасиќ — Sun, 20 Feb 2022 16:49:41 +0000

Уште еден ракометен тренер од Македонија во продолжение од сезоната ќе работи на Косово, а тоа е Aндон Бошковски кој го презема водењето на екипата на Вуштрија (Вучитрн). Тој веќе дебитираше за новиот клуб и тоа со победа на гостувањето кај Лепенци од 39:29 со што продолжи сигурниот од кон првото место на табелата и пласманот во Супер лигата. Бошковски ќе има сериозна задача бидејќи се очекува да го внесе клубот во најсилната лига на Косово.

Андон Бошковски веќе не е тренер на Пролет

Бошко Тасиќ — Sun, 28 Nov 2021 19:17:55 +0000

Македонскиот ракометен тренер, Андон Бошковски повеќе не е тренер на прволигашот Тинекс Пролет. Клубот одлучи да ја прекине соработката со Бошковски, а причината за тоа се лошите резултати во последно време, три во низа од кои последниот беше против Металург кој во изминатиов период се соочува со многу проблеми и имаше дури и штрајк поради неисплатени плати. Пролет му се заблагодари на Бошковски за сработеното во изминатиот период и му посака многу среќа во идните ангажмани.

Андон Бошковски нов тренер Тинекс Пролет

Бошко Тасиќ — Sat, 26 Jun 2021 17:24:12 +0000

Тинекс Пролет за нов тренер го ангажираше Андон Бошковски со кого потпиша договор на две години.

Екипата на Тинекс Пролет минатата сезона беше одлична во шампионатот и го освои третото место, па главна задача на новиот предводник ќе му биде да го повтори успехот. Бошковски минатата сезона беше тренер на Голден Арт КЛ7, каде што помогна во развојот на младите ракометари на тимот, по што седна и на кормилото на Радовиш со кој обезбеди опстанок во елитата. .

Андон Бошковски нов стратег на РК Радовиш

Бошко Тасиќ — Wed, 24 Mar 2021 21:47:45 +0000

Андон Бошковск официјално е нов тренер на Радовиш. На местото на Љупче Мијалов седнува стратег со долгогодишно тренерско искуство,. Бошковски од понеделникот е во Радовиш и веќе започна да го крoи планот за новите предизвици, а своето деби во новиот клуб ќе има в сабота против Тиквеш, тим кој плеј-аутот го започна перфектно, со три победи. Неговиот стручен штаб сè уште не е познат, а од Радовиш се надеваат дека Мијалов ќе остане и ќе му помогне на тимот да обезбеди опстанок во елитното ракометно натпреварување.

Бошковски повеќе не е тренер на Голден Арт КЛ7

Ивана Ефремовски — Fri, 15 Jan 2021 20:03:31 +0000

Ракометниот клуб Голден Арт КЛ7 вечерва ја информира македонската спортска јавност дека ја прекинува соработката со тренерот Андон Бошковски. -Денес, 15 јануари 2021 година престануваат сите обврски за ангажман како главен тренер во клубот на досегашниот прв тренер Андон Бошковски. На Бошковски му благодариме на досегашната соработка и за придонесот во развој на нашиот проект и му посакуваме многу успех во следните ангажмани, стои во соопштението на суперлигашот. Клубот во текот на следните неколку дена ќе информира за новото решение на тренерската позиција. (МИА)