андон чибишев – Kurir.mk

Чибишев за труењето со опасниот пестицид „Ланате“: Ова што сега се случи за жал, со еден изгубен живот е врв на ледениот брег од она што се случуваше во минатото

Тале Кристо — Sun, 22 Oct 2023 16:35:00 +0000

Ова што сега сеслучи за жал, со еден изгубен живот е врв на ледениот брег од она што се случуваше во минатото. Јас неколку пати имам давано изјави во врска со тоа бесчовечно и безмилосно труење на кучињата скитници кои како што опишуваа граѓаните умираа во една страшна агонија и околу нив се собираат љубопитни деца тоа го гледаат, практички невозможно е во таков случај да се случи труење, но теоретски е можно, некои од децата да го допира и да дојде во контакт, изјави вчерашното гостување во „Тема на денот“ во Дневникот на Сител телевизија Д-р. Андон Чибишев. -Метомилот е генеричко име на еден пестицид, кој што припаѓа на големата група пестициди кои што наоѓаат голема примена во земјоделието и секојдневниот живот. Заштитното име е Ланате. Инаку пестицидите според намената можат да бидат инстикциди за уништување инсекти, фунгициди за уништување на габи, хербициди за уништување на штетна плева и тн. Според хемискиот состав можат да бидат органофосфорни пестициди, карбамати и други. Метомилот припаѓа во групата карбаматни пестициди, објасни Чибишев. -Морам да нагласам дека едно современо земјоделие неможе да се замисли без употреба на пестициди, меѓутоа во позитивните законски прописи кои што се донесени во Република Македонија многу строго се дефинирани, како се произведува, како се дистребуира и како се употребуваат одредени хемикалии кои што се користат во земјоделието. Истото е регулирано во законот за пробет на отрови, истакна доктор Чибишев. -Ова што сега сеслучи за жал, со еден изгубен живот е врв на ледениот брег од она што се случуваше во минатото. Јас неколку пати имам давано изјави во врска со тоа бесчовечно и безмилосно труење на кучињата скитници кои како што опишуваа граѓаните умираа во една страшна агонија и околу нив се собираат љубопитни деца тоа го гледаат, практички невозможно е во таков случај да се случи труење, но теоретски е можно, некои од децата да го допира и да дојде во контакт, изјави тој. Во продолжение погледнете го целото интервју на Д-р Андон Чибишев:

Големо признание за доктор Чибишев, се најде во групата на топ 50 автори истражувачи во Македонија

Ивона Петрова — Thu, 12 Oct 2023 05:54:13 +0000

Доктор Андон Чибишев е дел од топ 50 автори истражувачи во Македонија, објави SCIMAGO INSTITUTIONS RANKINGS. -Вчера видов на страницата на SCIMAGO INSTITUTIONS RANKINGS која е меѓународна истражувачка група, дека сум во групата на ТОП 50 автори истражувачи во Република Македонија за периодот 2017-2021 година. Ова е големо признание за мене и мојот труд вложен во истражувањата во областа на медицината, објави Чибишев.

Чибишев: Четврти пат во последните две години во Македонија влегуваат производи со зголемена концентрација на афлатоксин

Ивона Петрова — Thu, 05 Oct 2023 13:36:47 +0000

Зголемено ниво на присуство на афлатоксин беше откриено во млеко. Скандалот го откри опозицијата, а од надлежните институции смируваа дека млекото со зголемена концентрација на канцерогената супстанца не е стигнато до рафтовите во маркетите. Сепак, докторот од Клиниката за Токсикологија Андон Чибишев смета дека веќе вознемирува што стана редовна тема за која докторите и медиумите коментираат извесен период. Појаснува дека афлатоксинот е супстанца која ја излачува една габа, ја има обично во простории каде има одреден степен на влага и топлина. Најчестро се среќава кај зрнести растенија и така стигнува до прехранбените производи. Чибишев потенцира дека за афлатоксин има податоци кои говорат дека претставува една од најканцрогените супстанции кои ги има во природата. -Во последните две години чинам ова е четврти пат како на Македонија и на нашите надлежни институции ни влегуваат производи кои имаат зголемена концентрација на афлатоксин повисока од стандардите кои се пропишани. Тоа не го соопштуваат надлежните институции, туку ќе се најде некоја невладина организација или опозицијата, и ќе кажат дека во одреден производ има високо ниво на афлатоксин. Дури тогаш се алармираат надлежните институции и почнуваат да го коментираат тоа, да ја убедуваат јавноста дека производот е запленет, тргнат од употреба или вратен во земјата од каде е дојден, што мислам дека е недозволиво. Како наши производи кои ние ги извезуваме, како Хрватска на граница ги запре пиперките кои доаѓаа од Македонија и го информираше целиот систем на ЕУ и експресно ги вратија назад во Македонија. Како нашиве институции тоа не го детектирале на граница, значи производот е влезен во Македонија, дистрибуиран во трговска мрежа, кој знае колку време сме го консумирале и колку време некој го купувал. Тоа ме загрижува, вели докторот Чибишев во утринската емисија на Сител телевизија. Посочува дека акутните труења со афлатоксин се исклучително опасни и тешки и можат да бидат животнозагрозувачки. Континуираниот внес на производи со повисока од пропишаната концентрација на афлатоксин, може особено штетно да влијаат по здравјето на децата и младите. Чибишев вели дека институциите со многу несериозни изјави излегуваат во јавноста која, како што вели тој, треба да биде крајно информирана што влегува во државата. -Јас веќе во ништо не сум сигурен. Не видовме доказ дека пиперките кои се вратени во Македонија се уништени, не видовме доказ иако беше најавено, дека млекото со афлатоксин е вратено, додава докторот.

Чибишев: За скандалот Онкологија има конкретни сторители кои мора да ги знаеме да за се смират граѓаните и да се врати довербата во здравството

Ивона Петрова — Mon, 11 Sep 2023 17:23:58 +0000

Каде е Фондот за здравство, дава средства, ја контролира работата на јавните здравствени институции, а за проблемот Онкологија се зборува долго време, а последните две години премногу и дури сега стартуваше некоја истрага од која нема ништо, рече доктор Андон Чибишев член на Комисијата за здравство на ВМРО-ДПМНЕ во врска со случајот Онколигија во гостување на емисијата За или против на телевизија Алфа. „Некој внатре во институцијата многу нечоовечки, морбидно крател дози и јас сега шплклулирам од тоа што читам, луѓе сведочат за чување ампули во џеб. Јас читам изјави од засегнати, како им се барале пари, услуги за да може некој да се лекува. Тоа е под секое ниво, тоа е дно. Ние не треба да ги бараме виновниците, има државни институции кои ги плаќаме за тоа, за да утврдат што се случувало и да не информираат кои се тие и истите да одговараат“, вели Чибишев. Докторот додаде дека кај нас има низа на случаи, низа на починати и никаква казна. Чибишев се осврна на и на тоа што като системот не е ставен во функција, а го има. „Тој систем можел да врши контрола и ќе се знаело како влегуваат во Клиниката, како се трошат, што останува. Зошто е исклучен? Веројатно само тие кои го направиле тоа можат да го објаснат. Државата набавила таков систем, а не го употребувале. Сите држави го имаат и го користат, а ние го исклучуваме за сами да си мериме. Тоа што го направиле тие имале умисла, имале намера што ќе прават па го исклучиле“, кажа Чибишев. Според докторот мора да има разрешница за случајот Онкологија. -Овој случај има име и презиме, тоа мора да се каже за да се смират граѓаните и да се врати довербата во здравството“, заклучи Чибишев. Докторот се осврна и на одливот на кадар од здравството. „Многумина заминаа поради подобри услови и примања, некои одат и само поради подобри услови за работа, не е секогаш за пари. Помошниот и средниот медицински персонал има многу ниски примања и заминуваат и работат нешто сосема друго“, вели Чибишев.

Чибишев: Случајот Онкологија е смртоносен удар на здравствениот систем на Македонија

Ивона Петрова — Mon, 11 Sep 2023 16:37:56 +0000

Најгрозоморната, најтраорната афера која се случила во здравството во понова историја, вака доктор Андон Чибишев член на Комсијата за здрасвтво на ВМРО-ДПМНЕ го коментира скандалот Онколигија во гостување на емисијата За или против на телевизија Алфа. „Во мојата долгогодишна кариера немам доживеано вакво нешто. Поминаа десет дена и откако од МВР влегоа на Онкологија ги повикав сите да не брзаме со етикетирања, пресуди, туку државните органи да ја завршат истрагата за да добиеме слика што се случувало на Онколигија. Но, времето покажува дека нема ништо“, рече Чибишев. Според него ова е смртомносен удар на здравствениот систем на Македонија и ќе треба долго време за да се продолжи со работа како што треба. „Ова е страшна ситуцаија која секој нормален многу го има вознемирено. Во наредниот што пократок период мора да се излезе со сознанија, а не сум видел ниту официјално лице, ниту официјален орган и да каже до таму сме, продолжуваме“, рече Чибишев. Докторот укажа дека треба тим од обвинители кои 24 часа ќе ја прегледуваат документацијата и тоа што побрзо да го споделат со јавноста зошто јавноста е крајно вознемирена. „Луѓето во нас гледаат спас и ако ние не им помогнеме тие одма помислуваат на заткулисна работа. Добивам впечаток дека тоа малку се одолговлекува и се дава веме да се прикријат документи, да се заштитат. Се изненадив што обвинителствто дозволило да учествуваат пациенти. Во официјална истрага може да учествуваат само официјални лица како ќе се договориме кои ќе бидат дел од истрагата, а со тоа ќе се одолговлекува“, кажа Чибишев.

Заев и Филипче суетно не ги слушаа стручните лица во здравството, доктор Чибишев предупредуваше за модуларните болници

Ивана Ефремовски — Tue, 15 Aug 2023 13:29:21 +0000

Се отвора едно многу сериозно прашање: Зошто ние како држава, како здравствен систем се ослонивме на модуларните болници? Ние имаме одредени капацитети по инфективните одделенија, по интернистичките одделенија, каде што можевме да хоспитализираме вакви пациенти на кои им е потребна интензивна медицинска нега, истакна доктор Андон Чибишев во септември 2021-ва година. Во тоа време власта предводена од Зоран Заев и министерството за здравство на чие чело беше Венко Филипче не ги почитуваа советите од стручни лица во фелата, па така ниту оваа изјава на докторот не ја зедоа предвид. „Сметам дека модуларните болници не се капацитети во кои може да се пружа интензивна медицинска нега. И требаше од почетокот на пандемијата од февруари-март 2020-та до денес, имаме 4 брана, меѓу брановите кога имавме одредено смирување на епидемиолошката ситуација, требаше да мислат надлежните како да се зголемат инфраструктурно капацитетите. Како да се зголеми стручниот кадар затоа што ние немавме ни доволно инфектолози, ниту луѓе кои се оспособени да третираат такви тешки пациенти, поставени на респираторна машина, рече тогаш Чибишев. Во тоа време кога Македонија секој ден броеше жртви, се случи и една од најголемите трагедии во понова историја. Во пожар во модуларната болница во Тетово до смрт изгореа 14 лица. Тој кобен 8-ми септември во 2021-вата година, од болка занеме цела Македонија. Речиси две години подоцна, политичарите кои во тоа време ги носеа одлуките, молчат како да го заборавиле случајот. Одговорност не понесе никој. Дали овој ужас беше лекција за посовесни одлуки кога станува збор за човечки живот? Најверојатно не. Стручните лица во здравството имаа што да кажат, но немаше кој да ги чуе. Кога Чибишев даваше стручни проценки беше напаѓан дека шири паника. А за паника имаше место и тогаш, а има и денес. КУРИР побара одговор од Минитерството за здравство дали уште низ Македонија се во функција модуларни болници, но од таму до објавување на овој текст не добивме одговор.

Чибишев после информациите за пестициди во земјоделските прозиводи: Тоа се хемикалии кои ги загрозуваат сите органи во организмот

Дарко Андоновски — Thu, 01 Jun 2023 19:08:56 +0000

Во гостувањето на Алфа ТВ Д-р Андон Чибишев истакна дека во сите правни и организирани држави законски се регулирани концентрациите на пестициди кои можат да се користат и кои што можат да бидат присутни во соодветните земјоделски производи. Тој посочи дека според информациите кои што циркулираат во јавноста и медиумите во Македонија има земјоделски производи со високо ниво препарати инсектициди што може да бидат штетни и многу опасни по човековото здравје. „Во сите правни и организирани држави законски се регулирани концентрациите кои можат да се користат и кои што можат да бидат присутни во соодветните земјоделски производи. Сведоци сме дека многу пати, ова не е прв пат, на нашите пазари се среќаваат земјоделски производи, во кои што соодветните државни институции, имаат детектирано присуство на пестициди во зголемени концентрации, во концентрации кои што се недозволиви и кои што можат да бидат штетни за човековото здравје“ нагласи Чибишев. Д.р Чибишев додаде и дека според информациите кои што циркулиратт во јавноста и медиумите се работи за препарати инсектициди кои што се користат за уништување на инсекти, а внесени во човековиот организам се опасни особено за бремени жени и деца. „Она за што ние зборуваме и е детектирано според информациите кои што циркулираат во јавноста се препарати инсектициди кои што се користат за уништување на инсекти. Тие внесени во организмот во голема количина може да бидат многу опасни, дури и за животот, меѓутоа хронично внесувани во мали количини можат и те како сериозно да го нарушат здравјето посебно кај деца кај бремени жени и повозрасни индивидуи. Зборуваме за хемикалии кои ги загрозуваат сите органи во организмот“ истакна Чибишев

Чибишев за пестицидите во увезениот зеленчук: Исклучително токсични хемикалии кои може сериозно да го загрозат здравјето

Ивона Петрова — Mon, 29 May 2023 13:29:16 +0000

Доктор Андон Чибишев, откако во јавноста беше објавено дека во увезени домати е детектирана недозволена количина на пестициди –инсектиции означени како Хлорперифос метил и Перимифос метил, истакнува дека се работи за хемикалии кои припаѓаат на групата на пестициди кои според хемискиот состав се органофосфорни соединенија и се користат воглавно како инсектициди. -Се работи за исклучително токсични хемикалии кои во САД и Европската унија се забранети да се користат во земјоделството. Според Законот за хемикалии и во Македонија овие токсични супстанции се ставени во препарати кои се штетни за човековото здравје и треба да се користат под строго утврдени правила. Инаку, внесени во човековиот организам доведуваат до пореметување на одредени метаболни процеси при што со блокирање на одредени ензими доаѓа до натрупување на други материи кои во високи концентрации можат сериозно да го нарушат здравјето, вели Чибишев. Докторот истакнува тие имаат афинитет кон периферниот и централниот нервен систем, кардиоваскуларниот и респираторнит систем и можат да го нарушат видот. -Внесени во поголема количина можат да го загрозат и животот, а внесувани хронично во помали количини можат на пократок и подолг рок сериозно да го нарушат човековото здравје. Соодветните државни институции се на потег, нагласува Чибишев.

Чибишев: Македонија се наоѓа во епидемиолошки хаос и здравствено безредие

Ристе Здравков — Sat, 14 Jan 2023 08:20:08 +0000

За жал морам да констатирам дека Македонија се наоѓа во епидемиолошки хаос и здравствено безредие. Веќе неколку месеци има многу пациенти со тешки респираторни симптоми кои траат подолго од вообичаено, посебно кај децата, се вели во Фејсбук статусот на доктор Андон Чибишев. -Амбулантите и болниците се преполни со пациенти кои имаат температура, кашлаат, имаат воспаленија на бели дробови, а надлежните институции се уште немаат објаснување за каква инфекција се работи. Дали е тоа корона (кракен), бактерија, друг вирус или нешто четврто. Во неколку градови во државата нема педијатри, колегите гинат на работните места, не можат на сите на им помогнат, во други градови нема одредени медикаменти , општо нема лекови за ретки болести. Жално, неприфатливо, дно, истакна Чибишев.

Чибишев: Амонијакот е исклучително токсичен и ако се вдише може да предизвика компликации

Ристе Здравков — Mon, 26 Dec 2022 10:52:22 +0000

Токсикологот Андон Чибишев од Клиниката за токсикологија рече дека амонијакот е исклучително токсичен и ако се вдише може да предизвика комплкации, и лекувањето е тешко и долготрајно. Градоначалникот на Пирот Владан Васиќ синоќа прогласи вонредна состојба во тој град во Србија, откако два вагони-цистерни од воз кој превезувал амонијак се лизнале и паднале во реката Нишава кај Сопотски хан. Како што објави пиротскиот портал Плусонлајн.рс, 51 лице е хоспитализирано со симптоми на труење поради истекување на гас и висока концентрација на амонијак во воздухот, а поради прогласувањето вонредна состојба училиштата во Пирот денес нема да работат.