андон ќосето – Kurir.mk

Маневски: Петре Шилегов лаже дека спомен обележјето на Андон Јанев – Ќосето е дивоградба

Ивона Петрова — Wed, 28 Feb 2018 10:38:14 +0000

Советникот од ВМРО-ДПМНЕ во Град Скопје Михајло Маневски вели дека спомен обележјето на Андон Јанев - Ќосето е подигнат со Одлука на Советот на Град Скопје и истиот не е довоградба. Согласно член 18 од Законот за меморијални споменици и спомен обележја, за подигање, чување, одржување, заштита и користење на спомен-обележја, Советот на општините, Советот на град Скопје и Советите на општините во градот Скопје донесуваат Одлука.

ОДЛУКА за подигање, чување, одржување, заштита и користење наспомен-обележје на Андон Лазов Јанев – Ќосето донел Советот на град Скопје на седницата одржана на 14 јули 2014 година. Одлуката на Советот на град Скопје е објавена во Службен весник на град Скопје бр.9 од 15 јули 2014 година.

Одлуката на Советот на град Скопје гласи: “Врз основа на член 36 од Законот за локалната самоуправа („Службен весник на Република Македонија број 05/02) и член 18 од Законот за меморијалните споменици и спомен обележјата („Службен весник на Република Македонија“ бр. 66/2004 и 89/2008) Советот на Град Скопје на дваесет и осмата седница, одржана на14 јули 2014 година, донесе

ОДЛУКА за подигање, чување, одржување, заштита и користење на спомен-обележје на Андон Лазов Јанев - Ќосето Член 1

Со оваа одлука, Советот на Град Скопје ја утврдува потребата за подигање, чување, одржување, заштита и користење на спомен-обележје на Андон Лазов Јанев- Ќосето заради одбележување на делото и оддавање почит на личноста на Андон Лазов Јанев-Ќосето кое ќе претставува трајно ликовно одбележување за времето на Илинденското востание и неговиот лик како една од нејзините истакнати фигури. Спомен обележјето е скулптура изработена во бронза и поставена на постамент. Член 2 Спомен-обележјето од член 1 на оваа одлука ќе се подигне во Скопје на крстосницата на бул. Гоце Делчев и бул. Крсте Мисирков, на аголот кај Судска палата (комплекс судови);. Член 3 За спроведување на постапката за подигање на спомен-обележјето од член 1 на оваа одлука се грижи и одговорно тело е Одборот за подигање на спомен-обележјето. Одборот од став 1 на овој член се состои од претседател и 2 членa... Мандатот на Oдборот од став 1 на овој член е до завршување на спомен-обележјето”.......... Во натамошните одредби од Одлуката се наведува дека за подигање на Спомен-обележјето финансиски средства се обезбедени од донации, а за чување, одржување, заштита и користење на Спомен-обележјето од член 1 на оваа одлука ќе се грижи Град Скопје. Средствата за таа намена се обезбедуваат од Буџетот на Град Скопје. Во членот 6 од Одлуката се наведуваат дека податоци и параметри за градбата и просторот, а имено дека “Спомен обележјето е скулптура изработена во бронза и поставена на постамент, која ќе се постави во град Скопје на крстосницата на бул. Гоце Делчев и бул. Крсте Мисирков, на аголот кај Судска палата(комплекснаСудови). Димензиите на локацијата се цца5мх5м, а нејзината висина е цца 10м. Составен дел на Одлуката е графички дел кој се состои: Во графичкиот приказ сосема јасно е видливо дека е определена маркица за спомен-обележјето на аголот на булеварите Гоце Делчев и Крсте Мисирков во комплексот судови. Определени се и димензиите на постаментот 4,47 на 4,43 см и висина на постаментот и скулптурата.

Димензии на постаментот

Димензиите на постаментот и скулптурата

Маневски вели дека при една вакава неспорна состојба дека спомен обележјето е изградено согласно Одлуката на Советот на град Скопје на локација на која е определена маркица и со определените димензии на постамантот и скулптурата, не може да стане збор за дивоградба. -Тоа е голема лага на градоначалникот Петре Шилегов, пресметана и со цел да се прикрие самоволието и злоупотребата на службената положба на градоначалникот. Градоначалникот не може самоволно да ги менува одлуките на Советот на Град Скопје. Градот Скопје воопште не е извршен орган на општината Центар. Овде се работи за едно самоволно, незаконско и швервцерско сценарио да се руши спомен обележје изградено согласно закон, вели Маневски.

Советот на општина Сопиште бара од донаторот на спомен обележјето Андон Ќосето да се согласи да го отстапи на општината

Ивана Ефремовски — Tue, 27 Feb 2018 14:24:18 +0000

Советот на општина Сопиште, на предлог на советничката група на ВМРО-ДПМНЕ, донесе одлука со која бара од донаторот на спомен обележјето Андон Ќосето да се согласи да го отстапи на општина Сопиште, по што истиот ќе биде поставен на територијата на општина Сопиште. -Предлог локацијата е на самиот влез кај големиот Кружен тек на патот за Сончев град. Истата активност нема да биде на финансиски товар на општината, односно за спомен обележјето е веќе изработено, а за изработка на постаментот ќе бидат побарани донатори кои ќе имаат волја да помогнат. Споменикот на Андон Ќосето нема да дозволиме да биде стопен. Тој гордо ќе биде поставен во општина Сопиште, а граѓаните на општина Сопиште ќе имаат спомен обележје од овој значаен историски лик. Ние како општина покажуваме, за разлика од други дека приоритет даваме на изградбата а не на рушењето, истакна денес Јане Мицевски, Претседател на Советот на општина Сопиште. Тој вели дека оваа иницијатива потегна од самите жители на општината, која преку денешната седница на Советот ја поднесоа советниците од редовите на ВМРО-ДПМНЕ.

Џамбазки: Рушењето на споменикот на Ќосето е дел од договорот за добрососедство со Бугарија

Ивана Ефремовски — Fri, 23 Feb 2018 17:34:53 +0000

Европратеникот Ангел Џамбазки, од редовите на ВМРО-БНД на Красимир Каракачанов, вели дека отстранувањето на споменикот на македонскиот раволуционер Андон Јанев Лазов – Ќосето е всушност исполнување на договорот за добрососедство со Бугарија. Џамбазки пишува дека треба да се побара споменикот да и се даде на Бугарија и да се постави во Благоевград. – Одлична вест за бугарската каузаа во Македонија. Андон Ќосето е еден од видните дејци на ВМРО, заслужен бугарски национален револузионер, докажан бугарски воин. Поставувањето на тој споменик беше провокација врз бугарската историја. Неговото рушење е дел од исполнувањето на договорот со Бугарија, напиша Џамбазки на наеговиот фејсбук профил. Џамбазки дополнително пишува: – Туку што Стефан Братанов ми даде одлична идеја. Не е лошо да го земеме споменикот и да го поставиме во Благоевград. Затоа што Ќосето таму починал во 1953 година, стои во Фејсбук статусот на Џамбазки. Како што тврди Џамбазки, рушењето на споменикот на Ќосето е дел од договорот со Бугарија кој Заев го потпиша со Бугарија, а со кој Република Македонија се јавува како оштетена страна во однос на Република Бугарија, која триумфира со договорот.

Џамбазки со предлог до Заев: Дајте ни го споменикот на Ќосето да го ставиме во Благоевград

Ивана Ефремовски — Fri, 23 Feb 2018 16:15:26 +0000

Европратеникот Ангел Џамбазки, од редовите на ВМРО-БНД на Красимир Каракачанов, вели дека отстранувањето на споменикот на македонскиот раволуционер Андон Јанев Лазов - Ќосето е всушност исполнување на договорот за добрососедство со Бугарија. Џамбазки пишува дека треба да се побара споменикот да и се даде на Бугарија и да се постави во Благоевград. - Одлична вест за бугарската каузаа во Македонија. Андон Ќосето е еден од видните дејци на ВМРО, заслужен бугарски национален револузионер, докажан бугарски воин. Поставувањето на тој споменик беше провокација врз бугарската историја. Неговото рушење е дел од исполнувањето на договорот со Бугарија, напиша Џамбазки на наеговиот фејсбук профил. Џамбазки дополнително пишува: - Туку што Стефан Братанов ми даде одлична идеја. Не е лошо да го земеме споменикот и да го поставиме во Благоевград. Затоа што Ќосето таму починал во 1953 година, стои во фејсбук статусот на Џамбазки. Како што тврди Џамбазки во својот напис на фејсбук, рушењето на споменикот на Ќосето е дел од договорот со Бугарија кој Заев го потпиша со Бугарија, а со кој Република Македонија се јавува како оштетена страна во однос на Република Бугарија, која триумфира со договорот. ВМРО-ДПМНЕ алармираше дека договорот со Бугарија е асиметричен. Од партијата велеа дека од договорот произлегуваат повеќе обврски и отстапки за државата отколку права. - Договорот вака конципиран и потпишан има сериозни недостатоци, и веројатно последиците од неспособноста на владата на Зоран Заев, Република Македонија ќе ги трпи во подолг временски период. На тој начин сите ние, граѓаните, ќе бидеме во состојба на хаос и неизвесност, кажа сегашниот претседателот на ВМРО-ДПМНЕ, Христијан Мицкоски, од пресконференција на партијата во август минатата година. Јавноста се прашува уште колку дополнителни обврски за кои граѓаните не се информирани ќе произлезат од штетните договори на Заев. Што уште граѓаните на Република Македонија ќе треба да проголтаат поради антидржавните политики на премиерот.

Не стивнуваат реакциите за отстранувањето на споменикот на Ќосето (ФОТО)

Ивана Ефремовски — Thu, 22 Feb 2018 10:22:28 +0000

Не стивнуваат реакциите по отстранувањето на споменикот на Андон Ќосето во Скопје. Во три часот наутро, на шверцерски начин, споменикот беше отстранет. Граѓаните на социјалните мрежи го коментираат овој чекор на градските власти. „Сакате да си играме рушење, ајде повелете. Владата ќе ги сруши спомениците, а ние ќе ја срушиме Владата“ „Македонскиот споменик на Ќосето срушен, ајде да ве видам рушете ги на УЧК низ Македонија“ „Со рушење на споменици, не можете да ја избришете колективната свест на Македонците“ „Затвораме детски болнички оддели, рушиме споменици, менуваме имиња на патишта, воведуваме данок на физички лица, оставаме деца да бидат силувани, поддржуваме продукција на УЧК песни. Ме радуваат меркиве на Владата. Токму во центарот на приоритетите“ „Се плашевте од споменикот на Ќосето, сега мир ќе немате од сенката на Ќосето“

ИСИС во Сирија и СДСМ во Македонија рушат споменици: Во 3 часот изутрина на шверцерски начин тргнат Ќосето

Ивана Ефремовски — Thu, 22 Feb 2018 08:08:14 +0000

Споменикот на Андон Ќосето ноќеска во 3 часот по полноќ е отстранет од пред Врховниот суд во центарот на Скопје. Споменикот е однесен во магацините на Металски завод Тито. Ваков начин на отстранување на споменици не е запомнет на овие простори. Истиот наликува само на она што ИСИС го прави во Сирија, па по нивни стапки и СДСМ го прави тоа во Македонија. Бура од реакции на социјалните мрежи. Граѓаните порачуваат дека кога веќе СДСМ ништо не гради, тогаш не смее ниту да руши. Според граѓаните, со овој шверцерски начин на отстранување на споменици, власта на Зоран Заев и Град Скопје предводено од Петре Шилегов, како и општина Центар на Саша Богдановиќ, ја разлутија јавноста.