андон сарамандов – Kurir.mk

Сарамандов: За овие две години се реализираа проекти кои се ветени во програмата, но и проекти кои произлегуваат од барањата на граѓаните

Ивана Ефремовски — Tue, 17 Oct 2023 16:52:34 +0000

„Изминуваат две години откако ја презедов функцијата градоначалник на општина Гевгелија, период во кој реализиравме повеќе проекти на целата територија на нашата општина“, истакна градоначалникот на општина Гевгелија, Андон Сарамандов на денешната средба со граѓани во Миравци, во рамки на кампањата „Важно е! Од тебе зависат промените!“.

Сарамандов додаде дека тој неговиот тим даваат се од себе за да ги реализираат ветувањата кои ги имаат ветено на граѓаните во програмата.

„Но, истовремено реализираме и нови проекти кои не беа во програмата, но кои произлегуваат од барањата на нашите сограѓани. Ги решаваме во континуитет инфраструктурните проблеми, се подобрува патната инфраструктура, се градат нови водоводни мрежи и се обновија неколку значајни културни центри. Се реализираат проекти и од образованието, и од социјалната политика“, рече градоначалникот на општина Гевгелија.

Тој посочи дека локалната самоуправа дава целосна поддршка и финансиска, и логистичка, и на спортските и на културните настани.

„Во наредниот период секој од вас ќе добие отчет за сработеното на локалната самоуправа во овие две години“, нагласи Сарамандов.

„Претседателот на ВМРО-ДПМНЕ, Христијан Мицкоски редовно доаѓа во нашата општина и ја следи работата на локалната самоуправа и одблизу се запознава со проблемите со кои се соочуваат нашите сограѓани и стопанствениците“, рече тој.

Сарамандов укажа дека заедно со тимот на ВМРО-ДПМНЕ во текот на денешниот ден имаа повеќе средби со граѓани од општината и се изврши увид во повеќе градежни активности на повеќе локации каде што се реализираат проекти од локалната самоуправа.

Сарамандов: Музичкиот фестивал „Вкуси го југот“ ќе придонесе за туристичка aфирмација на Гевгелија

Ивана Ефремовски — Thu, 14 Sep 2023 12:57:55 +0000

Овој викенд од 15-ти до 17-ти септември ќе бидеме домаќини на музички настан, со богата музичка програма и со голем број на учесници кои ќе ја презентираат гастрономската понуда во Гевгелија, но и на поширокиот регион на југот, истакнува Андон Сарамандов, градоначалник на општина Гевгелија. -Гевгелија е препознатлива по квалитетните услуги во угостителските објекти. Гевгелија е препознатлива по добрата храна и вино. Гевгеличани се препознатливи по својата љубезност и затоа сметам дека музичкиот фестивал „Вкуси го југот“ ќе придонесе за туристичка aфирмација на нашиот град. Верувам дека овој настан ќе биде успешно организиран, со голем број на посетители. Годинава ќе дадеме целосна поддршка на македонските артисти во музичката програма. И се надевам дека во иднина ќе прерасне во една традиција со голем број на гости и од Македонија и од странство, истакна тој. Сарамандов вели дека Гевгелија и гевгеличани заслужуваат културна манифестација од ваков тип. -Да бидеме добри домаќини, да направиме добра забава, а на гостите да им посакаме да уживаат топло добредојде и да уживаат со добра музика, добра храна, добра музика и добро вино, истакна тој.

Сарамандов: Ги реализираме приоритетните барања на граѓаните на Гевгелија за кои се обврзавме, огромен број на проекти се реализирани или се во тек

Ивана Ефремовски — Sat, 26 Aug 2023 14:00:19 +0000

Денес заедно со претседателот на ВМРО-ДПМНЕ, Христијан Мицкоски и со жителите на населеното место Негорци го означивме ставањето во функција новиот водоснабдителен систем во ова населено место. Населеното место Негорци е најголемото место по број на жители во општина Гевгелија и изградбата на новиот цевковод беше нивно приоритетно барање за локалните избори, ние се обврзавме, а еве денес дојде и до негова реализација, вели Андон Сарамандов, градоначалник на општина Гевгелија. -Со изградбата на овој цевковод завршивме голема работа, решивме еден голем проблем на ова населено место и сега жителите овде ќе добиваат навремено и квалитетно водоснабдување преку целата година. Покрај овој проект, во изминатиов период, во изминатите 3 месеци на територијата на цела општина, и во градот и во населените места беа реализирани или во тек се повеќе проекти. Пред дваесетина дена завршивме и со изградбата на новиот цевковод за населеното место Прдејци, и овде имаме нов водоснабдителен систем, рече тој. Сарамандов истакна дека минатата недела завршена е реконструкцијата на стариот објект на „Винојуг“ во Богородица и на објектот на пензионерите кој го користат во ова населено место. Исто така во изминатиов период во градот Гевгелија беа изградени и асфалтирани голем број на улици. Беше изградена ул. „Драгослав Ортаков“ беа асфалтирани улиците „Илија Мијов“, „Јосив Јосифовски“, „Димитар Влахов“, „Железничка“, крак од улицата „Маршал Тито“. Исто така беа асфалтирани и две улици, „Едвард Кардељ“ и „Иднина“ во населено место Миравци, а со реконструкција со бетон беа реконструирани улици во Мрзенци, во Негорци во Конско и на излетничкото место Смрдлива Вода. -Во наредниот период ќе ја асфалтираме и улицата „Кирил и Методиј“ во Гевгелија, улицата „Лазар Велков“ во Негорци и улица во Прдејци, а ќе продолжиме следната недела со реконструкција на улици во Смоквица во Миравци и во Давидово. Исто така, пред три-четири дена завршивме и со изградбата на три детски игралишта во Богородица, во Негорци и во Прдејци, а завршивме и со партерното уредување пред црквата во Горничет. Во моментов имаме и повеќе проекти кои се во фаза на реализација и заедно со претседателот Христијан Мицкоски денес ќе ги посетиме, изградбата на новиот модерен парк во Гевгелија кој ќе се протега на 6 илјади метри квадратни и ќе биде прв парк во Гевгелија од ваков тип, а исто така ќе извршиме посета и во населеното место Моин каде што се реконструира домот на културата во ова населено место, а ќе го посетиме и населеното место Богородица каде што во моментов се реконструира младинскиот дом и каде што се планира да се завршат градежните активности до панаѓурот на ова населено место, вели Сарамандов.

Сарамандов: Гевгелија ќе добие нов модерен парк на површина од 6.000 м2, фестивалот „Калинка“ се возобнови, а буџетот за култура оваа година изнесува 3 милиони и 600 илјади денари

Дарко Андоновски — Thu, 15 Jun 2023 16:25:15 +0000

„Вчера и официјално заврши детскиот музички фестивал „Калинка“ со настапи и дружење на родителите и децата. Во изминатиот период значи имавме една убава еуфорија со одржувањето на овој фестивал. Пред 30-тина години детскиот музички фестивал „Калинка“ беше еден од реномираните фестивали заедно со „Златно славејче“ во Скопје и детскиот музички фестивал „Си-до“ во Битола. Низ годините пораснаа многу генерации со „Калинка“ и остави траен белег во Гевгелија. И затоа сметавме дека е неопходно да се возобнови овој фестивал“, истакна Андон Сарамандов, градоначалник на општина Гевгелија во воведниот разговор од трибината организирана од ВМРО-ДПМНЕ на тема „Борба против корупцијата и криминалот“ од акцијата „Ова е Македонија за сите“. Сарамандов додаде дека во 2022 година Буџетот за култура беше милион и 600 илјади денари за да во оваа 2023-та година Буџетот за култура е проектиран на 3 милиони и 600 илјади денари. Гевгелија има богата културна историја и обврска на него како градоначалник е да се негуваат културните вредности. „Годинава значително ги зголемивме финансиските поддршки за сите ентузијасти, за здруженија кои што организираат културни настани на целата територија на нашата општина“, нагласи градоначалникот. Тој посочи дека од оваа година, од месец септември ќе се започне со една нова традиција, предвидено е да се направи Фестивал на храната и виното, кој ќе трае три дена. „Гевгелија бил значаен спортски центра и ќе биде и во иднина со помош на локалната самоуправа и тука во континуитет ја зголемуваме финансиската и логистичката поддршка за спортот, спортските клубови и за спортските работници, а и исто така за здруженијата кои организираат спортски настани“, рече тој. Сарамандов се осврна и на инфраструктурата во Гевгелија и истакна дека најголем проект кој започна минатата година 2022 во март месец и кој што се реализира е поставувањето на атмосферската канализација во градот во должина од 6.500 метри некаде околу една третина од градот. И овој проект веќе влегува во финална завршница значи реализиран се околу 95% од изведбените работи. „Поставувањето на атмосферската канализација беше еден тежок процес и го наруши сообраќајниот режим во градот, но моравме да ги почитуваме правилата на градежништвото, тие ја одредуваат динамиката на работата затоа што наша крајна цел е со реализација на овој проект да добиеме квалитетен проект по сите стандарди. И кој во иднина ќе биде од голем бенефит за сите граѓани“, заклучи Сарамандов. Градоначалникот укажа дека сега ќе се започне со два проекти, со реализација во делот на комуналната инфраструктура, едниот проект е во областа наречена „Касарна“ и ќе има изградба на краците 1 и 2, 5, 6 и 7, за поставување на фекална канализација. А, вториот проект е поставување на фекална канализација на дел од улицата „7-ми Ноември“ во блок 1, во централното градско подрачје. „За наредниот период имаме утврдено уште два проекти од комуналната инфраструктура кои се приоритетни и за кои веќе имаме изработено основен проект и имаме одобрение, а во моментов работиме и на тоа да обезбедиме финансиски средства. Едниот проект е поставување на атмосферска и фекална канализација, нови водоводни линии во блок 4, тоа е делот од градот позади градинката „Сончогледи“. А, вториот проект за кој што имаме основен проект со одобрение и сакаме да го реализираме е канализационата мрежа во населеното место Милетково“, рече тој. Сарамандов нагласи дека од пред некој ден се започна со изградба на нов модерен парк во Гевгелија. Тој ќе се протега на површина од 6.000 м2 и се предвидени повеќе содржини како пешачки патеки, место за одмор, модерно осветлување итн.

Сарамандов: Општина Гевгелија ја презеде обврската да биде покровител на „Калинка 2023“, со цел повторното заживување на Интернационалниот детски музички фестивал

Ивана Ефремовски — Tue, 06 Jun 2023 14:22:40 +0000

Калинката созреа, нејзината кора пукна и плодовите излегоа на површина. Заживеа градот на детството, градот на музиката, градот на калинките. Излезе на виделина талентот на дечињата, кои своите вокални и танцови способности веќе ги презентираат на сцената во Народниот театар- Гевгелија. Три дена, претпремиерно, „Калинка“ се претставува пред сите деца од училиштата и детските градинки, информира градоначалникот Андон Сарамандов. -Славењето на детството преку песната, музиката и танцот продолжува и на 2, 3 и 4. јуни, на истото место со одржување на трите главни фестивалски вечери, а со почеток во 20:00 часот. Сто дечиња, солисти, хористи и танцови групи пеат и играат за: другарството, забавата, лудите години, братчињата и сестричињата, боите, играчките и, се разбира, за калинката по двомесечната подготовка за финалето, вели тој. Имено, годинава преку Програмата за финансиска поддршка на активностите од областа на културата, Општина Гевгелија ја презеде обврската да биде покровител на „Калинка 2023“, се со цел повторното враќање и заживување на Интернационалниот детски музички фестивал „Калинка“ на културната мапа на Гевгелија како нејзин традиционален белег по неколкугодишната пауза од одржувањето.

Детскиот фестивал Калинка повторно ќе се одржи во Гевгелија

Ивана Ефремовски — Wed, 01 Mar 2023 14:02:39 +0000

Изминатиот период заедно со моите соработници и вработените во Општина Гевгелија, посветено работиме на секое поле и будно ги следиме потребите на граѓаните на Општина Гевгелија.Во таа насока, денес сме овде заради еден нов почеток на детскиот музички фестивал „КАЛИНКА“,заради преродба на една традиција која за жал долги години беше згасната, вели градоначалникот на општина Гевгелија од ВМРО-ДПМНЕ, Андон Сарамандов. Сарамандов го отвори детскиот музички фестивал КАЛИНКА и рече дека како градоначалник ан општината ќе ги подржи сите активности за организација на овој настан за најмалите. Детскиот музички фестивал „КАЛИНКА“ се роди пред точно 31 година, во далечната 1992 во Гевгелија. Фестивалот Калинка низ годините ја пишуваше својата музичка историја и прерасна во Гевгелиски бренд. И јас како дете пораснав со песните од детскот фестивал КАЛИНКА, фестивалот имаше магија и ги правеше децата среќни и радосни.Во оваа прилика сакам да им се заблагодарам на ентузијастите кои ја создадоа КАЛИНКА и кои со љубов напорно работеа за овој детски музички фестивал. Денес од тука на мое и на огромно задоволство на сите граѓани на општина Гевгелија сакам да го најавам новиот почеток на детскиот музички фестивал „КАЛИНКА“ кој годинава ќе се оддржи во Народниот театар во Гевгелија, додаде тој. -Јас како градоначалник на општина Гевгелија во целост ќе ги подржам сите активности за организација на овој прекрасен настан. Гевгелија и КАЛИНКА имаат богата традиција која во минатото оставила белег како на домашен така и на меѓународен план,а наша обрска е да продолжиме да ја негуваме оваа традиција, рече Сарамандов.

Сарамандов: Низ цела Гевгелија се подобрува инфраструктурата, добиваме уште една сообраќајна врска со граничниот премин, а старата депонија станува зелена површина

Тале Кристо — Fri, 17 Feb 2023 12:56:33 +0000

Во изминатиот период на целата територија на општина Гевгелија беа реализирани повеќе проекти, беа направени повеќе зафати за подобрување на комуналната, патната и воопшто на целата инфраструктура во општина Гевгелија, изјави денеска градоначалникот на општина Гевгелија Андон Сарамандов. Сарамандов истакна дека во моментов се работи на локации во општината. -Во моментов имаме градежни активности на повеќе локации во општината, во завршна фаза е изградба на стационарот за бездомни животни кој се наоѓа кај старата депонија, во тек е реконструкција на стариот објект во Богородица на стариот објект на Вимилк, а денес извршивме увид во поставување на новата водоводна линија за населено место Богородица каде ќе биде решен децениски проблем за жителите од ова населено место, истакна Сарамандов. Гевгелија ќе добие уште една сообраќајна врска со граничниот премин, изјави Сарамандов. -Исто така извршивме увид и во градежните активности на изградбата на новата сервисна улица на потегот од казиното Сенатор до Милци, со што Гевгелија ќе добие уште една сообраќајна врска со граничниот премин, а од друга страна ќе овозможиме подобри услови на сопствениците на приватни парцели да почнат да инвестираат, рече гевгелискиот градоначалник. Сарамандов додаде дека се работи и на стара депонија која е во завршна фаза и ќе стане зелена површина. -Исто така извршивме увид на старата депонија каде два месеци се врши затворање и сме во завршна фаза и истата во наредниот период ќе биде уредена со зелена површина и дрвца, додаде Сарамандов.

Мицкоски: Промените на дело, во Гевгелија ќе се гради капиталниот проект Западен булевар од 85 милиони денари, ќе се исполнат и барањата на младите за младинските домови и паркови

Ристе Здравков — Fri, 06 Jan 2023 10:06:23 +0000

Промените во Гевгелија веќе се чувствуваат. Гевгелија покажа како се работи. И покрај наталожените проблеми, заборавените потреби на граѓаните и предизвиците во кои што ја втурнаа цела држава, покажавме дека со чесност и посветеност може да се решат многу проблеми, изјави во своето обраќање градоначалникот на Општина Гевгелија Андон Сарамандов, во кампањата „Промените на дело“ во организација на ВМРО-ДПМНЕ. - Гевгелија добива нова атмосферска канализација во градот во должина од 6.500 метри, Негорци и Прдцејци добиваат нов водоснабдителен систем, реализирани се две нови мултифункционални спортски игралишта за младите и Младински дом во Прдејци, истакна тој. Сарамандов додаде дека во новата година се влегува со уште поголем ентузијазам и желба за надминување на заедничките проблеми. - Годинава заедно го креиравме буџетот, а со него бараме начин за исполнување на најголемото барање на младите гевгеличани, градски паркови со урбана опрема. Годинава започнуваме и со изградба на Западен булевар во Гевгелија, доизградба на градинката „Сончогледи“ за што ќе бидат издвоени 11 милиони денари од буџетот на општина Гевгелија, а 24 милиони денари се планирани за реконструкција на Младинските домови во Моин и во Богородица, буџет и за нов пазар во Миравци. Во тек на реализација е и стационарот за бездомните животни и верувајте тука нема да застанеме, рече Сарамандов. Претседателот на ВМРО-ДПМНЕ, Христијан Мицкоски потенцираше дека Сарамандов и неговиот тим годинава ја оправдаа довербата на гевгеличани, се вложија себе си за Гевгелија да ги доживее промените. - Со задоволство присуствував на отворањето на Младинскиот дом. Оваа година верувам дека посветено ќе го исполни дадениот збор, а тоа е почеток на изградба на Западниот булевар. огромен капитален проект чии што две фази чинат 85 милиони денари. И тука знам дека нема да застане бидејќи Гевгелија заслужува, граѓаните мора да се чувствуваат достоинствени и горди на својот град. Тоа ја враќа вербата дека може и мора поинаку, дека зборот во Македонија вреди и дека со чесност и посветеност ништо не може да ги спречи Промените на дело, изјави Мицкоски.

Сарамандов: И покрај големите предизвици, ги реализираме проектите ветени пред граѓаните на општина Гевгелија

Магдалена Андонова — Thu, 17 Nov 2022 15:30:28 +0000

Денес, градоначалникот на Општина Гевгелија, Андон Сарамандов одржа прес конференција на која пред медиумите ги презентираше постигнатите резултати по изминувањето на една година ја презеде функцијата Градоначалник на Општината. На почетокот тој потенцираше дека изминатата година беше исполнета со многу непредвидени ситуации и предизвици, пред се, како резултат на енергетската криза. Но сепак и покрај тоа реализирани се, рече тој, во 2022 година голем број на капиталните проекти на територијата на општина Гевгелија. Реализацијата на овие проекти придонесе за подобрување на патната, комуналната и воопшто инфраструктурата во Општина Гевгелија. При тоа тој ги спомна: -Изградба на атмосферска канализација во должина од 6.500 метри во градот Гевгелија, на потегот од Динќут до жележничката станица и две улици во серменинско маало. -Нов водоснабдителен систем во населено место Негорци - Нов водоснабдителен систем во населено место Прдејци Значително е подобрена патната инфраструктура во општина Гевгелија, а за таа цел од Буџетот на Општина Гевгелија се издвоени 16.705.720 денари. -Изградба на сервисна улица кај Милци, со што се подоборува сообраќајната врска Гевгелија-граничен премин Богородица -Доградба на патот до село Ума 800 метри е во завршна фаза Исто така извршена е реконструкција на повеќе улици со асфалтирање и бетонирање во Гевгелија и населените места: Негорци, Миравци, Богородица, Моин, Смоквица, Петрово, Давидово, Милетково и Мрзенци. Во 2022 год. Гевгелија и Прдејци добија нов Младински дом кој беше дамнешна желба на граѓаните од ова населено место.Беше реконструираан стариот објект со пренамена на средствата од ТАВ, а потоа обезбедивме средства од буџетот за внатрешно уредување,опремување на објектот и уредување на дворното место Наскоро и Богородица ќе добие прекрасен простор,во моментот со сопствени средства се реконструира стариот објект на Винојуг на Богородица -Во 2022 година повторно започна со работа систем 48 часа и граѓаните се исклучително задоволни од функционирањето на истиот -Во изминатиот период беа обезбедени сите услови и профункционира Времената депонија кај Ново Конско -Исчистени се дивите депонии кај Миравци, Смоквица, Серменин и Смрдлива вода - Се започна и со реализацијата на проектот за селектирање на отпадот кој е од голема важност за општина Гевгелија, а, на добар пат е да се реши и проблемот со кучињата-скитници со изградбата на Стационарот за бездомни животни, која е во завршна фаза. Основното училиште „Владо Кантарџиев“ и подрачното училиште во Мрзенци добија нови огради во училишните дворови. -Изработена е платформа за туризмот во општина Гевгелија за промоција на туристичкиот потенцијал а заедно со сите чинители во туризмот креиравме и туристички идентитет на општината. Изработен е промотивен материјал - сувенири, брошура, флаери, видеа, маици со туристичкото лого и веб-страна. Со цел да се обезбеди поголема афирмација на ова туристичко поднебје, а во иднина општина Гевгелија ќе учествува на туристички саеми заедно со чинителите на туризмот во нашата општина. За подобрување на условите за спортување, започната е целосна обнова на спортската инфраструктура во Општината. -Реконструкција на кошаркарското игралиште со модерна пластифицирана подлога „Иван Пенов“ -Реконструкција на мултифункционалното спортско игралиште „Партизан“ со модерна тартан подлога -Рехабилитација на мултифункциналното спортско игралиште „Касарна“ -Рехабилитација на фудбалските игралишта во Миравци, Мрзенци и Прдејци. За поголема ангажираност на младите, формирани се: -Драмска секција за деца која функционира во Народниот театар во Гевгелија, -Школа за Млади гитаристи кои секојдневно посетуваат бесплатни часови, -Логопетски третман за деца со проблеми во вербалната комуникација, -Субвенции за набавка на велосипеди. Културниот живот во градот и општината во 2022 година беше збогатен со: -Музичка програма за Новогодишната ноќ и со -Гевгелиско културно лето во чии рамки беа одржани дваесеттина културни настани кои беа посетувани и од транзитните туристи во нашиот град -Богата културна уметничка програма 7-Ноември. На крајот, одговарајќи на прашањата на новинарите, Сарамандов истакна дека дека преку одделението за локален економски развој беа изработени десетина осбновни проекти со кои аплициравме и на домашни и странски конкурси. Дел од нив се одобрени додека дел се во фаза на апликација. Освен преку системот 48 часа, комуницирам, рече тој, со граѓаните на општината преку неделните приемни денови, состаноци со месните заедници, со бизнис заедницата и НВО секторот и преку тоа заеднички ги нотираме приоритетните проекти кои треба да се остварат. Што се однесува до односот со Советот на општината, тој е коректен, а што се однесува до критиката од страна на опозицијата, дел од таа критика е добронамерна но поголемиот дел тие критики се паушални и дел од политичкиот фолклор. Затоа, велам дека време е да се издигнеме сите заедно над политиката и да работиме за доброто на сите граѓани на општината. За проблемите со електричната енергија, Сарамандов одговори дека преку целата година работел со својот тим да овозможи сите институции да работат непречено, при што делот со уличното осветлување бил решен, додека најголемиот проблем со водните пумпи и сметките за струја за нивна работа, ако лани ова време сметките биле 13 милиони денари, оваа година тие изнесувале, заклучно со октомври 55 милиони. Мислам, потенцираше тој, дека добро го менаџиравме овој проблем и немаше ситуација на никакво исклучување на електричната енергија како што тоа беше во некои други општини., а ЈПКД Комуналец редовно ги испорачуваше своите услуги. Градоначалникот Сарамандов, како претседател на Советот на градоначалници на Југоисточниот регион е задоволен од работата и од доприносот на сите радоначалници од регионот.За сите општини беа издвоени 128 милиони денари, а како успешен регион добиена е покана да се учествува на саемот на општини во Барселона каде ќе бидат размениме меѓусебните искуства на Европските општини.

Признание и подароци за градоначалникот на Гевгелија од челниците на КФСМ

Тале Кристо — Fri, 11 Nov 2022 18:22:44 +0000

Кошаркарската репрезентација на Македонија во Гевгелија вчера со резултат 58-36 ја совлада Норвешка во рамките на претквалификациони натпревари за следниот Евробаскет. Македонската кошаркарска репрезентација ја совлада Норвешка со 58-36, во првиот од двата натпревари со скандинавски ривали во претквалификациите за следниот Евробаскет. Дуелот во Гевгелија донесе многу борба, мал број на поени и видно повеќе квалитет во нашиот табор. Најефикасни во македонскиот табор беа Војда Стојановски и Виктор Крстевски со по 14 поени, додека кај Норвешка се истакнаa Јавара и Фреј со по 11 поени. Во недела од 19:00 часот следи дуелот против Данска исто така на паркетот во Гевгелија. Пред дуелот со Норвежаните посебно признание доби градоначалникот на Гевгелија, Андон Сарамандов, за поддршката и гостопримството. Салата „26 април“ е исполнета до последното место, а Македонија, и вака подмладена, е голем фаворит во дуелите против овие две скандинавски селекции. ФОТО: Гол.мк