Мицкоски на средба со унгарскиот амбасадор Клајн: На власта ѝ нудиме решение за справување со енергетската криза, но немаат слух

Ивана Ефремовски — Thu, 29 Sep 2022 15:24:44 +0000

Претседателот на ВМРО-ДПМНЕ, Христијан Мицкоски денеска заедно со потпретседателот на партијата Тимчо Муцунски оствари средба со амбасадорот на Република Унгарија во Македонија, Андраш Клајн. На средбата се разговараше за актуелната политичка и економска состојба, како и за енергетската криза и потребата од одржување на предвремени парламентарни избори. Мицкоски потенцираше дека државата покрај економската криза се соочува и со енергетска криза, укажувајќи дека поради немање слух, неспособност и негрижа од страна на владата на СДСМ и Димитар Ковачевски, граѓаните дополнително се соочуваат и со енергетска криза. Мицкоски го информираше амбасадорот Клајн за планот за справување со енергетската криза кој што ВМРО-ДПМНЕ го понуди на власта, бидејќи тие не ги преземаат потребните чекори за навремено обезбедување на јаглен, мазут, гас, нафта и нафтени деривати, додавајќи дека доколку се прифати овој предлог од страна на Владата, тогаш стопанството и граѓаните ќе плаќаат дупло поевтина струја, а скопјани ќе имаат навремено и евтино греење. -Власта повеќе нема кредибилитет да управува затоа што ја води државата и граѓаните во економска неизвесност и катастрофа, посочи тој. Воедно, Мицкоски се заблагодари на унгарската поддршка и изрази надеж за продолжување на поинтензивна соработка и унапредување на билатералните односи со Унгарија.

Спасовски оствари средба со новоименуваниот амбасадор на Унгарија

Ивана Ефремовски — Tue, 27 Sep 2022 13:43:18 +0000

Денеска (27.09.2022) во Министерството за внатрешни работи се одржа протоколарна средба помеѓу министерот за внатрешни работи Оливер Спасовски и новоименуваниот амбасадор на Унгарија во Македонија, Н.Е. Андраш Клајн, придружуван од аташето за внатрешни работи Иштван Шегеди. -На средбата се разговараше за поддршката која Унгарија ја дава на нашата земја во врска со пристапувањето кон ЕУ, како и континуираната поддршка која од 2015 година па наваму оваа земја ја дава во форма на испраќање на унгарски полициски службеници кои се распоредени на нашата јужна граница. Имено, со реализацијата на меѓународната „Заедничката операција за засилен надзор на јужната граница на РСМ, со ангажирање на полициски службеници од странство“, Унгарија е една од осумте земји чии полициски службеници партиципираат во активностите, заедно со припадници на граничната полиција во заеднички мешани патроли, вршејќи засилен надзор на јужниот дел од границата со цел спречување на обидите за илегален влез или излез на мигранти и откривање на случаи на криумчарење мигранти, што истовремено придонесува и за заштита на границите на ЕУ, информираат од МВР.

Андраш Клајн – Kurir.mk

Мицкоски на средба со унгарскиот амбасадор Клајн: На власта ѝ нудиме решение за справување со енергетската криза, но немаат слух

Спасовски оствари средба со новоименуваниот амбасадор на Унгарија