Андре Гомеш – Kurir.mk

Тотенхем поднесе жалба за исклучувањето на Сон

Ивона Петрова — Tue, 05 Nov 2019 07:19:42 +0000

Премиерлигашот Тотенхем поднесе жалба за отстранување на напаѓачот Сон Хунг Мин во натпреварот од 11. коло од шампионатот на Англија против Евертон (1:1), пренесува „Гардијан“. Во 79-та минута од средбата, Сон стартуваше врз играчот од средниот ред на Саутемптон, Андре Гомеш, кој налета на друг фудбалер на Тотенхем и при тоа доби фрактура на стапалото. Првично, судијата Мартин Аткинсон извади жолт картон од џебот, но сериозноста на повредата и ВАР го натераа да се премисли и да му додели црвен картон на Кореецот. Доколку Англиската фудбалска асоцијација не ја прифати жалбата и го регистрира црвениот картон, тоа автоматски ќе значи дисквалификација на Сон за натпреварите во Премиерлигата против Шефилд Јунајтед, Вест Хем и Бурнемут.

ВОЗНЕМИРУВАЧКО ФОТО: На социјалните мрежи излезе фотографија од скршената нога на Андре Гомеш, фудбалерот денес оди на опреација

Дарко Андоновски — Mon, 04 Nov 2019 08:27:12 +0000

Фудбалскиот свет остана шокиран по тешката повреда на Андре Гомеш на вчерашниот натпревар помеѓу екипите на Евертон и Тотенхем. Португалецот настрада по еден старт на Сон, а на неговата нога налета и Орие по што следеше тешка скршеница на глуждот. Стапалото му се сврти, а на „Гудисон“ сите останаа занемени. Сега излегоа наводни фотографии од ногата на Гомеш откако му била извадена копачката. Истите се вознемирувачки и не се за оние со слаб желудник. Инаку од Евертон потврдија дека Гомеш претрпел скршеница на глуждот и дека денес ќе оди на операција.

Andre Gomes' injury
*VIEWERS DISCRETION pic.twitter.com/abafvkVFPZ — ᴋᴇʟᴇᴄʜɪ™⚽ (@_Kelechii) November 3, 2019

Тотенхем му посака брзо закрепнување на Гомеш

Ивона Петрова — Mon, 04 Nov 2019 06:37:56 +0000

Англискиот премиерлигаш Тотенхем преку официјалниот Твитер му упати порака на играчот од средниот ред на Евертон, Андре Гомеш, кој доби скршеница на десната нога во 79. минута од вчерашниот меѓусебен натпревар. – Секој во клубот изразува најискрени желби за брзо закрепнување на Андре Гомеш, се вели во пораката на „Спарси“. Во 79-та минута од средбата, напаѓачот на Тотенхем Сон Хјунг Мин, при еден старт над Гомеш предизвика 26-годишниот Португалец да се судри со друг играч на Спарс, при што доби фрактура на стапалото. Главниот судија на средбата, Мартин Аткинсон по паузата од неколку минути му покажа на корејскиот напаѓач директен црвен картон.

Вистински хорорр на натпреварот Евертон – Тотенхем: Сон му скрши нога на Андре Гомеш (ВОЗНЕМИРУВАЧКО ВИДЕО)

Тале Кристо — Sun, 03 Nov 2019 19:04:37 +0000

Огромен инцидент се случи во второто полувреме од мечот меѓу Евертон и Тотенхем, откако Сон со груб старт му ја скрши ногата на домашниот фудбалер Андре Гомеш. Португалецот неколку минути подоцна го удри со лакот корејскиот фудбалер, кој тргна во одмазда, стартуваше од зад грб, но јасно е дека немаше намера да дојде до вака сериозна повреда. Самиот Сон беше во шок кога ја виде скршеницата, заедно со останатите фудбалери, а судијата Аткинсон најпрвин му покажа само жолт картаон, а потоа ја смени својата одлука и го испрати кон соблекувалната. Извор: екипа.мк