Андре Онана – Kurir.mk

ФА отвори истрага за расизам

Бошко Тасиќ — Fri, 27 Oct 2023 04:00:41 +0000

Андре Онана беше еден од хероите на Манчестер Јунајтед во победата над ФК Копенхаген во Лигата на шампионите, победа која ја обезбеди, потврди со одбранет пенал во судиското продолжение. Овој триумф премногу им значеше на „црвените ѓаволи“, па младиот Алехандро Гарначо во обид да го истакне херојството на Камерунецот објави поста на социјалните мрежи со две горили, а со тоа си направи проблеми иако за кратко време истиот го избриша. ФА отвори истрага за ова, поточно е отворена истрага за расизам и лесно може да се случи тој да биде санкциониран. По ова се огласи Онана кој кој застана во одбрана на својот помлад колега. –Луѓето не можат да избираат од што јас треба да бидам навреден. Знам точно што мислеше Гарначо – моќ и сила. Оваа работа не смее да оди подалеку-порача голманот.

Тен Хаг: Онана покажа карактер, знае дека досега не беше на своето ниво и можеше да игра подобро

Ивона Петрова — Wed, 25 Oct 2023 16:57:42 +0000

Тренерот на Манчестер јунајтед, Ерик тен Хаг го пофали настапот на голманот Андре Онана на вчерашниот натпревар со Копенхаген. Манчестер Јунајтед го доби натпреварот од 3. коло од групната фаза на Лигата на шампионите со резултат 1:0, а Онана одбрани пенал во 97. минута. - Онана покажа карактер. Андре знае дека досега не беше на неговото ниво и можеше подобро. И оди кон тоа. Имаше многу добар натпревар во саботата, а и вчера. Не заборавајте на брилијантната одбрана во второто полувреме. Одлично брани пенали, изјави Тен Хаг. Манчестер јунајтед по три кола е на 3.место во А-групата од Лигата на шампиони. Пред него се Баерн Минхен со 9 и Галатасарај со 4 бода. Копенхаген е последен со само 1 бод.

Онана бесмислено се удри во двајца ривали: Дали Волвси се оштетени за пенал? (ВИДЕО)

Ристе Здравков — Tue, 15 Aug 2023 08:49:45 +0000

Фудбалерите на Манчестер Јунајтед го добија првиот дуел во новата сезона на Премиер лигата против Вулверхемптон (1-0). Сепак, средбата на „Олд Трафорд“ ја одбележа момент од судиското надополнување. По еден центаршут, Андре Онана бесмислено скокна, ја промаши топката и се удри во Калајџиќ и Досон. Иако немаше контакт со топката и судирот беше чисто невнимание на голманот, ВАР собата одреди дека нема елементи за најстрога казна. Во Вулверхемптон беа во најмала рака бесни. Први бидејќи ова се случи во последните секунди од натпреварот, а второ бидејќи во многу вакви случаи судиите покажуваат на белата точка. Факт е дека Онана како голман има предност и „заштита“ во својот простор, меѓутоа тој бесмислено налета на двајца противници и целосно ја промаши топката. Видеото погледнете го ТУКА

Ето барал од Интер да го продадат Онана, сакал да му ја уништи кариерата!

Ристе Здравков — Wed, 19 Jul 2023 07:18:42 +0000

Андре Онана беше инволвиран во скандал на мундијалот во Катар, голманот си замина на сред Светско првенство по недоразбирања со селекторот Ригоберт Сонг. Но проблемот бил подлабок, поранешен потпретседател во Фудбалската федерација на Камерун сега вели дека зад инцидентот стоел Самуел Ето (првиот човек на ФФК), кој се заканил дека ќе му ја уништи кариерата. „Ми кажа дека кариерата на момчето е завршена и дека испратил писмо до неговиот клуб (Интер) со кое барал да го „шутнат“ Онана. Како некој може да биде толку злобен?“ - вели поранешниот потпретседател во ФФК. „Вистинската причина за неговото отстранување од тимот на Светското првенство во Катар е Самуел Ето, претседателот на ФФК сакаше да се ослободи од голманот по секоја цена“. Интер ова лето го продаде Андре Онана на Манчестер јунајтед, но малку за верување е дека Ето имал некакво влијание, едноставно „нероаѕурите“ добро ќе заработат откако беспари го донесоа голманот пред 12 месеци, а сега ќе инкасираат 55 милиони евра и ќе забележат голема капитална добивка.

Манчестер Јунајтед купи голман од 55 милиони евра

Бошко Тасиќ — Fri, 14 Jul 2023 03:43:41 +0000

Англискиот премиерлигаш Манчестер јунајтед, експресно најде нов голман откако не му го продолжи договорот на Давид де Хеа. Нов чувар на мрежата на Црвените ѓаволи ќе биде Андре Онана од Интер. Онана одамна ја договори платата со управата на Јунајтед, а вечерва двата тима конечно најдоа заеднички јазик за отштетата. Манчестер јунајтед ќе му плати на Интер 55 милиони евра, 50 милиони отштета и пет милиони во бонуси. За трансферот да биде официјален, останува Интер и Јунајтед да се договорат околу ратите. Онана на „Олд трафорд“ доаѓа на инсистирање на менаџерот Ерик тен Хаг, го кој тренираше голманот во Ајакс.

Испратена одлична понуда до Интер за Онана – „нераѕурите“ ја одбија

Ристе Здравков — Tue, 04 Jul 2023 07:47:59 +0000

Ерик Тен Хаг и дефинитивно реши да тргне со сите сили кон голманот на Интер, Андре Онана. „Црвените ѓаволи“ доставиле официјална понуда до Интер за услугите на нивниот голман, во висина од скоро 40 милиони евра, но Интер истата ја одбил експресно. Како и да е, Интер бара за својот голман 50 милиони евра, а Џанлука Ди Марзио тврди дека Интер нема да го ослободи голманот доколку некој за него не ја исплати бараната сума. На Давид Де Геа му заврши договорот во Јунајтед и неизвесно е дали ќе остане во Манчестер како втор голман и ќе продолжи на една години или ќе реши да ја промени средината. Доколку Тен Хаг и Јунајтед го посакуваат Онана на голот, ќе мора да ги пресретнат барањата на Интер за овој голман.

Онана на 26 години стави крај на репрезентативната кариера

Ивана Ефремовски — Fri, 23 Dec 2022 13:51:04 +0000

Голманот на милански Интер, 26-годишниот Камерунец Андре Онана, објави денеска дека става крај на својата репрезентативната кариера, без да ги наведе причините за одлуката. „Играчите доаѓаат и заминуваат, но Камерун е над сите играчи и луѓе. Камерун е вечен, како што е и мојата љубов кон националниот тим и нашиот народ, кој секогаш не поддржуваше без разлика колку му беше тешко“, порача Онана во обраќањето до јавноста. Онана за време на Светското првенство во Катар влезе во конфликт со селекторот Ригоберт Сонг по што беше суспендиран поради недисциплина. (МИА)

Онана повеќе нема да брани за Камерун

Ристе Здравков — Fri, 23 Dec 2022 10:28:37 +0000

Голманот на Интер, Андре Онана (26), објави дека повеќе нема да настапува за репрезентацијата на Камерун. Непосредно пред дуелот против Србија, селекторот Ригоберт Сонг реши да го отстрани од тимот првиот голман Андреа Онана поради недисциплина, но деталите се уште не се познати. Веднаш по тој напревар, Онана, си замина од Катар и не ебеш дел од тимот кој го победи Бразил во последното коло, во Г-групата. Одличниот голман најави дека повеќе нема да биде дел од националниот тим. „Се започна од Нгола Нкок, мало село во Камерун, кога бев многу млад и моите родители ми ги пренесоа вредностите на камерунскиот народ. Сфатив дека љубовта кон татковината е вечна. Се сеќавам дека ги гледав натпреварите во Камерун со моето семејство, само нашите луѓе можат да разберат што значи за нас да се биде дел од „Лавовите“. За жал, секоја приказна, дури и да е добра, има крај. На мојата во репрезентацијата на Камерун и додеј крајот. Играчите доаѓаат и си одат, но Камерун е нешто многу повеќе. Моето срце останува камерунско и каде и да одам ќе го држам подигнато нашето знаме. Ќе продолжам да бидам навивач како што прават повеќе од 27 милиони Камерунци на секој натпревар. Им благодарам на сите што веруваа во мене, напиша Онана. Во 2016 година, Онана дебитираше кај селекторот Хуго Брос. Голот на Камерун го бранеше во 36 натпревари.

Онана со прва реакција на социјалните мрежи по контроверзните случувања во Камерун (ФОТО)

Ристе Здравков — Mon, 28 Nov 2022 20:16:32 +0000

Ригоберт Сонг одлучил да го отстрани Андре Онана од камерунскиот тим за мечот против Србија кој се играше денеска, а иако првично беше пренесено дека му е затворен патот кон националниот камп, селекторот се одлучи да ги смири тензиите. Онана по се изгледа ќе има нова шанса да се врати во тимот доколку му се извини на селекторот Сонг, со кого влегол во вербална расправија во подготовките за вториот натпревар на Светското првенство. Дисциплинската постапка на Сонг првично важела само за мечот со Србија, а дали ќе се врати за третиот меч против Бразил ќе зависи само од него. Тоа го посочи Сонг на прес-конференцијата по драматичното реми кое заврши со резултат 3:3, а прва реакција по контроверзните случувања имаше и голманот на Интер. И покрај тоа што предизвика мини скандал во селекцијата, Онана јасно стави до знаење дека ги поддржува своите сонародници и се израдува за позитивниот резултат против Србите.

Камерунскиот селектор го исфрлил Онана од тимот поради дисциплински причини

Ристе Здравков — Mon, 28 Nov 2022 15:32:22 +0000

Камерун се надева на позитивен резултат на дуелот со Србија на отворањето на новиот натпреварувачки ден на СП во Катар, но нема да смета на својот прв голман, Андре Онана. Објавувањето на составите донесе изненадувачка информација дека членот на Интер нема да биде на голот и ќе биде заменет од Девис Епаси. Француски „РМЦ Спорт“ прв ја објави шпекулацијата дека Онана добил казна од селекторот, а тоа беше потврдено и со составите, а засега единствената информација е дека се работи за дисциплинска казна. Не е јасно што направил Онана за да добие ваква санкција, па останува тоа дополнително да биде објаснето од селекторот Ригоберт Сонг. Натпреварот Камерун-Србија започнува од 11 часот.