андре шурле – Kurir.mk

Шурле го објави своето пензионирање на 29 години

Дарко Андоновски — Fri, 17 Jul 2020 15:06:53 +0000

Поранешниот напаѓач на Борусија во Дортмунд, Андре Шурле, го објави крајот на својата играчка кариера, пренесува „Дер Шпигел“. Германскиот репрезентативец реши да ја заврши кариерата на 29 години. Шурле играше за Мајнц, Баер, Челзи, Волфсбург, Борусија Дортмунд и Фулам и е шампион на Англија, двократен победник на германскиот куп и Суперкупот на земјата. Заедно со германската репрезентација, напаѓачот стана Светски шампион во 2014 година и бронзен медалист на ЕП 2012 и ЕП 2016. Минатата сезона, Германецот играше за Спартак Москва. На негова сметка се два гола и четири асистенции на 18 натпревари за рускиот тим.

Борусија Дортмунд и Андре Шурле се разделија

Магдалена Андонова — Wed, 15 Jul 2020 18:06:17 +0000

Борусија Дортмунд објави дека го раскинале договорот со Андре Шурле по меѓусебна согласност една година порано, откако светскиот шампион во 2014 година не успеа да ги покаже своите квалитети за неговиот четиригодишен престој во редовите на вицешампионите во Бундеслигата. Сега Германецот остана без клуб и покрај тоа што има 57 натпревари за репрезентацијата и 22 гола, меѓу кои и два во историската победа над домаќинот Бразил со 7:1 во полуфиналето на СП во 2014 година. Неговиот последен натпревар за репрезентацијата беше во 2017 година и во последните четири години, Шурле одигра само 51 натпревар и постигна осум гола за Дортмунд. Трансфер-прозорецот во Германија се отвори во среда и ќе трае до 5 октомври, а извршниот директор на „жолто-црните“ Ханс-Јоаким Вацке за Спорт 1 изјави дека дефинитивно ова не било успешна приказна за ниту една страна. – Од таа причина, подобро беше порано да се раскине договорот, рече тој. Заминувањето на Шурле следеше по она на Геце, кој се раздели со Дортмунд минатиот месец откако му истече договорот и ниту една страна не ја бара опцијата да го продолжи престојот во клубот. Геце не успеа да импресионира со своите настапи под водство на Лусиен Фавр, а Дортмунд остана втора последователна сезона на второто место во Бундеслигата по Баерн Минхен. (МИА)

Борусија Дортмунд не го пушта Шурле

Дарко Андоновски — Thu, 11 Jan 2018 08:25:40 +0000

Директорот на Борусија Дортмунд, Михаел Зорц го отфрли шпекулациите за заминување на Андре Шурле од „Вестфален“. - Шурле нема да си замине од Борусија. Ова одлука ја донесовме во консултација со стручниот штаб кој сака здрав тим и конкуренција на сите позиции. Шурле е еден од 29 играчи под договор и тој останува во екипата, изјави Зорц. За поранешниот фудбалер на Волфсбург, Челзи, Беар Леверкузен и Мајнц, интересе покажуваат Фенербахче, Хамбургер и Интер, но по изјавата на Зорц се чини дека нема ништо од евентуален трансфер. Шурле оваа сезона немаше значителна минутажа, причината е проблеми со повреди.