андреа ањели – Kurir.mk

Ањели суспендиран на 16 месеци

Ивона Петрова — Mon, 10 Jul 2023 20:42:30 +0000

Италијанскиот фудбалски суд го суспендираше денеска поранешниот челник на Јувентус, Андреа Ањели, на 16 месеци поради неправилности при исплата на плати на играчите. Ањели, како што објави Фудбалската федерација на Италија, е казнет и со 60 илјади евра. Случајот датира од почетокот на пандемијата на коронавирусот кога Јувентус објави дека играчите се согласиле на големо намалување на платите во период од четири месеци со цел клубот да може да се справи со финансиските проблеми. Меѓутоа, Јувентус, продолжил тајно да ги плаќа играчите кои, наводно, се одрекле од само една месечна плата. Клубот и другите поранешни директори, со исклучок на Ањели, вмешани во овој случај во мај годинава се спогодија со спортските обвинители за парична казна во износ од 718 илјади евра. Ањели, кој стои зад неуспешниот проект Суперлига, се повлече од местото директор на Јувентус на крајот од минатата година, заедно со другите членови на Управниот одбор.

Ањели: Доминацијата на англиските екипи го загрозува европскиот фудбал

Ивана Ефремовски — Sat, 25 Feb 2023 15:25:09 +0000

Доскорешниот претседател Андреа Ањели проговори за доминацијата на премиерлигашите во европскиот фудбал. - Доколку Суперлигата ја види светлината на денот, клубовите ќе останат во нивните национални лиги. Секако, на Ајакс, Феенорд и ПСВ им треба Ередивизија, и обратно. Неопходно е да се пласираме во Суперлигата преку националната лига. Силни и рамноправни национални првенства се во интерес на сите. Во Европа, трендот е дека домашните лиги стануваат се помалку популарни според сегашниот систем. Нема емоции, шампионите се исти. Која е вредноста на францускиот шампионат со ПСЖ како вечен шампион? Италијанската, дури и германската и шпанската лига се во пад. Само Премиер лигата расте и заработува околу четири милијарди евра годишно, Шпанија - околу половина од оваа сума, Германија - 1,5 милијарди, Холандија - 100 милиони евра. Доминацијата на Англија го загрозува европскиот фудбал. Во Лигата на шампионите, почнувајќи од четвртфиналето, секогаш има англиски клубови и три или четири тима од други земји, како Реал Мадрид, Барселона, Пари Сен Жермен и Баерн, со ретки исклучоци, како Ајакс во 2019 година. Оваа предвидливост е смртна казна за секоја лига. Од друга страна, потребно е да се создадат економско-финансиски услови за клубовите за да не ги загубат сите приходи со еден удар по лошата сезона. Премиер лигата за оваа намена користи систем за падобран. Клубовите кои испаднаа од лигата добиваат финансиска компензација во рок од неколку години, изјави поранешниот претседател на Јувентус за „Телеграгф“. Ањели заедно со првите луѓе на Реал Мадрид и на Барселона беше еден од иницијаторите за формирање фудбалската Суперлига, проект кој не успеа. (МИА)

Ањели: Засрамен сум, но Алегри останува тренер на Јувентус

Ристе Здравков — Wed, 12 Oct 2022 09:23:28 +0000

Јувентус доживеа неочекуван пораз од Макаби Хаифа во Лигата на шампионите (2-0), резултат со кој калчолигашот направи голем чекор назад во обидот да обезбеди пласман во елиминациската борба во ова натпреварување. Овој пораз беше ново големо разочарување, па многумина помислија дека управата на „старата дама“ конечно ќе реагира и ќе му даде отказ на тренерот Масимилијано Алегри. Меѓутоа првиот човек на клубот, Андреа Ањели излезе со сосема поинаков став и порача дека популарниот Макс сигурно осанува до крајот на сезоната. -Ова е тешка ноќ во тежок период. Ова е еден од најтешките периоди и момент за преземање одговорност, поради тоа сум тука. Се чувствувам засрамен поради се што се случува, лут сум, но знам и дека фудбалот се игра со 11 момци, губиш и победуваш со 11. -Во ваква ситуација, не се работи за една личност. Тоа е прашање со кое треба да се занимава цела група. Се срамиме, им се извинуваме на нашите навивачи, бидејќи знаеме дека тие мора да се срамат да шетаат наоколу во моментот. Алегри е тренер на Јувентус и ќе остане како тренер на Јувентус, -рече Ањели кој ги отфрли информациите на медиумите дека Макс не добива отказ само затоа што треба да му исплати големо обештетување. -Јувентус секогаш ги оценувал ситуациите на крајот на годината. Секогаш се борев да размислувам за отказ во текот на една сезона и продолжувам да верувам во тоа. Ова е група од 80-90 луѓе кои работат овде и мораме повторно да го откриеме нашиот дух, дозволувајќи му на тимот да ги стави своите квалитети на теренот, -заклучи претседателот на „старата дама“.

Ањели: Веќе ја имаме Суперлигата, тоа е Премиер лигата

Магдалена Андонова — Fri, 29 Apr 2022 16:46:35 +0000

Претседателот на Јувентус ја спореди Премиер лигата со проектот кој не се реализира – европската Суперлига. – Бурната реакција на меѓународните организации на здружението на клубови – од кои некои беа исплашени – ве тера да размислувате. За да поддржите тужба, треба да бидете сигурни. Смирено и спокојно ќе ја чекаме одлуката на Европскиот суд. Дијалогот со Чеферин е прекинат. Можеме да разговараме за форматот на Лигата на шампионите, но треба да зборуваме за управувањето со фудбалот. Она што многу луѓе не го сфаќаат – и тоа не е само проблем на Италија – е дека ние веќе имаме Суперлига. Тоа е англиската Премиер лига. Талентите одат таму каде што се најдобро платени. Премиер лигата заработува 4,2 милијарди евра годишно и полека го одзема целиот фудбалски талент. УЕФА очекува пет милијарди евра да бидат исплатени во следната сезона во Лигата на шампионите. Па сега видете колку ќе добијат Италија, Франција или Шпанија, изјави Андреа Ањели. Јувентус заедно со Реал и Барселона се клубовите кои силно беа заинтересирани за почеток на проектот Суперлига кој не заживеа по големиот број реакции на фудбалската јавност од целиот свет.

Навивачите на Јувентус истакнаа транспарент со кој му посакуваат смрт на Ањели

Дарко Андоновски — Thu, 13 Jan 2022 12:13:27 +0000

Дел од навивачите на Јувентус за време на синоќешниот натпревар од Суперкупот на Италија со Интер (1:1, 1:2 по продолжение) на „Сан Сиро“ истакнаа транспарент упатен до претседателот на клубот Андреа Ањели. Во текот на првото полувреме на трибините се појави транспарент на кој пишуваше: „Agnelli muori“ (Ањели умри). За потсетување, во 2019 година, полицијата уапси 12 ултраси на Јувентус под сомнение за перење пари, насилство и изнуда во врска со продажба на билети. Истрагата започна една година порано и се однесуваше на наводното мешање на мафијата во продажбата на билетите на „ултрасите“. Јувентус соработуваше со властите во текот на истрагата, а Ањели призна дека навивачите вршеле притисок врз клубот. Оттогаш, на некои од најжестоките навивачки групи им е забрането да се појавуваат на домашната арена на Јувентус. Самиот Ањели не беше на натпреварот со Интер бидејќи се зарази со коронавирус.

Јувентус следната сезона ќе има нов тренер

Бошко Тасиќ — Mon, 26 Apr 2021 20:12:20 +0000

Претседателот на Јувентус Андреа Ањели реши да го замени Андреа Пирло со поранешниот тренер на „Старата дама“, Масимилијано Алегри. Под водство на Алегри тимот имаше одлични резултати и освои многу трофеи, а во Серија А дури пет пати по ред беше првак на Италија, а четири години по ред го освојуваше Купот, како и двапати Суперкупот на Италија. Пирло има сезона за заборав, зашто Јувентус испадна во осминафинале од Лигата на шампиони, а во Серија А е на четвртата позиција и се бори за место кое води во елитното натпреварување. За Алегри интерес покажа и Баерн Минхен, но на местото на Ханси Флик најверојатно ќе пристигне Јулијан Нагелсман од Лајпциг.

Легенда на Јувентус доаѓа на чело на клубот?

Ивона Петрова — Mon, 26 Apr 2021 07:53:49 +0000

Медиумите во Италија најавуваат дека легендарниот Алесандро Дел Пјеро, е можен наследник на претседателската позиција кај Јувентус, откако Андреа Ањели најави повлекување поради неуспешниот обид да се формира Суперлигата. Ањели трпи силни критики во јавноста, а најжестоки се навивачите на Јувентус кои бараат оставка од актуелниот претседател. Дел Пјеро е миленик на навивачите, поранешен играч и капитен на Јувентус, тој моментно работи како стручен коментатор за една од најголемите спортски мрежи ЕСПН.

Ањели: Не го напуштам Јувентус

Ивона Петрова — Wed, 21 Apr 2021 06:49:41 +0000

Потпретседателот на Супер лигата и претседател на Јувентус, Андреа Ањели ги демантираше информациите за напуштање на торинскиот клуб. – Јас не го напуштам клубот. Кој ќе го тврди спротивното, ми носи среќа, го цитира Ањели, новинарот Фабрицио Романо. Шпекулациите за заминување на Ањели од претседателското место во Јувентус се појавија по пропаѓањето на проектот за Супер лигата, како и по слабата сезона за тимот кој по 31 коло е на 4. место во Серија А.

Летаат глави во фудбалска Европа – оставка даде и Ањели ?

Бошко Тасиќ — Tue, 20 Apr 2021 19:33:05 +0000

Во Италија се шпекулира дека наскоро Андреа Ањели ќе си даде оставка во италијанскиот фудбалски шампион Јувентус. Неговата одлука доаѓа по заминувањето на Ед Вудворд од Манчестер Јунајтед како прв оперативец во оваа екипа. Амбициозниот проект предводен од Флорентино Перез се чини дека ќе биде стопиран кога е во прашање Супер Лигата. Тоа ќе ја исполни желбата на фудбалскиот свет, кој буквално се крена против Суперлигата која требаше да ги вклучува само најбогатите клубови во Европа.

Ањели: Во време на пандемија клубовите треба да се потпираат на желбите на навивачите

Тале Кристо — Mon, 08 Mar 2021 14:18:03 +0000

Претседателот на Јувентус, Андреа Ањели, зборуваше за тоа како се сменил фудбалот за време на пандемијата на коронавирус. – Заедничката работа ни овозможи да ја завршиме сезоната 2019/2020 и да ја започнеме следната. Но, проблемите поврзани со коронавирусот сè уште остануваат. Фудбалот мора да се смени. На стадионите сè уште нема навивачи. Треба да работиме на организирање спектакуларни натпревари, во спротивно ќе ги загубиме нашите навивачи. Затоа, разговараме за оваа насока со УЕФА. Треба да ги ставиме навивачите во центарот на вниманието. Сегашниот систем не е погоден за современите навивачи, го цитира „Фудбал Италија“ Ањели. Јувентус е еден од неколкуте европски фудбалски гиганти кои има голем број навивачи низ целиот свет.