Андреа Белоти – Kurir.mk

Андреа Белоти во Рома ќе остане до 2025 година

Бошко Тасиќ — Mon, 26 Jun 2023 04:00:34 +0000

Италијанскиот фудбалски клуб Рома ја активираше опцијата за продолжување на договорот со фудбалерот Андреа Белоти. Договорот е склучен во 2022 година на една година, со можност за продолжување за уште две сезони. Така, сега договорот со напаѓачот е со важност до 2025 година. По заминувањето од Торино, Белоти се уште нема гол за Рома во Серија А. На 31 натпревар во првенството имаше само 2 асистенции.

Белоти потпиша за Рома

Бошко Тасиќ — Sun, 28 Aug 2022 16:10:49 +0000

Андреа Белоти се согласи да се приклучи на Рома со необичен договор на една сезона со опција за уште две години на „Олимпико“, објаснувајќи дека амбициите на клубот под Жозе Мурињо го привлекле кај „волчицата“. „Амбициите и растот на Рома се јасни за сите и тоа беше најголемиот магнет. Во овој дел од мојата кариера, сакам да бидам уште подобар и мислам дека тоа можам да го направам воовој клуб. Сега, едвај чекам да ја чујам химната на стадионот, пред нашите фанови“, вели Белоти. Белоти има 106 гола во 270 меча во Серија А за Торино и Палермо, каде што беше колега со Пауло Дибала.

Додека Белоти ја чека Рома, други клубови тропаат на неговата врата, еден од нив е…

Ристе Здравков — Fri, 12 Aug 2022 08:23:11 +0000

Трпението на Андреа Белоти е при крај, лесно може да се случи тој наместо во Рома да заврши во друг клуб, интерес за него има. Рома чека да се ослободи од Шомуродов, па да го ангажира Белоти, но тој процес трае. Трансфер на Шомуродов никако да се договори, а трпението на Белоти е при крај. Информациите од Англија велат дека Манчестер јунајтед се вклучува во трката по Белоти, а во Италија се пишува дека и Ница е сериозно заинтересирана. Белоти има опции и нема да биде чудно наместо во Рома да заврши во друг клуб наскоро.

Рома преговара со Андреа Белоти

Бошко Тасиќ — Mon, 01 Aug 2022 07:05:55 +0000

Португалскиот тренер Жозе Мурињо е пред носење на уште едно импресивно засилување во Рома, откако „волчицата“ испрати понуда за поранешниот капитен на Торино, Андреа Белоти. 28-годишниот италијански репрезентативец е слободен играч откако му истече договорот со Торино, каде што помина седдум сезони, и според „Калчомеркато“, Рома смета на неговите услуги како засилување на нападот покрај Теми Абрахам, и се чека само Елдор Шомуродов да биде позајмен на Болоња. Рома му нуди на Белоти двегодишен договор со опција за уште една сезона и годишна плата од 2.8 милиони по сезона, која може да порасне на 3.5 милиони евра со бонусите. Рома очекува одговор од Белоти и неговата сопруга, која му е агент на фудбалерот во текот на следната недела.

Монца заинтересирана за Белоти кој чини повеќе од половина од тимот

Ивона Петрова — Tue, 31 May 2022 06:04:34 +0000

Монца, која следната сезона ќе игра во првата дивизија на италијанското фудбалско првенство, има намера да го ангажира напаѓачот на Торино, Андреа Белоти, пишува „La Stampa“. Договорот на 28-годишниот напаѓач со сегашниот негов клуб истекува на 30 јуни оваа година. Така, дебитантот во Серија А може бесплатно да потпише со напаѓачот на Италија. Белоти оваа сезона одигра 23 натпревари за Торино и постигна осум голови. Вредноста на напаѓачот според „ Transfermarkt“ е 28 милиони евра. Вкупната вредност на сите играчи на Монца едвај надминува 45 милиони евра. Монца во неделата се пласираше во Серија А, победувајќи ја Пиза со 4:3 во баражот. Новајлијата во италијанското првенство е во сопственост на поранешниот премиер Силвио Берлускони.

Пиоли го сака Белоти на „Сан Сиро“

Ристе Здравков — Fri, 25 Feb 2022 14:24:56 +0000

Седумкратниот европски првак Милан планира да потроши 100 милиони евра на засилувања следното лето. Играчите од француската Лига 1 ќе бидат примарна цел на „росонерите“, но тренерот Стефано Пиоли исто така има интересен план да го засили нападот без да плати отштета. Златан Ибрахимовиќ се уште е исклучително важна фигура на „Сан Сиро“, но врвот на неговата кариера одамна помина и клубот мора да размислува за помлади опции. Пиоли го сака Андреа Белоти во својот тим, а италијанскиот напаѓач исто така нема ништо против Торино да го замени со Милано. Белоти постигна дури 101 гол во Серија А, а договорот со „биковите“ му завршува на крајот од оваа сезона. 28-годишниот напаѓач има големо искуство играјќи во елитниот италијански ранг, а покрај Торино го носеше и дресот на Палермо.

Милан носи звучно напаѓачко име во јануари?

Ристе Здравков — Tue, 26 Oct 2021 08:23:38 +0000

Добрите резултати во изминатите неколку сезони ги пораснаа апетитите на навивачите на Милан. Со победата кај Болоња, „росонерите“ се искачија на врвот на табелата во Серија А. Тимот се надева дека по пауза од една деценија конечно ќе се израдува на Скудеото. „Тутоспорт“ пишува дека за исполнување на таа амбиција, тимот од „Сан Сиро“ ќе потпише звучно напаѓачко име. Се работи за Андреа Белоти од Торино, кој ќе биде слободен агент наредното лето. Милан се надева дека ќе ја искористи неговата ситуација и ќе го потпише уште во јануари, за вториот дел од сезоната. Засега нема најави за продолжување на договорот меѓу италијанскиот голгетер и „биковите“. 28-годишникот долго време се поврзува со неколку европски великани, а италијанските медиуми пишуваат дека време е Белоти да ги покаже квалитетите во амбициозна средина.

Ѕјуба и Белоти лидери во офсајд на ЕВРО 2020

Ивона Петрова — Mon, 12 Jul 2021 11:52:17 +0000

Напаѓачот на руската репрезентација Артем Ѕјуба и италијанскиот напаѓач Андреа Белоти станаа лидери на ЕВРО 2020 по бројот на офсајди. Двајцата играчи по седум пати се нашле во недозволена позиција. Белоти учествуваше на шест натпревари на првенството со вкупно 220 минути поминати на теренот. Ѕјуба одигра 265 минути на три натпревари. На третото место според офсајди е уште еден напаѓач на италијанската репрезентација – Чиро Имобиле. Тој има шест недозволени ситуации за 447 минути игра.

Белоти понуден на Манчестер Јунајтед

Ивона Петрова — Wed, 15 Apr 2020 08:27:00 +0000

Напаѓачот на Торино, Андреа Белоти е предложен на Манчестер Јунајтед, пренесува „Калчомеркато“. „Црвените ѓаволи“ бараат нов напаѓач и раководните лица на играчот му понудија трансфер на „Олд Трафорд“. Дваесет и шест-годишниот Белоти има силна сезона со тимот на Торино. Од почетокот на сезоната тој има 15 гола на сите турнири. Во оваа фаза не е јасно дали Манчестер Јунајтед е заинтересиран за напаѓачот. Во исто време, сепак, италијанскиот репрезентативец е во плановите и на друг англиски тим – Евертон. Менаџерот Карло Анчелоти е добро запознаен со квалитетите на Белоти и е подготвен да го доведе на „Гудисон Парк“.