Андреа Коевска – Kurir.mk

СЛУШНЕТЕ: Како звучеше Андреа претставувајќи ја Македонија во полуфинале на Евровизија вечерва?

Ивана Ефремовски — Thu, 12 May 2022 20:15:16 +0000

Андреа Коевска вечерва настапи на евровизиската сцена во Торино. Македонската претставничка ја испеа „Circles“ во рамките на втората полуфинална вечер. Како звучеше и изгледаше, погледнете во видеото:

АНДРЕА ВЕЧЕРВА ЌЕ ПЕЕ ЗА МАКЕДОНИЈА – нашата земја и понатаму последна на обложувалниците, еве кој е фаворит за победа

Дарко Андоновски — Thu, 12 May 2022 09:46:55 +0000

Андреа Коевска со песната „Circles“ вечерва ќе ја претставува Македонија на втората полуфинална вечер од годинешното издание на Евровизија кое се одржува во Торино, Италија. Под реден број 11 Андреа ќе настапи на 66-то издание на оваа престижна музичка манифестација и покрај скандалите кои и оваа година беа неминовни кога е во прашање учеството на Македонија. Нејзиното учество беше неизвесно откако таа случајно или не, го фрли на земја знамето на тиркизниот килим на отворањето на Евровизија за да се фотографира без него. Тоа предизвика лавина негативни коментари и осуда од јавноста, но и од Македонската Радио Телевизија која најави санкции за евровизиската делегација кога ќе се вратат. Од друга страна, во последните години актуелни се обложувањата за тоа кој ќе влезе во финале или кој ќе победи на Евровизија. Од самиот старт Македонија е на дното кога се во прашање шансите за победа или влез во финале. Долго време бевме последни на 40-та позиција, а денеска неколку часа пред почетокот на настапот сме на 33та позиција (и натаму последни), откако седум земји веќе испаднаа во првата полуфинална вечер. Претставничката на Србија Констракта, од друга страна, која единствена вечерва ќе пее на свој мајчин јазик, постојано ги зголемува шансите за победа. Беше околу 30-та позиција, па околу 20-та за да денес на денот на настапот е на 10то место. И натаму најголеми шанси за победа има Украина, па следуваат Велика Британија и Италија.

Од следната година Македонија можеби нема да учествува на Евровизија: Еве што одлучи МРТ во однос на Андреа по скандалот со македонското знаме!

Тале Кристо — Wed, 11 May 2022 11:42:41 +0000

Македонската Радио Телевизија, по инцидентот кој што се случи за време на официјалната церемонија за отворање на „Евросонг 2022“, кога нашата претставничка Андреа Коевска го фрли македонското знаме на тиркизниот тепих и по првичното Соопштение кое што беше објавено по реакциите на јавноста, детално ги разгледа сите аспекти за евентуалното повлекување на нашата претставничка од Евровизија. Таквиот чекор во момент кога сите рокови за повлекување се поминати би предизвикал голема финансиска штета и други санкции кои што не се за занемарување. Имено, со откажувањето би се загрозилo и учеството и отстапувањето на телевизиските права на сите други настани кои што Јавниот сервис ги добива како членка на Европската радиодуфузна мрежа. Македонската Радио Телевизија ќе ги преземе сите законски решенија и дисциплински мерки по враќањето на нашата делегација од Торино, откако членовите ќе ги поднесат извештаите за случувањата на церемонијата. Поради негативниот имиџ во јавноста на проектот „Евровизија“ што предизвикува негативен публицитет на МРТ, Уредничкиот колегиум на МРТ ја разгледува можноста од следната година Македонската Радио Телевизија веќе да не учествува на Изборот за песна на Евровизија, стои во соопштението на МРТ.

Обвинителство се огласи по СКАНДАЛОТ: Нема индиции дека Андреа имала намера да го исмее знамето

Катерина Бојаџиева — Mon, 09 May 2022 11:23:41 +0000

Основното јавно обвинителство до овој момент нема отворено предмет за настанот кој ја разбранува македонската јавност, а кој се однесува на евровизиската претставничка Андреа Коевска која го фрли државното знаме на подот при фотографирањето синоќа во Торино, Италија. „До овој момент нема индиции дека во настанот имало намера државното знаме да се изложи на подбив и исмејување“, велат од Обвинителството за „Слободен печат“. Потсетуваме, евровизиската претставничка е цел на лавина критики откако вчера го фрли хартиеното мало знаме за време на фотосесија. Иако се работи за непромислен потег, повеќе експерти проценија дека сигурно тоа не го направила намерно или со умисла да ја понижи Македонија.

ПО СКАНДАЛОЗНАТА НОЌ, ПОВТОРНО СЕ ОГЛАСИ – по втор пат жали за се што се случи, македонското знаме ќе го вее гордо во иднина

Дарко Андоновски — Mon, 09 May 2022 10:26:27 +0000

Никако да стивнат реакциите на јавноста по вчерашниот скандал кој се случи во Торино во Италија, кога нашата евровизиска претставничка го фрли државното знаме на подот. Социјалните мрежи буквално експлоадираа вчера поради ваквото однесување на Андреа, која уште вчера објави видео на кое се обиде да објасни што се случило и дека не било со никаква лоша намера. Таа утрово на социјалните мрежи повторно се обрати до јавноста, каде повторно се извинува за она што го стори. Нејзината изјава ви ја пренесуваме во целост:

Шефицата на македонската делегација Мери Попова: Андреа само го ПОТТУРНА знамето, бидејќи не знаела како да реагира поинаку

Дарко Андоновски — Mon, 09 May 2022 09:33:08 +0000

Шефицата на македонската евровизиска делегација, Мери Попова за инцидентот со македонското знаме, што се случи вчера во Торино, Италија, по повод официјалниот старт на „Евровизија 2022“ и претставување на сите учесници, вели дека сè се случило навистина брзо. – Сè се случи навистина многу брзо. Протоколите и организацијата налагаа по 30 секунди официјално фотографирање за сите евровизиски претставници. Останатиот дел од делегацијата беше тргнат на сосема спротивна страна, зад камерите, со оглед на директниот пренос. Претпоставувам дека во целата еуфорија, кога од Андреа побарале фотографии и без знамето, едноставно не успеала да изреагира поинаку, туку го поттурна знамето по тиркизниот ќилим. Ниту видовме, ниту слушнавме кој го побарал тоа од неа, зошто повторувам бевме далеку од неа. Потоа си го зема и продолжи на средбите и интервјуата со сите други многубројни присутни медиуми. Несаканиот инцидент нема во никој случај да го оценам како „(зло)намерен” од нејзина страна, од причина што за сите овие денови на подготовки во Торино, Андреа секогаш со гордост говори за Македонија, со македонското знаме во преден план. Впрочем, тоа може да се забележи и на бројни фотографии на социјалните мрежи, изјави Попова. МРТ најостро го осуди потегот на нашата претставничка на Евросонг, Андреа Коевска којашто за време на фотографирањето во Торино го поттурна на земја државното знаме, а и во земјава има најразлични реакции. – Јавниот сервис на ниту еден начин не стои зад ваквото скандалозно однесување на нашата евровизиска претставничка, која со тој гест покажа непочитување кон националното обележје, што е казниво со закон, се наведува во соопштението. МРТ очекува од Андреа да им се извини на граѓаните за ваквото однесување и најавува дека ја разгледува можноста за нејзино повлекување од Евровизија, иако ќе се води сметка да не се предизвика поголема штета по јавниот сервис. – Против одговорните во македонската делегација ќе бидат преземени сите законски можности за најстрого санкционирање за овој скандал, се додава во соопштението.

„НЕ МИ СЕ ВЕРУВА ДЕКА ОВА СЕ СЛУЧУВА“: По скандалот се огласи Андреа, еве што му порача на македонскиот народ (ВИДЕО)

Дарко Андоновски — Mon, 09 May 2022 07:12:01 +0000

Андреа Коевска, македонската претставничка на Евровизија објави видео преку кое се извинува за тоа што го фрли државното знаме на земја за време на фотографирањето во Торино. „Ги видов написите во медиумите и не ми се верува дека ова се случува. Во последните неколку дена, сѐ што правев е тоа што гордо се движев насекаде и го покажував македонското знаме. Но, во моментот кога ме фотографираа, побараа од мене да го немам македонското знаме. Делегацијата беше навистина подалеку од мене и јас одлучив да го фрлам знамето. Не беше од омраза затоа што јас сум горда што доаѓам од тука. Затоа ми е малку бесмислено тоа што се случува. Навистина сум тука да ја претставам Македонија во најдобро светло и се надевам дека можеме да продолжиме во ова евровизиско искуство со позитива. Немав намера да навредам некого, ако го направив тоа – се извинувам!“, изјави Андреа.

ОВА Е СКАНДАЛОТ ВО ЦЕЛОСТ СО КОЈ ГО ПРЕКРШИ И ЗАКОНОТ: Македонската претставничка на Евровизија ја виде цела Европа (ВИДЕО)

Дарко Андоновски — Sun, 08 May 2022 19:59:58 +0000

Андреа Коевска, која ја претставува Македонија на Евросонг додека ја фотографираа во Торино го фрли македонското знаме на земја, па позираше без него, по што замина без да го подигне. Согласно членот 8 од Законот за употреба на грбот, знамето и химната на државата, истото е забрането, односно тие не смеат намерно да се кинат, палат, газат или на друг начин да се скрнават или изложуваат на презир или исмејување. Претставувањето на Андреа почнува од 55:40 минута во видеото. Денес е свеченото отворање на овогодинешното евровизиско издание во Торино, Италија. Сите 40 натпреварувачи и нивните делегации, претставници на ЕБУ и РАИ беа пречекани на тиркизниот тепих. Уметниците наместо на црвениот прошетаа по тиркизниот тепих, оти организаторите сметале дека тиркизот повеќе му одговара на градот домаќин, Торино.

ВИДЕО: Промовиран спотот на песната која ќе ја претставува Македонија на Евровизија

Магдалена Андонова — Thu, 10 Mar 2022 15:37:12 +0000

Младата пејачка Андреа Коевска која оваа година ќе ја претставува нашата земја на „Евровизија“ во Торино, Италија денес го промовираше видео спотот за песната „Circles“ на официјалниот јутјуб-канал на „Eurovision Song Contest“. Андреа ќе настапи на 66-тиот Избор за песна на Евровизија, по победата на Изборот за песна на Евровизија на Македонската Радио Тeлевизија, каде 50% од гласовите беа од меѓународното жири, а 50% од гласот на публиката. Музиката за песната е дело на Александар Масевски, а текстот на Андреа и Александар. Спотот е во продукција на МТВ, режисер е Горан Цветковиќ кој исто така се потпишува и на видео монтажа, а истиот е направен на повеќе локации во Скопје како Македонска пошта, железничката станица и студенскиот дом „Гоце Делчев“.

Евровизиската претставничка Андреа дел од кампањата „Нашите миленици се наше семејство, не ги напуштајте!“

Катерина Бојаџиева — Mon, 28 Feb 2022 13:08:45 +0000

Заедничката кампања „Нашите миленици се наше семејство, не ги напуштајте!“ на ЗОО Скопје и ЈП Лајка со поддршка од Град Скопје е со цел подигање на свеста против напуштање на милениците и одговорно сопствеништво. Во оваа кампања, се вклучија и наши познати личности кои се љубители на животните. Прва која сними видео со поддршка е македонската евровизиска претставничка Андреа Коевска, која заедно со својот долгогодишен миленик Лео низ прошетка во Градски парк порача да ги сакаме животните и никогаш да не ги напуштаме милениците бидејќи и тие се дел од семејството.