андреа пенезиќ – Kurir.mk

Пенезиќ низ солзи: Се чувствувам грозно, ова за мене беше последна шанса!

Ивана Ефремовски — Sun, 13 May 2018 19:00:51 +0000

Вардарки не успеаја да се збогуваат со големиот трофеј од Лигата на шампионите, овој силен македонски тим не се качи на европскиот трон, а малку фалеше.

-Грозно се чувствувам, немам коментар, ова ни беше последна шанса но ете, не ни било пишано, вели Пенезиќ по мечот.

-Можеби другите ќе можат да освојат со другите клубови, но ова за мене беше последна можност, рече таа низ солзи.

Пенезиќ: Мораме да играме поагресивно

Катерина Бојаџиева — Sat, 07 Apr 2018 07:17:32 +0000

Левиот бек на ЖРК Вардар, Андреа Пенезиќ, на прес-конференцијата по триумфот над Митјиланд рече дека македонскиот првак треба да биде поагресивен на реваншот во Скопје. - Нивната голманка одбрани многу топки, а ние имавме доста промашувања. Треба да играме многу поагресивно и подисциплинирано во реваншот. Сега победивме, но треба тоа да се потврди и во Скопје. Токму поради нашите грешки во првото полувреме противникот имаше и предност. Ни требаше време да почнеме добро да играме, но важно победивме. Треба сега да играме уште подобро на реваншот, изјави Андреа Пенезиќ. Вардар е на чекор до пласман на завршниот турнири во женската Лига на шампионите по синоќешната победа во Данска со 24:23. Реваншот со Митјиланд е на 14 април во Скопје.

Пенезиќ заминува од Вардар

Ивона Петрова — Wed, 21 Feb 2018 15:33:41 +0000

Ракометарка на Вардар, Андреа Пенезиќ, иако најави дека по заминувањето од Вардар на крајот од сезоната ќе се пензионира, сепак ќе ја продолжи кариерата. - Точно е дека мислев да ја прекинам кариерата, но во мене има уште ракомет и затоа решив да играм барем уште една сезона, истакна Пенезиќ. Таа вели дека е во преговори со неколку клубови, но не сакаше да открие за кои станува збор. - Во моментов сум во преговори со неколку клубови и засега немам ништо одлучено. Верувам дека набрзо ќе се знае и името на новиот клуб, наведе Пенезиќ. Хрватката, која има 32 години, е дел од вардаровите ракометни ѕвезди кои ќе го напуштат клубот, откако управата на „црвено-црните“ соопшти дека од следната сезона ќе игра со екипа составена од млади ракометарки од сопствените школи.

ЛОШИ ВЕСТИ ЗА ЖРК ВАРДАР: Најдобриот стрелец на тимот ја завршува кариерата

Ивана Ефремовски — Wed, 27 Dec 2017 14:41:07 +0000

Една од најдобрите ракометарки на Вардар, Андреа Пенезиќ најверојатно ќе се збогува со ракометот по завршувањето на оваа сезона.

32-годишната Пенезиќ во интервју за ТВ Арена изјави дека во јуни ќе ја заврши кариерата со цел да се посвети на други моменти од животот. Хрватската ракометарка планира да му посвети повеќе внимание на семејството и да ги доврши студиите.

Со крајот на оваа сезона завршува и нејзиниот договор со Вардар. Пенезиќ во македонскиот шампион пристигна во 2014-та година.

Пенезиќ посакува кариерата да ја заврши со трофејот од Лигата на шампионите. Вардарки играат во најдобра форма во моментов и важат за едни од најсериозните кандидати за освојување на европскиот трон.